ბაჰრამ V[1] გური[2] (დ. 400 — გ. 438, მიდიის რეგიონი) — სასანიდური ირანის მე-15 შაჰინშაჰი 420–438 წლებში, იეზდიგერდ I-ის ვაჟი.

ბაჰრამ V
Plate hunting Met 1994.402.jpg
ბაჰრამ V ნადირობისას
სასანიდური ირანის მე-15 შაჰინშაჰი
მმართ. დასაწყისი: 420
მმართ. დასასრული: 438
წინამორბედი: იეზდიგერდ I
მემკვიდრე: იეზდიგერდ II
პირადი ცხოვრება
დაბ. თარიღი: 400
გარდ. თარიღი: 438
შვილები: იეზდიგერდ II
დინასტია: სასანიანები
მამა: იეზდიგერდ I
დედა: შუშანდუხტი
რელიგია: ზოროასტრიზმი

ბაჰრამი აღიზარდა ლახმიდების მმართველთა კარზე და სარგებლობდა მათი მხარდაჭერით. მამამისის გარდაცვალების შემდეგ ჩავიდა ქტესიფონში და სწორედ ლახმიდებისა და მისი მომხრე სპარსელი დიდებულების დახმარებით შეძლო ტახტისათვის მოცილეთა დამარცხება, რის შედეგადაც გახდა სასანიანების შაჰინშაჰი. ბაჰრამის ზეობისას ირანს ხანმოკლე ომის გადახდა მოუწია ეფთალიტებთან, მის მიერ ქრისტიანების დევნის გამო კი 421 წელს აღმოსავლეთ რომის იმპერიასთან მოუხდა საომარი კონფლიქტი, რომელიც 422 წელს სამშვიდობო ზავის დადებით დასრულდა.

ბაჰრამ V ცნობილია თავისი განსაკუთრებული სიყვარულით ნადირობის მიმართ, რის გამოც მას ბაჰრამ გური (სპარს. بهرام گور), იგივე „კანჯარი ბაჰრამი“ უწოდეს. ის სპარსული ლიტერატურული შედევრების ერთ-ერთი ძირითადი ფიგურაა, საკმაოდ ბევრჯერ არის ნახსენები „შაჰნამეში.“

იხილეთ აგრეთვერედაქტირება

წყარორედაქტირება

სქოლიორედაქტირება

  1. Istoria.Ge ირანის მმართველების სია
  2. ქართული საბჭოთა ენციკლოპედია, ტ. 9, გვ. 116, თბ., 1985 წელი.