ანისა მახლუფი
ანისა (ანისეჰ) მახლუფი (არაბ. أنيسة مخلوف; დ. 1929/1930,[1] ლატაკია, სირია — გ. 6 თებერვალი 2016, დამასკო, სირია) — სირიის მმართველი დინასტიის ალ-ასადების ოჯახის მატრიარქი, რომელიც ქვეყანას 1971 წლიდან მართავს. 1971—2000 წლებში სირიის პრეზიდენტის ჰაფეზ ასადის მეუღლე და სირიის პირველი ქალბატონი. 2000 წლიდან სირიის პრეზიდენტის, ბაშარ ალ-ასადის დედა.[2][3][4]
| ანისა მახლუფი | |
 მახლუფი 1970 წელს | |
| სირიის პირველი ლედი | |
|---|---|
| თანამდებობაზე ყოფნის დრო | |
| 12 მარტი 1971 – 10 ივნისი 2000 | |
| პრეზიდენტი | ჰაფეზ ასადი |
| მემკვიდრე | ასმა ალ-ასადი |
| დაბადებული | 1929/1930[1] ლატაკია, სირია |
| გარდაცვლილი | 6 თებერვალი 2016 (87 ან 86 წლის) დამასკო, სირია |
| მეუღლე | ჰაფეზ ასადი |
| შვილები | |
ეკონომისტმა ანისა მახლუფი აღწერა, როგორც „მრისხანე ფიგურა“ ალ-ასადის ოჯახსა და სირიის რეჟიმს შორის.[3] იყო რეჟიმის უაღრესად გავლენიანი წევრი, ასევე ის ერთ-ერთი იმ მცირერიცხოვან ადამიანთაგანი იყო, რომელთანაც ბაშარ ალ-ასადი რეგულარულად კონსულტაციებს გადიოდა სირიის სამოქალაქო ომის დროს.[3][5] იგი მხარს უჭერდა მძიმე სახის სამხედრო დარბევის მოწყობას სირიელი დემონსტრანტებისა და ამბოხებულების წინააღმდეგ.[3]
მახლუფი დაიბადა 1929 ან 1930 წელს ლატაკიაში, ლატაკიის მუჰაფაზის გავლენიან ოჯახში.[2][3][6]
1957 წელს ანისა დაქორწინდა სირიის არაბთა რესპუბლიკის საჰაერო ძალების ოფიცერზე ჰეფიზ ალ-ასადზე.[2] მათ ხუთი შვილი ჰყავდათ: ბუშრა (დ. 1960), ბაზელ ალ-ასადი (1962-1994), ბაშარ ალ-ასადი (დ. 1965), მაჯდ ალ-ასადი (1966-2009) და მაჰერ ალ-ასადი. მისი ქორწინების შემდეგ მახლიფების ოჯახის სტატუსი და სიმდიდრე მნიშვნელოვნად გაიზარდა.[5] ანისას ნათესავები დაჯილდოვდნენ მომგებიანი კონტრაქტებით ქვეყნის საბანკო, ნავთობისა და სატელეკომუნიკაციო სექტორში.[5] მისი ერთ-ერთი ძმისშვილი, რამი მახლუფი, სირიაში ყველაზე მდიდარი კაცია, რომლის ქონება 2012 წლისთვის 5 მილიარდ აშშ დოლარს შეადგენდა.[5]
1994 წელს ბაზელ ალ-ასადის გარდაცვალების შემდეგ, მახლუფმა თავისი მეუღლის შემცვლელად მაჰერ ალ-ასადს ხედავდა, რომელიც მისი უმცროსი ვაჟი და სირიის გენერალი იყო.[4] თუმცა, ამის ნაცვლად, ლონდონიდან ბაშარ ალ-ასადი დაბრუნდა, რომელიც შეუერთდა სამხედროებს და წარმატებით შეცვალა თავისი მამა პრეზიდენტის პოსტზე.[4]
მუხლუფი მიიჩნევა, როგორც არაბული გაზაფხულისა და სირიის სამოქალაქო ომის დროს მომიტინგეებისა და ამბოხებულების მკაცრი დარბევის მომხრედ.[3] 2012 წელს, მახლუფი და ასადის ოჯახის სხვა წევრები, ასადის რეჟიმის მიერ მომიტინგეებზე თავდასხმის გამო, ევროკავშირის სამოქალაქო სანქციების ქცეშ მოექცნენ.[2]
ევროკავშირის სანქციებში შედიოდა ევროკავშირის წევრ ქვეყნებში მგზავრობის აკრძალვა და მისი აქტივების გაყინვაც.[2] სამგზავრო აკრძალვის დაწესებამდე, გავრცელებული ინფორმაციით, ანისა გერმანიას ხშირად სტუმრობდა სამედიცინო მკურნალობისთვის.[2][3][7]
სიკვდილი
რედაქტირებაანისა მახლუფი გარდაიცვალა 2016 წლის 6 თებერვალს დამასკოში, უცნობი მიზეზების გამო.
სქოლიო
რედაქტირება- ↑ 1.0 1.1 One source cites 1934 as her year of birth (see p. 26), onpcsb.ro; accessed 9 July 2017.
- ↑ 2.0 2.1 2.2 2.3 2.4 2.5 „Syrian president's mother Anissa Assad dies aged 86“. Al Jazeera English. 6 February 2016. ციტირების თარიღი: 9 July 2017.
- ↑ 3.0 3.1 3.2 3.3 3.4 3.5 3.6 „The Assad family: Where are they now?“. ეკონომისტი. 21 February 2013. ციტირების თარიღი: 9 July 2017.
- ↑ 4.0 4.1 4.2 Ali, Nour (11 October 2011). „At home with the Assads: Syria's ruthless ruling family“. The Guardian. ციტირების თარიღი: 2 March 2016.
- ↑ 5.0 5.1 5.2 5.3 Dow, Nicole (18 July 2012). „Getting to know Syria's first family“. CNN. ციტირების თარიღი: 9 July 2017.
- ↑ Bacias, Amanda (6 February 2016). „Syrian President Bashar al-Assad's mother has died“. Reuters (Business Insider). ციტირების თარიღი: 9 July 2017.
- ↑ „Bashar al-Assad's mother has fled Syria, US ambassador claims“. The Daily Telegraph. 25 January 2013. ციტირების თარიღი: 2 March 2016.