ბატა (ესპ. Bata) — ქალაქი ეკვატორული გვინეის კონტინენტურ ნაწილში. ატლანტის ოკეანის სანაპიროზე მდებარე საზღვაო პორტი. ლიტორალის პროვინციის ადმინისტრაციული ცენტრი.

ქალაქი
ბატა
ესპ. Bata
Torre de la Libertad.jpg
ტორე-დე-ლა-ლიბერტადის ძეგლი
გერბი
Escudo de Bata (Litoral).png

ქვეყანა ეკვატორული გვინეის დროშა ეკვატორული გვინეა
პროვინცია ლიტორალი
კოორდინატები 1°51′00″ ჩ. გ. 9°45′00″ ა. გ. / 1.85000° ჩ. გ. 9.75000° ა. გ. / 1.85000; 9.75000
დაარსდა 1851
ფართობი 2500 კმ²
ცენტრის სიმაღლე 5
მოსახლეობა 312 000 კაცი (2015)
სასაათო სარტყელი UTC+1
სატელეფონო კოდი 08
ბატა (ეკვატორული გვინეა) — ეკვატორული გვინეა
ბატა (ეკვატორული გვინეა)

ქალაქ ბატაში მდებარეობს იმავე დასახელების საერთაშორისო აეროპორტი. აქ ასევე მდებარეობს ეკვატორული გვინეის ეროვნული უნივერსიტეტის ერთ-ერთი კამპუსი.

ისტორიარედაქტირება

1968 წლის ანტი-ესპანური უწესრიგობების და მძიმე ეკონომიკური კრიზისის გამო, რომელიც ქალაქმა გადაიტანა 1970-იან წლებში და 1980-იანი წლების დასაწყისში, ქალაქში შემცირდა ევროპელი მოსახლეობა. ქვეყანაში 1980-იანი წლების ბოლოს და 1990-იან წლებში დაწყებულმა ნავთობის ბუმმა ბიძგი მისცა ქალაქის განვითარებას.

კლიმატირედაქტირება

ქალაქ ბატას, როგორც ეკვატორული გვინეის დასახლებული პუნქტების დიდ უმრავლესობას, აქვს ტროპიკული მუსონური კლიმატი. ნალექების საშუალო თვიური რაოდენობა შეადგენს 1800 მმ-ს. ყველაზე უფრო გრილი და მშრალი თვეა თებერვალი, ხოლო ყველაზე ცხელი თვეა აგვისტო. მშრალი სეზონი გრძელდება დეკემბრიდან მარტის ჩათვლით, ხოლო წვიმიანი აპრილიდან ნოემბრის ჩათვლით.

მოსახლეობარედაქტირება

მოსახლეობის რაოდენობით ქალაქი ბატა ქვეყნის ყველაზე დიდი დასახლებული პუნქტია, 2015 წლის აღწერის წინასწარი მონაცემებით მისი მოსახლეობა შეადგენს 312 000 ადამიანს.[1]

ეკონომიკარედაქტირება

ქალაქი ბატა რეგიონში ერთ-ერთი ყველაზე უფრო ღრმა პორტია. მიუხედავად ამისა, ქალაქს არ აქვს ბუნებრივი ნავსაყუდელი საზღვაო გემების და ტვირთების გადამუშავების გასაადვილებლად. ექსპორტის მთავარი დარგებია მერქანი და ყავა.[2] ქა;აქის საერთაშორისო აეროპორტი ახორციელებს რეისებს რამდენიმე ქალაქში, ეკვატორული გვინეის დედაქალაქ მალაბოს და გაბონის დედაქალაქ ლიბრევილის ჩათვლით. ბატაში, როგორც მალაბოში, მდებარეობენ ერთ-ერთი საუკეთესო ოტელები, ოტელ Panafrica-ს ჩათვლით, რომელსაც აქვს ხედი პლაჟისკენ.[3]

რესურსები ინტერნეტშირედაქტირება

სქოლიორედაქტირება