აუქშტაიტია

აუქშტაიტია (ლიეტუვ. Aukštaitija, ოფიციალურად ”მთიანეთი”) — ლიეტუვის ხუთი ეთნოგრაფიული რეგიონიდან ერთ-ერთი. სახელი მაღალმთიანეთში მდებარეობის გამო შეერქვა, განსაკუთრებით აღმოსავლეთი ნაწილისა.

აუქშტაიტია ღია წითლად

გეოგრაფია

აუქშტაიტია ლიეტუვის ჩრდილოეთით მდებარეობს და ბელარუსისა და ლატვიის საზღვრებსაც სცილდება ადგილ-ადგილ. უდიდესი ქალაქი და, რეგიონის არაპოლიტიკურობის მიუხედავად, ცენტრალური ქალაქი პანევეჟისია.

• მხარის უდიდესი ქალაქები 20 000 ადამიანზე მეტი მოსახლით:

• პანევეჟისი - 119,749 (რეგიონის მთავარი ქალაქი)
• იონავა - 34,954
• უტენა - 33,860
• კედაინიაი - 32,048
• ვისაგინასი - 29,554 ( ეს ქალაქი საბჭოურ პერიოდში აშენდა და ძირითადად რუსებითა და სხვა საბჭოთაკავშირილებით იყო დასახლებული ამდენად, ქალაქი რეგიონში მხოლოდ გეოგრაფიულად მდებარეობს, მაგრამ, არა იდეურად)
• უკმიარგე - 28,759
• რადვილიშკისი - 20,339

რეგიონი, განსაკუთრებით კი აღმოსავლეთი ნაწილი სავსეა ტბებით.

ისტორია

ისტორიულად აუქშტაიტია ლიტვის დიდ მთავარს ეკუთვნოდა მე-13 საუკუნემდე. მხარის ძირითადი დედაქალაქი იყო კიარნავია. გედიმინასის შეთანხმებით 1322 წელს აუქშტაიტიას ეწოდა terra Eustoythen (აუქშტაიტთა მიწა). მხარე პრუსიულ ქრონიკებში აუსტეხიად მოიხსენიებოდა (დაახ. 1326 წ.). მე-15 საუკუნიდან ტრაკაისა და ვილნიუსის სავოევოდოებში იყო მოქცეული, რაც მას ეთნიკური თვალსაზრისით პოლიტიკურ სტატუსსაც ანიჭებდა, ამიტომ, Lithuania Propria (ლიეტუვის მიწა) ეწოდა.

სიმბოლოები

აუქშტაიტიის გერბი და დროშა საზოგადოებას 2007 წელს წარუდგინეს.