ბატაკი
ბატაკი (ოფიციალურად ქალაქი ბატაკი) — მეხუთე კლასის ქალაქი ჩრდილოეთ ილოკოსის პროვინციაში, ფილიპინებში. 2015 წლის აღწერით, ქალაქის მოსახლეობა 55 201 ადამიანს შეადგენს.
|
ბატაკი | |
| ქვეყანა |
 ფილიპინები |
|---|---|
| კოორდინატები | 18°03′19″ ჩ. გ. 120°33′53″ ა. გ. / 18.0554000° ჩ. გ. 120.5648889° ა. გ. |
| ფართობი | 161.06 კვადრატული კილომეტრი |
| ცენტრის სიმაღლე | 65 მეტრი |
| მოსახლეობა | 55 484 (1 მაისი, 2020)[1] |
| სასაათო სარტყელი | UTC+8 |
| სატელეფონო კოდი | 77 |
| საფოსტო ინდექსი | 2906 |
| ოფიციალური საიტი | https://batac.gov.ph/ |
  | |
ისტორია
რედაქტირებაბატაკი ავგუსტინელებმა 1587 წელს დააარსეს. იგი ჩრდილოეთ ილოკოსის პროვინციაში ავგუსტინელების მიერ დაარსებული მეორე უძველესი ქალაქია. ხალხური თქმულებით, თავდაპირველად ბატაკი ორი სოფლისგან შედგებოდა. ერთ-ერთი იტნეგებით იყო დასახლებული, ხოლო მეორე - ქრისტიანებით.
9047-ე რესპუბლიკური აქტის მიხედვით, ბატაკის მუნიციპალიტეტი ჩრდილოეთ ილოკოსის პროვინციის შემადგენელ ქალაქად გამოცხადდა და ქალაქი ბატაკი ეწოდა. 2007 წლის 23 ივნისს გამართულ პლებისციტზე მოსახლეობამ დადგენილების რატიფიცირება მოახდინა.
გეოგრაფია
რედაქტირებაბატაკი კუნძულ ლუსონიდან ჩრდილო-დასავლეთით, სამხრეთ-ჩინეთის ზღვიდან 11 კმ-ის დაშორებით მდებარეობს. ქალაქი ეროვნული დედაქალაქის რეგიონიდან 470 კმ-ით, ხოლო პროვინციული დედაქალაქიდან, ლაოაგიდან 17 კმ-თაა დაშორებული. ქალაქს ბანის, კურმაოს, პაოაოს, პინილის, სარატის, მარკოსისა და სან-ნიკოლასის მუნიციპალიტეტები ესაზღვრება.
ბარანგაები
რედაქტირებაბატაკი პოლიტიკურად 43 ბარანგაიდ იყოფა, რომელთაგან 14 პობლაკიონია.
ტურიზმი
რედაქტირებაქალაქის ცენტრში მარკოსის მუზეუმი და მავზოლეუმი მდებარეობს. მავზოლეუმში ყოფილი პრეზიდენტის, ფერდინანდ მარკოსის ცხედარია დასვენებული. ქალაქში ორი ფესტივალი იმართება: ფერმერთა და ემპანადის ფესტივალი. ფერმერთა ფესტივალი ყოველწლიურად მასისი პირველ კვირაში იმართება და უხვ მოსავალსა და ფერმერებს ეძღვნება. ემპანადის ფესტივალი ყოველწლიურად ქალაქის დაარსების დღეს, 23 ივნისს იმართება.
ცნობილი ადამიანები
რედაქტირება-
ფერდინანდ მარკოსი – ფილიპინების მეათე პრეზიდენტი (1965-1986). -
გრეგორიო აგლიპაი - დამოუკიდებელი ფილიპინური ეკლესიის დამაარსებელი და პირველი უზენაესი ეპისკოპოსი. -
არტემიო რიკარტე – ფილიპინელი გენერალი ფილიპინების რევოლუციისა და ამერიკა-ფილიპინების ომის დროს. მიიჩნევა „ფილიპინური არმიის მამად“. -
როდოლფო ბიასონი – სენატორი (1992 წლის 30 ივნისიდან 1995 წლის 30 ივნისამდე; 1998 წლის 30 ივნისიდან 2010 წლის 20 ივნისამდე).
რესურსები ინტერნეტში
რედაქტირება