ვიკიპედია

ასმა ალ-ასადი

სირიის პირველი ქალბატონები

ასმა ალ-ასადი (არაბ. أسماء الأسد‎‎; დაბადებული ასმა ბინტ ფავაზ ახრასი[1][2] (არაბ. أسماء فواز الأخرس‎‎); დ. 11 აგვისტო 1975, ლონდონი, გაერთიანებული სამეფო) — სირიის პირველი ლედი. დაიბადა ლონდონში, სირიელი მშობლების ოჯახში და 19 წლის ასაკში, სირიის ამჟამინდელ პრეზიდენტზე, ბაშარ ალ-ასადზე დაქორწინდა.[3][4]

ასმა ალ-ასადი
ასმა ალ-ასადი
ასმა ალ-ასადი 2003 წელს
სირიის პირველი ლედი
ამჟამინდელი თანამდებობა
დაიკავადეკემბერი 2000
წინამორბედიანისა მახლუფი
დაბადებული11 აგვისტო, 1975 (1975-08-11) (49 წლის)
ლონდონი, გაერთიანებული სამეფოს დროშა გს
ეროვნებაბრიტანელი, სირიელი
მამაფავაზ ახრასი
მეუღლებაშარ ალ-ასადი (ქ. 2000)
შვილები3
განათლებალონდონის სამეფო კოლეჯი

დაიბადა და გაიზარდა გაერთიანებული სამეფოში, სადაც 1996 წელს ლონდონის სამეფო კოლეჯი დაამთავრა კომპიუტერული მეცნიერება და ფრანგულ ლიტერატურა, ბაკალავრის ხარისხით. ასმას საინვესტიციო და საბანკო საქმეში კარიერა ჰქონდა და ჰარვარდის უნივერსიტეტში მაგისტრატურის გავლას აპირებდა, როდესაც იგი 2000 წლის დეკემბერში ბაშარ ალ-ასადზე დაქორწინდა.

მან დატოვა თავისი საინვესტიციო საბანკო საქმიანობა მას შემდეგ, რაც დაქორწინდა და დარჩა სირიაში, სადაც მას სამი შვილი ეყოლა. პირველი ლედის თანამდებობაზე, მან მნიშვნელოვანი როლი შეასრულა ქვეყნის სოციალურ და ეკონომიკურ განვითარებაში, როგორც ნაწილი ბაშარის მმართველობის დროინდელი რეფორმების, რომელიც შეჩერდა სირიის სამოქალაქო ომის დაწყების გამო.[5]

მიმდინარე სამოქალაქო ომის შედეგად, ასად და სირიის სხვა მაღალჩინოსნებს დაუესდათ ეკონომიკური სანქციები, რამაც ასმა არასასურველ პიროვნებად გამოაცხადა ევროკავშირში, შიდეგად ის ევროკავშირის წევრ ქვეყნებში ვერ ჩადის, გარდა გაერთიანებული სამეფოსა, რომლის მოქალაქეცაა.[6][7][8][9][10][11]

ადრეული წლები და განათლება

რედაქტირება

ასადი დაიბადა 1975 წლის 11 აგვისტოს ლონდონში, როგორც ასმა ახრასი, კრომველის საავადმყოფოს კარდიოლოგის ფავაზ ახრასის და მისი მეუღლის, საჰარ ახრასის (დაბადებული ოტრი), ლონდონში სირიის საელჩოს ყოფილი პირველი მდივნის ოჯახში.[1] მისი მშობლები სუნიტი მუსლიმები და წარმოშობით სირიელები არიან, ქალაქ ჰომსიდან.[1][12]

გაიზარდა ლონდონის აკტონის რაიონში, სადაც დადიოდა ტბიფორდის ეკლესიის ინგლისის უმაღლეს სკოლაში და მოგვიანებით ლონდონის დედოფლის კოლეჯში, რომელიც გოგონათა კერძო სკოლაა.[13] 1996 წელს დაამთავრა ლონდონის სამეფო კოლეჯი ბაკალავრის სამეცნიერო ხარისხით, კომპიუტერული მეცნიერების და ფრანგული ლიტერატურის განხრით.[14] იგი ფლობს ინგლისურ, არაბულ, ფრანგულ და ესპანურ ენებს.[1]

საფინანსო კარიერა

რედაქტირება

ლონდონის სამეფო კოლეჯის დამთავრების შემდეგ, ასმამ მუშაობა დაიწყო Deutsche Bank Group-ის ეკონომიკის ანალიტიკოსად, კლიენტებთან მართვის განყოფილებაში ევროპისა და აღმოსავლეთ აზიის რეგიონში.[1][2] 1998 წელს შეუერთდა „J.P. Morgan“ საინვესტიციო საბანკო განყოფილებას, სადაც მუშაობდა გუნდში, რომელიც სპეციალიზებულია ბიოტექნოლოგიასა და ფარმაცევტულ კომპანიებში.[15][16] იგი თავისი საბანკო გამოცდილებას აფასებს, როგორც დაკმაყოფილებელი „ანალიტიკურ აზროვნებასა“ და „ბიზნესის მართვაში“.[17]

იგი აპირებდა ჰარვარდის უნივერსიტეტში მაგისტრატურის გავლას, როდესაც 2000 წელს დამასკში, დეიდამისის სტუმრობისას ბაშარ ალ-ასადს არ შეხვდა.[18]

პირველი ლედი

რედაქტირება
 
ასმა ასადი და ბრაზილიის პირველი ლედი მარისა ლეტიცია ლულა და სილვა, დამასკის ეროვნული მუზეუმი, 3 დეკემბერი 2003

2000 წლის ივნისში ჰაფეზ ასადის გარდაცვალების შემდეგ, ბაშარმა პრეზიდენტობის პოსტი დაიკავა.[17] 2000 წლის ნოემბერში, ასმა გადავიდა სირიაში და იმავე წლის დეკემბერში დაქორწინდა ბაშარზე. ქორწინება ბევრს გაუკვირვდა, რადგან ქორწინებამდე მედიასაშუალებებში არ გახმოვანებულა მათი სიყვარულის ისტორია. ბევრმა ეს კავშირი განიხილა, როგორც შერიგების და პროგრესის ნაბიჯი ახალი რეფორმირებული მთავრობის მხრიდან, რადგან ასმა გაიზარდა გაერთიანებულ სამეფოში და წარმოადგენს სუნიტურ ისლამს, ხოლო ბაშარი ალავიტია.[19]

პირადი ცხოვრება

რედაქტირება

ასმას და ბაშარ ალ ასადს სამი შვილი ჰყავთ. მათი პირველი ვაჟი, ჰაფეზი, რომელიც ბაშარის მამის პატივსაცემად დაარქვეს, 2001 წელს დაიბადა, მათი ერთადერთი ქალიშვილი ზეინი 2003 წელს, ხოლო მეორე ვაჟი ქარიმი 2004 წელს დაიბადა.[1]

რესურსები ინტერნეტში

რედაქტირება
 
ვიკისაწყობში არის გვერდი თემაზე:

სქოლიო

რედაქტირება
  1. ↑ 1.0 1.1 1.2 1.3 1.4 1.5 Bar, Shmuel (2006). „Bashar's Syria: The Regime and its Strategic Worldview“ (PDF). Comparative Strategy. 25 (5): 353–445. doi:10.1080/01495930601105412. ISSN 0149-5933. დაარქივებულია (PDF) ორიგინალიდან — 26 November 2013.
  2. ↑ 2.0 2.1 Golovnina, Maria. (19 March 2012) Asma al Assad, a "desert rose" crushed by Syria's strife. დაარქივებულია ორიგინალიდან — 23 სექტემბერი 2013. ციტირების თარიღი: 10 January 2013.
  3. ↑ "Assad's British wife targeted by EU as Annan pursues talks on ceasefire" Saturday, 24 March 2012, The Scotsman
  4. ↑ Ramdani, Nabila (10 May 2011). „Is Asma Assad in London?“. The Telegraph. დაარქივებულია ორიგინალიდან — 11 June 2011. ციტირების თარიღი: 11 May 2011.
  5. ↑ Ruiz de Elvira, L.; Zintl, T. (2014). „The end of the Ba'athist social contract in Bashar al-Assad's Syria: reading sociopolitical transformations through charities and broader benevolent activism“. International Journal of Middle East Studies. 46 (2): 329–349.
  6. ↑ Blair, David. (16 March 2012) Bashar al Assad's wife 'could face two-year prison term' for sanctions busting after shopping spree. The Daily Telegraph.
  7. ↑ Syria crisis: EU sanctions on Asma al-Assad. BBC News (23 March 2012).
  8. ↑ Syria: Asma al-Assad hit with EU sanctions. The Daily Telegraph (23 March 2012).
  9. ↑ Walker, Peter. (20 March 2012) Assad's wife to face EU sanctions. The Guardian.
  10. ↑ Robinson, Frances; Norman, Laurence. EU Targets Bashar al-Assad's Wife With New Sanctions. The Wall Street Journal (24 March 2012).
  11. ↑ Marquardt, Alexander. (23 March 2012) Syria's Stylish First Lady's Shopping Sprees Now Hit By Sanctions. ABC News.
  12. ↑ Bar'el, Zvi (27 April 2011). „In Syria, the army's loyalty to Assad runs deep“. Haaretz. ციტირების თარიღი: 17 July 2011.
  13. ↑ „President Assad's wife banned from travelling to Europe... but not Britain“. The Mirror. 23 March 2012. ციტირების თარიღი: 17 July 2015.
  14. ↑ Harvey, Oliver (3 July 2009). „Sexy Brit bringing Syria in from the cold“. The Sun. დაარქივებულია ორიგინალიდან — 18 მარტი 2012. ციტირების თარიღი: 26 March 2011.
  15. ↑ The First Lady. Embassy of Syria, Washington, D.C.. დაარქივებულია ორიგინალიდან — 21 May 2012.
  16. ↑ Bennet, James (10 July 2005). „The Enigma of Damascus“. The New York Times.
  17. ↑ 17.0 17.1 Buck, Joan Juliet (July 30, 2012). „My Vogue interview with Syria's First Lady“. Newsweek. Newsweek.
  18. ↑ Buck, Joan Juliet. (12 August 2012) At home with the Assads: an eerie memoir of Syria's first family before the slaughter began. Daily Telegraph.
  19. ↑ Jones, L. (2001). „The European press views the Middle East“. The Washington Report on Middle East Affairs. 20 (2): 33.
მოძიებულია „https://ka.wikipedia.org/w/index.php?title=ასმა_ალ-ასადი&oldid=4706728“-დან