ბაჩო კვირტია

ბაჩო კვირტია (დ. 8 ნოემბერი, 1974, ზუგდიდი) — ქართველი მწერალი, დრამატურგი, სცენარისტი.

დაბადების თარიღი	8 ნოემბერი, 1974 (1974-11-08)
დაბადების ადგილი	ზუგდიდი, საქართველოს სსრ, სსრ კავშირი
საქმიანობა	მწერალი, დრამატურგი, სცენარისტი
ეროვნება	ქართველი
მოქალაქეობა	საქართველო
ალმა-მატერი	შოთა რუსთაველის თეატრისა და კინოს უნივერსიტეტი
პერიოდი	1994-დან დღემდე
Magnum opus	„მატარებლის მოსვლამდე“, „მძინარე ციკლოპის ძახილი“, „ტასმანიური ვეფხვი“
ჯილდოები	პრემია „საბა“, პრემია „წერო“, პრემია „Pen-მარათონი“ პრემია „ალავერდი“

ბიოგრაფია

ბაჩო კვირტია დაიბადა 1974 წლის 8 ნოემბერს, ქალაქ ზუგდიდში. 1996 წელს დაამთავრა თბილისის შოთა რუსთაველის თეატრისა და კინოს უნივერსიტეტი, დრამატურგიის ხელოვნების ფაკულტეტი (თამაზ ჭილაძის სახელოსნო). ავტორია პროზაული კრებულებისა „მატარებლის მოსვლამდე“, „მძინარე ციკლოპის ძახილი“, „ტასმანიური ვეფხვი“.

1994 წლიდან იბეჭდება ქართულ ლიტერატურულ ჟურნალ-გაზეთებში („ლიტერატურული საქართველო“, „მნათობი“, „კარი“, „არილი“, „პარნასი“, „24 საათი“, „ლიტერატურული პალიტრა“, „ლიტერატურა – ცხელი შოკოლადი“, „ფოკუსი“, „საქართველოს რკინიგზა“, „ლიტერატურული გაზეთი“, „გალაკტიონი“ და სხვა).

1994–2004 წლებში მონაწილეობდა ახალგაზრდა დრამატურგთა ყოველწლიურ სემინარებში.

2003–2010 წლებში მონაწილეობდა ყოველწლიურ ლიტერატურულ კონკურსში „Pen-მარათონი“.

2011–2013 წლებში მონაწილეობდა საქართველოში ბრიტანეთის საბჭოს, მ. თუმანიშვილის ფონდისა და ლონდონის Royal Court Theatre-ის ორგანიზებით განხორციელებულ ორწლიან პროექტში New Writing Workshop.  

2011 წლიდან ქართული Pen-კლუბის წევრია.

ჯილდოები

• 2017 — გამარჯვებული სპეციალურ ნომინაციაში „საუკეთესო ნაწარმოები“, გოდერძი ჩოხელის სახელობის ლიტერატურულ კონკურსზე მინიატურის ჟანრში „ერთგულება“
• 2016 — გამარჯვებული ნომინაციაში „წლის საუკეთესო პროზაული ნაწარმოები“, ლიტერატურისა და ხელოვნების კონკურსზე „თბილისი“
• 2015 — მეორე ადგილი გოდერძი ჩოხელის სახელობის ლიტერატურულ კონკურსზე მინიატურის ჟანრში „ერთგულება“
• 2014 — ნომინანტი ლიტერატურულ პრემიაზე „საბა“ (ნომინაცია: „წლის საუკეთესო პროზაული კრებული“)
• 2013 — გამარჯვებული ნომინაციაში „საქართველოს კულტურისა და ძეგლთა დაცვის სამინისტროს რჩეული“, ლიტერატურულ კონკურსზე „წერო“
• 2011 — გურამ რჩეულიშვილის სახელობის ლიტერატურული პრემია „ალავერდი“, ნომინაცია: „საუკეთესო მოთხრობა“
• 2008 — ლიტერატურული პრემია „საბა“, ნომინაცია: „საუკეთესო დებიუტი“ (პროზაული კრებული „მატარებლის მოსვლამდე“, გამომცემლობა „დიოგენე“, 2007)
• 2007 — პირველი პრემია ლიტერატურულ კონკურსზე „წერო“
• 2007 — პირველი პრემია ლიტერატურულ კონკურსზე „Pen-მარათონი“

ბიბლიოგრაფია

• „ტასმანიური ვეფხვი“, მოთხრობები, ნოველები, ჩანაწერები – თბილისი, „ახალი საუნჯე“, 2013
• „მძინარე ციკლოპის ძახილი“, მოთხრობები (ავტორი) – თბილისი, „გუმბათი“, 2010. - 176 გვ. - ISBN: 978-9941-0-1924-1
• „მატარებლის მოსვლამდე“, მოთხრობები, ნოველები, მინიატურები, პიესა (ავტორი) – თბილისი, „დიოგენე“, 2007. - 114 გვ. - ISBN: 978-99940-925-5-0

რესურსები ინტერნეტში

• ბაჩო კვირტია — საქართველოს ბიოგრაფიული ლექსიკონი
• ბაჩო კვირტია — Mematiane