ბეიკერი (კუნძული)
კუნძული ბეიკერი (ინგლ. Baker Island) — ამერიკის შეერთებული შტატების არაინკორპორირებული არაორგანიზებული დაუსახლებელი ტერიტორია წყნარ ოკეანეში, რომელიც იმყოფება შინაგან საქმეთა სამინისტროს დაქვემდებარების ქვეშ. ბეიკერი წარმოადგენს ატოლს, რომელიც ეკვატორის სიახლოვეს მდებარეობს, ამ ტერიტორიიდან 3100 კილომეტრში მდებარეობს ჰავაის შტატის ადმინისტრაციული ცენტრი ჰონოლულუ. ბეიკერიდან ჩრდილოეთით 68 კილომეტრში არის კუნძული ჰოულენდი.
| მშობ. სახელი: ინგლ. Baker Island | |
|---|---|
 კუნძული ბეიკერი | |
| გეოგრაფია | |
| მდებარეობა | წყნარი ოკეანე |
| კოორდინატები | 0°13′ ჩ. გ. 176°31′ დ. გ. / 0.217° ჩ. გ. 176.517° დ. გ. |
| ფართობი | 1,64 კმ² |
| სიგრძე | 1,81 კმ |
| სანაპიროს სიგრძე | 4,8 კმ |
| უმაღლესი წერტილი | 8 მ |
| ქვეყანა | |
| დემოგრაფია | |
| მოსახლეობა | 0 (2014) |
  | |
გეოგრაფია
რედაქტირებაბეიკერის ფართობია 1,64 კმ², სანაპიროს სიგრძე შეადგენს 4800 მეტრს. ამ ტერიტორიის უმაღლესი წერტილია 8 მეტრი. აქ კლიმატი ეკვატორულია. კუნძულზე მთელი წლის განმავლობაში დღის ტემპერატურა შეადგენს დაახლოებით +30 °C, ხოლო ჰაერის ტენიანობა პრაქტიკულად 90 % დაბლა არ ეშვება. რელიეფი დაბალი და ქვიშიანია ხეების გარეშე. მტკნარი წყალი პრაქტიკულად არ არის. ბეიკერზე არსებული მცენარეებიდან ძირითადად აღსანიშნავია ბუჩქები, რაც შეეხება ცხოველთა სამყაროს, კუნძულზე მრავალი ზღვის ფრინველი ცხოვრობს.
ისტორია
რედაქტირებაბეიკერი აღმოაჩინეს 1818 წელს. აშშ-მა გუანოს კანონზე დაყრდნობით, რომელიც ქვეყანაში მიღებული იქნა 1856 წელს,[1][2] კუნძულზე თავისი უფლებები 1857 წელს გამოაცხადა. 1886 წლიდან 1934 წლამდე ბეიკერს ჰქონდა ბრიტანეთის ზღვისიქითა ტერიტორიის სტატუსი. ორივე ქვეყანა აწარმოებდა გუანოს მოპოვებას. კუნძულის ათვისება შეწყდა მეორე მსოფლიო ომის დაწყებისთანავე.
თანამედროვე პერიოდში აშშ-ს აქ უკავია თავისი განსაკუთრებული ეკონომიკური ზონა რადიუსით 200 საზღვაო მილი.
სქოლიო
რედაქტირება- ↑ GAO/OGC-98-5 - U.S. Insular Areas: Application of the U.S. Constitution. U.S. Government Printing Office (1997-11-07). დაარქივებულია ორიგინალიდან — 2013-07-06. ციტირების თარიღი: 2013-03-23.
- ↑ The Guano Companies in Litigation--A Case of Interest to Stockholders. New York Times (1865-05-03). დაარქივებულია ორიგინალიდან — 2013-07-06. ციტირების თარიღი: 2013-03-23.
|
ეს სტატია აშშ-ისა და ამერიკელების შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში. |