არმან წარუკიანი
არმან წარუკიანი (სომხ. Արման Ծառուկյան; დ. 11 ოქტომბერი, 1996) — სომეხი შერეული საბრძოლო ხელოვნების მებრძოლი. იგი ამჟამად ასპარეზობს აბსოლუტური საბძოლო ჩემპიონატის (UFC) მსუბუქი წონის დივიზიონში. 2024 წლის 16 აპრილის მონაცემებით, იგი პირველ ადგილს იკავებს ამავე წონის რეიტინგში.[1] დღესდღეისობით მისი სტატისტიკაა 22-3-0.[2]
 წარუკიანი 2019 წელს | |
| პირადი ინფორმაცია | |
|---|---|
| ეროვნება | სომეხი |
| დაბ. თარიღი | 11 ოქტომბერი, 1996 |
| დაბ. ადგილი | ახალქალაქი, საქართველო |
| სიმაღლე | 170 სმ |
| წონა | 70 კგ |
| სპორტი | |
| ქვეყანა | რუსეთი |
| სპორტი | შერეული საბრძოლო ხელოვნება |
| სახეობა | აბსოლუტური საბძოლო ჩემპიონატი (UFC) |
ბიოგრაფია
რედაქტირებაწარუკიანი დაიბადა 1996 წლის 11 ოქტომბერს, სომხურ ოჯახში, რომელიც ცხოვრობდა საქართველოს ქალაქ ახალქალაქში. არმანის მამა, ნაირი წარუკიანი, ბიზნესმენია, დაკავებულია სამშენებლო ბიზნესით. მას ყავს უფროსი ძმა და უმცროსი და. ოჯახი საცხოვრებლად რუსეთში გადავიდა, როდესაც არმანი სამი წლის იყო, რათა უკეთესი შესაძლებლობები ჰქონოდათ. ახალგაზრდობაში წარუკიანს მრავალი სპორტული ინტერესი ჰქონდა. მან დაიწყო თავისუფალი სტილით ჭიდაობა და კარგად გაართვა თავი სპორტს, მაგრამ მოგვიანებით დაინტერესდა ყინულის ჰოკეით და განაგრძო მისი თამაში ათი წლის განმავლობაში. იგი ჰოკეის კლუბ ამურის გუნდშიც კი თამაშობდა. თუმცა, როდესაც არმანი სრულწლოვანი ხდებოდა, იგი იძულებული გახდა შეეწყვიტა ჰოკეი, რათა დახმარებოდა მამას, რომელიც მუშაობდა მშენებლობაში.