VTech Socrates
VTech Socrates — მესამე თაობის საგანმანათლებლო სახლის ვიდეო თამაშების კონსოლი, გამოცემული 1988 წელს VTech-ის მიერ. კონსოლს სახელი დაერქვა ძველი ბერძენი ფილოსოფოსის, სოკრატეს პატივსაცემად.
| VTech Socrates | |
|---|---|
 | |
 | |
| მწარმოებელი | VTech |
| ტიპი | სახლის ვიდეო თამაშების კონსოლი |
| თაობა | მესამე თაობა |
| გამოშვების თარიღი | 1988[1] |
| პროცესორი | Zilog-ის Z80A @ 3.57 მჰც |
| მეხსიერება | 32 კბ RAM |
| წინა | VTech CreatiVision |
| შემდეგი | V.Smile |
სისტემას თან ახლდა სტანდარტული უსადენო კლავიატურა, რომელიც უკავშირდებოდა ინფრაწითელი სხივით და ზედ სადენებით მიმაგრებული იყო ორი კონტროლერი, აგრეთვე მოჰყვებოდა უსადენო მაუსი. მასში განთავსებული იყო Zilog Z80A-ის ცენტრალური პროცესორი 3.57 მჰც ტაქტური სიხშირით და 32 კბ ოპერატიული მეხსიერება. კონსოლის ვიდეო თამაშების ბიბლიოთეკა მეტად მწირი იყო, გამოვიდა რამდენიმე თამაში, მათ შორის: „Facts 'N Fractions“, „State to State“, „Memory Mania“, „Around the World“, „Hodge-Podge“, “Game Wizard“ და „Amazing Mazes“.
კონსოლის თავდაპირველი ფასი შეადგენდა 130 ამერიკულ დოლარს. საფრანგეთში ვრცელდებოდა Yeno Professeur Saitout-ის სახელწოდებით,[2] ხოლო გერმანიაში დისტრიბუციას უწევდა კომპანია Yeno და ერქვა Prof. Weiss-Alles.[3] გამოშვება დაგეგმილი იყო ესპანეთშიც, თუმცა არასდროს გამოცემულა. მასში ჩაშენებული იყო რამდენიმე ვიდეო თამაში, აგრეთვე მათემატიკური, მუსიკალური და სხვადასხვა სახის პროგრამები. სისტემა ასევე განსხვავდებოდა ხმის მახასიათებლებით, დამატებითი ხმის კარტრიჯის წყალობით, რომლის შეძენა შესაძლებელი იყო ცალკე, თუმცა ვერ გამოირჩეოდა გრაფიკული შესაძლებლობებით. VTech-მა სისტემის წარმოება შეწყვიტა 1990-იანების დასაწყისში.
იხილეთ აგრეთვე
რედაქტირებარესურსები ინტერნეტში
რედაქტირება- VTech Socrates-ის თამაშები Internet Archive-ში
- VTech Socrates-ის ვიკი
- VTech Socrates Newspapers.com-ზე
სქოლიო
რედაქტირება- ↑ VTech Socrates, toys.wikia.com
- ↑ Console : Le Yeno Professeur Saitout. http://mo5.com (06-10-2007). დაარქივებულია ორიგინალიდან — 27-09-2018. ციტირების თარიღი: 26 ოქტომბერი, 2017.
- ↑ Kujala, samuell. (23 aprili, 2009) Yeno Prof. Weiss-Alles. Flickr. ციტირების თარიღი: 26 ოქტომბერი, 2010.