ბანგლადეშის ტურიზმი

ბანგლადეშის ტურისტული ღირსშესანიშნაობები მოიცავს ისტორიულ ძეგლებს, კურორტებს, სანაპიროებს, საპიკნიკე ადგილებს, ტყეებსა და ტომებს, ველურ გარემოს. ტურისტებს თევზაობის, წყლის თხილამურებით გასეირნების, მდინარზე ნავებით სეირნობის, მთამსვლელობის, ნიჩბოსნობის, იახტებით გასეირნებისა და ზღვის აბაზანების მიღების შესაძლებლობა აქვთ. ^[1]^[2]

ქვეყნის ჩრდილოეთ ნაწილში, რომელიც რაჯშაჰის მეტროპოლიასაც მოიცავს, არქეოლოგიური ძეგლებია, რომელთა შორის აღსანიშნავია: რაჯშაჰის პითიას ტაძრის კომპლექსი, ყველაზე დიდი და ყველაზე ძველი არქეოლოგიური ძეგლი ბოგრას რაიონში მდებარე მაჰასთანგარჰის დასახლება, ნაოგაონში მდებარე უდიდესი ბუდისტური მონასტერი, ტერაკოტის ორნამენტებით მოჩუქურთმებული ინდური ტაძარი, კანტანაგარის ტაძარი და სხვა.

სამხრეთ-აღმოსავლეთ ნაწილში, ჩიტაგონის რეგიონში ბორცვიანი სივრცეები, ჩიტაგონგის მთიანი რაიონი და ქვიშიანი სანაპიროებია. კოქს-ბაზარის ცნობილი პლაჟი მსოფლიოში ყველაზე გრძელი უწყვეტი ქვიშიანი პლაჟის ტიტულის კანდიდატია.^[3]

სამხრეთ-დასავლეთ ნაწილში, ძირითადად ხულნას რეგიონში სუნდარბანსია, მსოფლიოში ყველაზე დიდი მანგოს ტყე სამეფო ბენგალური ვეფხვითა და ლაქებიანი ირმით. ცნობილი ისტორიული და არქიტექტურული ძეგლია ბაგერჰატში მდებარე სამოცი გუმბათის მეჩეთი. ჩრდილო-აღმოსავლეთ ნაწილში, სილჰეტის რეგიონში პატარა გორაკებზე ჩაის პლანტაციებია გაშენებული. მნიშვნელოვან ღირსშესანიშნაობას წარმოადგენს დაცული ტყეები. ამ მხარეში, განსაკუთრებით ჭარბტენიან ტერიტორიებზე (ჰაორი) ზამთარში ტურისტებს ფრინველების მიგრაციაზე დაკვირვების შესაძლებლობა აქვთ.

ტურიზმის სამინისტრო და სამოქალაქო ავიაციის სამინისტრო ტურიზმის განვითარების ეროვნულ პოლიტიკას შეიმუშავებს. სამინისტრო ახორციელებს კამპანიას სახელწოდებით „მშვენიერი ბანგლადეში“. ბანგლადეშის ხელისუფლებამ ტურისტული პოლიციის ინსტიტუტი შექმნა, რომელსაც ადგილობრივი და უცხოელი ტურისტების დაცვა და ტურისტულ წერტილებში ბუნებასა და ველურ გარემოზე ზრუნვა ევალება.

ეკონომიკური გავლენა

მსოფლიო მოგზაურობისა და ტურიზმის საბჭოს 2013 წლის მოხსენების მიხედვით, ბანგლადეშში მოგზაურობისა და ტურიზმის სფეროში 2012 წელს პირდაპირ 1 281 500 სამუშაო ადგილი იყო შექმნილი, რაც ქვეყნის დასაქმებული მოსახლეობის მთლიანი ნაწილის 1.8%-ს შეადგენდა. ამ მაჩვენებლით ბანგლადეში მსოფლიო მასშტაბით 178 ქვეყნიდან 157-ე ადგილზე იმყოფებოდა.^[4] პირდაპირი და არაპირდაპირი სამუშაო ადგილების რაოდენობა 2 714 500 იყო, რაც ქვეყნის დასაქმებული მოსახლეობის 3,7%-ს შეადგენს.^[4] 2012 წლისთვის მთლიან შიდა პროდუქტში მოგზაურობისა და ტურიზმის სფეროდან პირდაპირი შემოსავლების პროცენტული მაჩვენებლით ბანგლადეში მსოფლიოს 176 ქყვეყანას შორის 142-ე ადგილზე იმყოფებოდა.^[4]

არქიტექტურა

სამოცი გუმბათის მეჩეთი ბაგერჰათში

ბანგლადეშში ღმერთების თაყვანისცემის ბევრი ადგილია. დედაქალაქი დაკა ცნობილია როგორც „მეჩეთების ქალაქი“.

ცნობილი რელიგიური ცენტრები და ტურისტული ღირსშესანიშნაობებია:

ბაითულ მუკარამის ეროვნული მეჩეთი − ბანგლადეშის ეროვნული მეჩეთი. 1968 წელს აგებული მეჩეთი, რომელიც დედაქალაქის ცენტრში მდებარეობს. ბაითულ მუკარამი მსოფლიოში სიდიდით მეათე მეჩეთია და 30 000 ადამიანს იტევს.
ბაგერჰათის მეჩეთი − ხულნას მხარეში, ბაგერჰათის რაიონის გარეუბანი. ჟურნალმა Forbes ისტორიული ქალაქი მსოფლიოს 15 დაკარგული ქალაქის სიაში შეიყვანა. ქალაქში 50 ისლამური ძეგლი მდებარეობს.
კანტანაგარის ტაძარი − 1702-1752 წლებში აშენებეული ნავარატნას ინდური ტაძარი.
დაკეშვარის ტაძარი −XIV საუკუნეში აშენებული ბანგლადეშის ერთ-ერთი ეროვნული ტაძარი.
ჰუსეინი დალანი − XVII საუკუნეში აშენებული შიიტური მეჩეთი.
სამოცი გუმბათის მეჩეთი − სულთანატის პერიოდიდან მოყოლებული ქვეყანაში მდებარე ყველაზე დიდი მეჩეთი, რომელიც აღწერილია როგორც „ყველაზე შთამბეჭდავი მუსლიმური ძეგლი მთელს ინდოეთის სუბკონტინენტზე“.

ანტიკური ნანგრევები

ვარი-ბატეშვარის ნანგრევები −აიგო ძვ.წ. 450 წელს მაურიების მმართველობის დროს. 2 500 წლის ანტიკური ციხესიმაგრე (ფორტი).
პაჰარპურეს ბიჰარა − ბანგლადეშის ჩრდილოეთით, რაჯშაჰის რაიონში მდებარე ბუდისტური მონასტერი. ბიჰარას 27 აკრი მიწა უკავია და ჰიმალაების სამხრეთით ერთ-ერთი უდიდესი მონასტერია. ბიჰარას დიზაინი იავისა და კამბოჯის ბუდისტური არქიტექტურის გავლენითაა შექმნილი.^[5]
ბოგრას გარეუბანი − ბანგლადეშის უძველესი არქეოლოგიური ძეგლი მაჰასთჰანგარაჰში.

შუა საუკუნეები

ლალბაგჰის ფორტი, დაკა, ბანგლადეში

სონარგაონი - აღმოსავლეთ ბენგალიის მუსლიმი მმართველების ადმინისტრაციული ცენტრი შუა საუკუნეებში.
ლალბაგჰის ციხესიმაგრე - აგრეთვე ცნობილი როგორც აურანგაბადის ციხესიმაგრე. ქალაქ დაკას ძველი ნაწილის სამხრეთ-დასავლეთ ნაწილში, მდინარე ბურიგანგაზე მდებარე მოგოლების დაუსრულებელი სასახლე-ციხესიმაგრე. ფორტი სამი შენობის (მეჩეთი, ბიბი-პარის სამარხი და წითელი ფორტი), ორი კარიბჭისა და ნაწილობრივ დაზიანებული საფორტიფიკაციო კედლის კომბინაციად იყო ჩაფიქრებული.^[6]
Ahsan Manzil - 1859-1872 წლებში აგებული ნავაბთა სასახლე. ამჟამად დაკას კულტურისა და ისტორიის ამსახველი მუზეუმი. სასახლე ბანგლადეშის ერთ-ერთ გამორჩეულ არქიტექტურულ ძეგლადაა აღიარებული.^[7]
ბარა კატრა - ისტორიული და არქიტექტურული ძეგლი ქალაქ დაკაში. ქალაქის ერთ-ერთი უძველესი შენობა.^[8] მდებარეობს მდინარე ბურიგანგას ნაპირზე. ოთხკუთხედი ფორმის შენობის შიგნით ეზო, ოთხივე მხარეს კი 22 ოთახია განთავსებული.^[9]

ბრიტანული არქიტექტურა

კერზონის დარბაზი - საუკუნის წინ აგებული შენობა, რომელიც თავდაპირველად ქალაქის დარბაზად შეიქმნა, მაგრამ შემდეგ აქ დაკას უნივერსიტეტის მეცნიერების ფაკულტეტი განთავსდა.^[10]
ნორთბრუკის დარბაზი - მეცხრამეტე საუკუნეში ლორდ ნორთბრუკის პატივსაცემად აგებული ქალაქის დარბაზი.

რესურსები ინტერნეტში

ბანგლადეში, ტურისტული მეგზური ვიკივოიაჟზე
visitbangladesh.gov.bd დაარქივებული 2019-10-03 საიტზე Wayback Machine.
Official website of Bangladesh Parjatan Corporation (Old website)
Bangladesh travel and tourism საიტზე Curlie

სქოლიო

↑ (2011) Lonely Planet's Best in Travel 2011. Lonely Planet. ISBN 978-1-74220-090-3.
↑ Top 10 best value destinations for 2011. დაარქივებულია ორიგინალიდან — 2017-01-16. ციტირების თარიღი: 2018-11-30.
↑ „World's longest beach hidden in Bangladesh“. Sydney Morning Herald. Reuters. 31 January 2007. ციტირების თარიღი: 10 January 2008.
↑ ^4.0 ^4.1 ^4.2 Travel & Tourism Economic Impact 2013: Bangladesh. World Travel and Tourism Council. დაარქივებულია ორიგინალიდან — 7 ოქტომბერი 2013. ციტირების თარიღი: 30 ნოემბერი 2018.
↑ Visit the Intriguing Somapura Mahavira – Bangladesh Blog | By Bangladesh Channel. Bangladesh.com. ციტირების თარიღი: 5 October 2012.
↑ Rahman, Habibur (2012). „Lalbagh Fort“, Banglapedia: National Encyclopedia of Bangladesh, Second, Asiatic Society of Bangladesh.
↑ Ahsan Manzil – Standing Proud – Bangladesh Blog | By Bangladesh Channel. Bangladesh.com. ციტირების თარიღი: 5 October 2012.
↑ Bara Katra. ციტირების თარიღი: 25 September 2017
↑ Begum, Ayesha (2012). „Bara Katra“, Banglapedia: National Encyclopedia of Bangladesh, Second, Asiatic Society of Bangladesh.
↑ Perween Hasan (2012). „Curzon Hall“, რედ. Sirajul Islam and Ahmed A. Jamal: Banglapedia: National Encyclopedia of Bangladesh, Second, Asiatic Society of Bangladesh.

[lp-1] (2011) Lonely Planet's Best in Travel 2011. Lonely Planet. ISBN 978-1-74220-090-3.

[lp_web-2] Top 10 best value destinations for 2011. დაარქივებულია ორიგინალიდან — 2017-01-16. ციტირების თარიღი: 2018-11-30.

[smh-3] „World's longest beach hidden in Bangladesh“. Sydney Morning Herald. Reuters. 31 January 2007. ციტირების თარიღი: 10 January 2008.

[2013_report-4] 4.0 ^4.1 ^4.2 Travel & Tourism Economic Impact 2013: Bangladesh. World Travel and Tourism Council. დაარქივებულია ორიგინალიდან — 7 ოქტომბერი 2013. ციტირების თარიღი: 30 ნოემბერი 2018.

[5] Visit the Intriguing Somapura Mahavira – Bangladesh Blog | By Bangladesh Channel. Bangladesh.com. ციტირების თარიღი: 5 October 2012.

[Banglapedia-6] Rahman, Habibur (2012). „Lalbagh Fort“, Banglapedia: National Encyclopedia of Bangladesh, Second, Asiatic Society of Bangladesh.

[7] Ahsan Manzil – Standing Proud – Bangladesh Blog | By Bangladesh Channel. Bangladesh.com. ციტირების თარიღი: 5 October 2012.

[8] Bara Katra. ციტირების თარიღი: 25 September 2017

[9] Begum, Ayesha (2012). „Bara Katra“, Banglapedia: National Encyclopedia of Bangladesh, Second, Asiatic Society of Bangladesh.

[bpedia-10] Perween Hasan (2012). „Curzon Hall“, რედ. Sirajul Islam and Ahmed A. Jamal: Banglapedia: National Encyclopedia of Bangladesh, Second, Asiatic Society of Bangladesh.

[1]

[2]

[3]

[4]

[5]

[6]

[7]

[8]

[9]

[10]