არაბულა

არაბულა (ლათ. Arabis) — ერთ- და მრავალწლოვან მცენარეთა გვარი კომბოსტოსებრთა (ჯვაროსანთა) ოჯახისა. ევრაზიისა და ჩრდილოეთ ამერიკის კლდის მცენარეებია. მეყვავილეობაში კულტივირებულია ალპური (A. alpina) და კავკასიური არაბულა (A. caucasica) — მრავალწლოვანი მარადმწვანეეები, რომლებიც 20–30 სანტიმეტრის სიგრძის დაუფესვიანებელი სქლადშეფოთლილი ყლორტებითაა მოფენილი. ფოთლები მორუხო, დანაკვთილი და მომრგვალებულია. მოკლე მტევნებში სხედან თეთრი, ვარდისფერი, სურნელოვანი, მცირე ზომის ყვავილები. ყვავის აპრილიდან ივნისამდე, მსხმოიარობს ივლისში. მრავლდება თესლითა (ითესება გაზაფხულზე) და კალმით (ყვავილობის დასრულების შემდეგ). სინათლის მოყვარული და სიცივეგამძლეა, იყენებენ ალპინარიუმებში.

არაბულა
კავკასიური არაბულა (Arabis caucasica)
მეცნიერული კლასიფიკაცია
სამეფო:  მცენარეები განყოფილება:  ყვავილოვანი მცენარეები კლასი:  ორლებნიანნი რიგი:  კომბოსტოსნაირნი ოჯახი:  კომბოსტოსებრნი გვარი:  არაბულა
ლათინური სახელი
Arabis (L., 1753)
სინონიმები
Arabidium Spach Arabisa Rchb. Euxena Calest. Hylandra Á.Löve Parryodes Jafri Shortia Raf. Stenophragma Čelak.
სისტემატიკა ვიკისახეობებში სურათები ვიკისაწყობში ITIS   22671 NCBI   50451 EOL   37457 GRIN   g:887 IPNI   329356-2

ლიტერატურა

• Карписонова Р. А. АРАБИС // Большая российская энциклопедия. т. 2. — М., 2005. — стр. 135.