ანა გრუზინსკაია-გოლიცინა

ანა გრუზინსკაია-გოლიცინა (რუს. Анна Александровна Багратион-Грузинская-Голицына; დ. 17 აგვისტო, 1763, მოსკოვი, — გ. 11 ოქტომბერი, 1842, იქვე) — ქართველი არისტოკრატი ქალი, ალექსანდრე ბაქარის ძე ბაგრატიონის ქალიშვილი და მეფე ვახტანგ VI-ის შვილთაშვილი.

ანა გრუზინსკაია-გოლიცინა
პრინცესა ანა 1797 წელს: შესრულებულია ფრანგი მხატვრის ლუიზა ელიზაბეთ ვიჟი ლებრუნის მიერ.
დაბადების თარიღი	17 აგვისტო, 1763
გარდაცვალების თარიღი	11 ოქტომბერი, 1842
ეროვნება	ქართველი
პროფესია	არისტოკრატი
მეუღლე(ები)	ბორის გოლიცინი
მშობლები	მამა: ალექსანდრე ბაქარის ძე

აღიზარდა არჩილის კარზე მოსკოვში. რუსეთის საიმპერატორო კარის ერთ-ერთმა ულამაზესმა ქალბატონმა, ანამ იქორწინა რუს გენერალ ბორის გოლიცინზე. მან წარუდგინა ჭაბუკი პეტრე ბაგრატიონი თავად გრიგოლ პოტიომკინს. 1812 წელს ბოროდინოს ველზე დაჭრილი გენერალი ბაგრატიონი გოლიცინების მამულში გადაიყვანეს და იქ ანას მზრუნველობით მკურნალობდნენ, გარდაცვალების შემდეგ გოლიცინას დარჩა ბაგრატიონის საველე კანცელარიის დოკუმენტების ერთი ნაწილი. დაკრძალულია რუსული კულტურის ცნობილ ცენტრში — სერგის უდაბნოში (ახლანდელი ვლადიმირის ოლქი).

ლიტერატურა

• სიხარულიძე ფ., ენციკლოპედია „საქართველო“, ტ. 2, თბ., 2012. — გვ. 170.