ვიკიპედია

არი ლენოქსი

კორტნი შანედ სოლტერი (ინგლ. Courtney Shanade Salter; დ. 26 მარტი, 1991, ვაშინგტონი, ვაშინგტონის შტატი, აშშ) — ამერიკელი რიტმ-ენდ-ბლუზ მომღერალი. კარიერის დასაწყისში კონტრაქტი გააფორმა J. Cole-ის ხმისჩამწერ ლეიბლთან, Dreamville Records. პოპულარობა მოიპოვა პირველი EP-ის, Pho (2016) გამოსვლის შემდეგ. იმავე წელს J. Cole-თან ერთად გამოუშვა სიმღერა „Change". სადებიუტო სტუდიური ალბომი „Shea Butter Baby“ გამოვიდა 2019 წელს. მუსიკოსმა ითანამშრომლა Dreamville-თან კომპილაციურ ალბომებზე Revenge of the Dreamers II (2015) და Revenge of the Dreamers III (2019). ამ ალბომებმა ლენოქსს გრემის ჯილდოს ნომინაცია მოუტანა საუკეთესო რეპ ალბომის კატეგორიაში.

არი ლენოქსი

ბიოგრაფია
ნამდვილი სახელი კორტნი შანედ სოლტერი
დაბ. თარიღი 26 მარტი, 1991 (1991-03-26) (33 წლის)
დაბ. ადგილი ვაშინგტონი
წარმოშობა ვაშინგტონი, ვაშინგტონის შტატი, აშშ
ჟანრ(ებ)ი რიტმ-ენდ-ბლუზი, სოული
საქმიანობა მომღერალი, სიმღერების ავტორი
აქტიური 2012 - დღემდე
ლეიბლ(ებ)ი
საიტი arilennox.com
არი ლენოქსი ვიკისაწყობში

ადრეული ცხოვრება რედაქტირება

არი ლენოქსი დაიბადა 1991 წლის 26 მარტს ვაშინგტონში. სწავლობდა უილსონის საშუალო სკოლასა და დიუკ ელინგტონის ხელოვნების სკოლაში.[1][2] მუსიკოსმა თავისი სასცენო სახელი მერი ლენოქსისგან აიღო, რომელიც არის პერსონაჟი ფილმში „The Secret Garden“ (1993).[3]

კარიერა რედაქტირება

მუსიკოსმა თავისი ნამუშევრების ატვირთვა ინტერნეტში 2009 წელს დაიწყო. 2013 წელს გამოუშვა სადებიუტო მიქსტეიპი, Five Finger Discount და სადებიუტო EP, Ariography. 2014 წელს გამოუშვა სინგლი „Bound".[4] 2015 წლის 21 ივლისს Omen-თან ერთად იმუშავა ნამუშევარზე „Sweat it Out“. 2015 წლის 8 დეკემბერს კონტრაქტი გააფორმა Dreamville Records-თან. მუსიკოსმა ითანამშრომლა Dreamville-თან კომპილაციურ ალბომებზე Revenge of the Dreamers II (2015) და Revenge of the Dreamers III (2019).[5][6] 2016 წლის 21 ოქტომბერს გამოუშვა სადებიუტო EP სახელწოდებით „Pho“.[7] იმავე წელს J. Cole-თან ერთად გამოუშვა სიმღერა „Change“.[8]

2018 წლის 16 ივლისს გამოუშვა პირველი სინგლი, „Whipped Cream" სადებიუტო ალბომიდან, „Shea Butter Baby“.[9] 9 ნოემბერს გამოუშვა კიდევ ორი სინგლი სახელწოდებით „40 Shades of Choke" და „Grampa". 13 ნოემბერს გამოუშვა კიდევ ორი ახალი სინგლი სახელწოდებით „No One" და „Pedigree". Creed II-ის საუნდტრეკისთვის J. Cole-თან ერთად დაწერა ნამუშევარი სახელწოდებით „Shea Butter Baby" და გამოვიდა 2019 წლის 26 თებერვალს.

2019 წლის 12 მაისს დაიწყო პირველი სოლო ტურნე, რომელიც დასრულდა 14 ივნისს მის მშობლიურ ქალაქ ვაშინგტონში.[10] სადებიუტო ალბომი „Shea Butter Baby“ გამოვიდა 2019 წლის 7 მაისს. მუსიკოსმა ასევე იმღერა ლიზოსთან ერთად „Cuz I Love You Too“-ის ტურნეზე. 2019 წლის დეკემბერში დაიწყო ტურნეს მეორე ნაწილი ევროპაში.[11] 2020 წლის თებერვალში არი ლენოქსი მოხვდა BET-ის „მომავლის 40 შემსრულებლის" სიაში.[12] 2020 წელს გამოუშვა რამდენიმე, მათ შორის „Bussit", „Chocolate Pomegranate" და „If You Want Me to Stay". ასევე გამოუშვა კოლაბორაციული კომპოზიციები Kiana Ledé-სთან, Skip Marley-თან, 6lack-სა და Spillage Village-თან ერთად.

2021 წლის 10 სექტემბერს გამოუშვა სინგლი Pressure". სიმღერა გახდა მისი პირველი სოლო სინგლი ბილბორდის ცხელ ასეულში. ნამუშევარი პირველ ადგილზე გავიდა რადიოში, ხოლო R&B/Hip-Hop Airplay-ში მესამე ადგილზე.[13][14] 2022 წლის 31 მარტს Dreamville-ის კომპილაციური ალბომისთვის, „D-Day: A Gangsta Grillz Mixtape“, ჩაწერა სიმღერები „Coming Down" და „Blackberry Sap". 12 აგვისტოს გამოუშვა ახალი მეორე სინგლი „Hoodie" თავისი მეორე სტუდიური ალბომიდან „Age/Sex/Location".[15] 31 აგვისტოს გამოუშვა ახალი EP „Away Message“.

გავლენა და არტისტიზმი რედაქტირება

ლენოქსის თქმით მისი ხმა არის „დაუცველი, მაგრამ სულიერი; არასრულყოფილი, მაგრამ ლამაზი". მუსიკის მოყვარულებმა ლენოქსის ხმა ერიკა ბადუს შეადარეს. მუსიკოსის თქმით მის დისკოგრაფიაზე დიდი გავლენა იქონია სტერეოტიპებმა: „ზოგჯერ ქალებს გვათავსებენ იმ ყუთში, სადაც მხოლოდ გარკვეულ საკითხებზე უნდა ვისაუბროთ, მაგრამ მე მინდა ვიყო უფრო მამაცი და რისკიანი.“[16] არი ლენოქსმა მრავალ ინტერვიუში თქვა, რომ მასზე დიდი გავლენა მოახდინეს 90-იანი და 2000-იანი წლების რიტმ-ენდ-ბლუზ მომღერლებმა, როგორებიც არიან მერაია კერი, ერიკა ბადუ, დ'ანჯელო, ბილალი, უიტნი ჰიუსტონი, აალია, ლორინ ჰილი, ამერი, კიარა, SWV, მერი ჯეი ბლაიჯი, ტონი ბრექსტონი და მინი რიპერტონი.[17] The Fader-თან ინტერვიუში მან ასევე აღნიშნა, რომ აღფრთოვანებულია კანიე უესტით. ჟურნალ Gateway-ის თქმით ლენოქსი ხმა „წარმატებით აერთიანებს კლასიკური Motown-ის, თანამედროვე რიტმ-ენდ-ბლუზისა და სოულის ელემენტებს“.[18]

დისკოგრაფია რედაქტირება

რესურსები ინტერნეტში რედაქტირება

სქოლიო რედაქტირება

  1. ↑ „Ari Lennox is R&B's next star. Ask anyone (except her)“. Washington Post. ციტირების თარიღი: February 1, 2022.
  2. ↑ Younger, Briana (March 2, 2017). „Transcending the Beltway: How Ari Lennox avoided becoming a 'SoundCloud singer'“. Washington Post. ციტირების თარიღი: February 1, 2022.
  3. ↑ Shultz, Alex. Ari Lennox Went from Uber Driving to Headlining Her Own Tour (June 17, 2019). ციტირების თარიღი: June 24, 2019
  4. ↑ Jeffries, David. Ari Lennox Biography.
  5. ↑ Ortiz, Edwin. (December 8, 2016) J. Cole Signs Two New Artists to Dreamville Records.
  6. ↑ J. Cole x Dreamville 'Revenge Of The Dreamers II' Cover Art, Tracklist & Album Stream (December 10, 2015). ციტირების თარიღი: January 28, 2016
  7. ↑ „Dreamville's Ari Lennox Releasing New EP“. prnewswire.com (პრეს-რელიზი).
  8. ↑ „Dreamville's Ari Lennox Releasing New EP“. prnewswire.com (პრეს-რელიზი).
  9. ↑ Ari Lennox's 'Whipped Cream' Music Video: Watch (September 5, 2018).
  10. ↑ Spencer, Tallie. „Ari Lennox Announces Shea Butter Baby Tour Dates“. Billboard. ციტირების თარიღი: March 30, 2019.
  11. ↑ Ari Lennox has been tapped to join Lizzo on U.S. tour. დაარქივებულია ორიგინალიდან — ივლისი 17, 2019. ციტირების თარიღი: August 6, 2019
  12. ↑ BET DIGITAL CELEBRATES BLACK EXCELLENCE WITH NEW ORIGINAL EDITORIAL SERIES en-US (February 7, 2020). ციტირების თარიღი: February 15, 2020
  13. ↑ Ari Lennox 'Pressure' Becomes Her First Billboard Top 10 Single (October 25, 2021).
  14. ↑ „Ari Lennox 'Beyond Grateful' for First Radio No. 1 With 'Pressure'“. Billboard.
  15. ↑ Ari Lennox Announces New Album, Shares Video for New Song "Hoodie": Watch (August 12, 2022).
  16. ↑ Ari en-US. ციტირების თარიღი: March 11, 2019
  17. ↑ „Ari Lennox's Rejection-Paved Road to 'Shea Butter Baby'“. Rolling Stone. 2019-10-01. ციტირების თარიღი: 2023-08-27.
  18. ↑ Album Review: Pho – The Gateway (November 14, 2016).
მოძიებულია „https://ka.wikipedia.org/w/index.php?title=არი_ლენოქსი&oldid=4622479“-დან