ადგილის დედის ხატი (წითელი კლდე)

სხვა მნიშვნელობებისთვის იხილეთ ადგილის დედის ხატი.

ადგილის დედის ხატი — საკულტო ძეგლი დუშეთის მუნიციპალიტეტის სოფელ წითელი კლდის სამხრეთით, დანგრეული ეკლესიის ადგილზე. განეკუთვნება გვიანდელ შუა საუკუნეებს. ნაგებობა გეგმით სწორკუთხაა (3,8 x 3,3 მეტრი), ნაშენია ნატეხი ქვითა და შირიმის პატარა კვადრებით. გადახურვა ჩამოქცეულია. შემორჩენილია 0,6-1 მეტრი სიმაღლის კედლები. შესასვლელი დასავლეთიდანაა. აღმოსავლეთ კედელში პატარა სწორკუთხა ნიშია, რომელიც საკურთხევლის ფუნქციას ასრულებდა. ხატს გარს აკრავს წრიული ფორმის, რიყის ქვის, მშრალი წყობით ნაგები გალავანი.

ლიტერატურა