ალექსანდრე ავაქის ძე აბარიანი (დ. 15 (28) დეკემბერი, 1902, დერბენდი, დაღესტანი — გ. 25 იანვარი, 1967, თბილისი) — სომეხი მსახიობი, რეჟისორი. საქართველოს (1943) და სომხეთის (1964) ხელოვნების დამსახურებული მოღვაწე, პროფესორი.

ბიოგრაფიარედაქტირება

სამეცნიერო მოღვაწეობა დაიწყო 1921 წლიდან კისლოვოდსკში, სომეხ მსახიობთა დასში. 1926 წლიდან იყო ბაქოსა და სხვა ქვეყნების სომხური თეატრების მსახიობი და რეჟისორი. 1938-1944 წლებში თბილისის სომხური თეატრის მთავარი რეჟისორი, პარალელურად — მოზარდ-მაყურებელთა სომხური თეატრის სამხატვრო ხელმძღვანელი. 1944-1946 წლებში თბილისის მოზარდ-მაყურბელთა თეატრის რეჟისორი. 1946-1953 წლებში ლენინაკანის თეატრის სამხატვრო ხელმძღვანელი. 1953 წლიდან — თბილისის სომხური თეატრის რეჟისორი.

დადგმები: ა. შირვანზადეს „ნამუსი“, გ. სუნდუკიანის „პეპო“, შ. დადიანის „ნაპერწკლიდან“, კ. გუცკოვის „ურიელ აკოსტა“, ა. სუმბათაშვილ-იუჟინის „ღალატი“ და სხვა. მირებული აქვს სახელმწიფო ჯილდოები.

ლიტერატურარედაქტირება