Shadow of a Doubt
Shadow of a Doubt — „ბეიტსის მოტელის“ მეორე სეზონის მეორე ეპიზოდი, რომელიც ეთერში 2014 წლის 10 მარტს გავიდა.
| Shadow of a Doubt | |
| სეზონი 2, ეპიზოდი 2 | |
 | |
| ეთერში გას. თარიღი | 10 მარტი, 2014 |
| სცენარის ავტორ(ებ)ი | კერი ერინი |
| რეჟისორი | ტაკერ გეიტსი |
| ეპიზოდების გზამკვლევი | |
| ← წინა „Gone But Not Forgotten“ |
შემდეგი → „Caleb“ |
მოკლე შინაარსი
რედაქტირებანორმა ცდილობს ნორმანის ყურადღების გადატანას მის უოტსონის გარდაცვალებიდან, რის გამოც მიუზიკლში ჩაიწერება. ბრედლი გამოუვალი მდგომარეობიდან თავის დასაღწევად ნორმანს მიმართავს. რომერო იძულებულია, მკვლელობის გამო პირი დააკავოს. დილანს და რემოს ახალი უფროსი თავისი წინდაუხედავი ქმედებების განსახორციელებლად იყენებს.
სიუჟეტი
რედაქტირება
ნორმანი ბრედლის სარდაფში დამალავს. ბრედლი მას გაუმხელს, რომ გილის მკვლელობაში პასუხისმგებელია. ნორმანი სუპერმარკეტში თმის საღებავს იყიდის და შეხვდება მოლარეს, ახალგაზრდა გოგონას, სახელად კოდი ბრენენს. გინეკოლოგთან ვიზიტისას ნორმა მას გათიშვების შესახებ ეკითხება და ცრუობს, რომ ეს მის დას ემართება. გინეკოლოგი ამბობს, რომ გათიშვები გონებრივ აშლილობაზე შეიძლება მიუთითებდეს, რაც ნორმას ააღელვებს. მოგვიანებით, როცა იგი გონებრივი აშლილობების შესახებ წიგნებს ყიდულობს, შენიშნავს ბროშურას მიუზიკლის შესახებ, რომელიც ადგილობრივ თეატრში გაიმართება. ნორმა ნორმანს მიუზიკლში მონაწილოების მიღებას შესთავაზებს, რადგან ეს მათ დაახლოებაში დაეხმარებათ.
რომერო სასაფლაოზე მამაკაცს შეხვდება და ეუბნება, რომ ვიღაცამ გილი მოკლა. მამაკაცი, რომლის სახელია ნიკ ფორდი, და მარიხუანას მწარმოებელი ერთ-ერთი ოჯახის უფროსია, დაჟინებით ამბობს, რომ მკვლელობასთან არაფერი აკავშირებს. ის რომეროს ბლერ უოტსონის მკვლელობის საქმის შესახებ ეკითხება, რადგან იგი მისი ქალიშვილი იყო. დილანისა და რემოს უფროსი, ზეინი, ეჭვობს, რომ გილი მოწინააღმდეგე ოჯახმა მოკლა, რის გამოც მათ ერთ-ერთი წევრს დაატყვევებს და მოკლავს, რათა შეტყობინება გააგზავნოს.
პოლიცია შეიჭრება ნარკომანის, სახელად კაილის, სახლში და მას დაკითხვაზე წაიყვანენ. რომერო მას ბოლოს ბლერ უოტსონის მკვლელობისთვის ბრალს უყენებს, რადგან ექსპერტიზამ მის უოტსონის სხეულში სპერმის ორი ნიმუში აღმოაჩინა, რომელთაგან ერთ-ერთი მას ეკუთვნოდა.
ნორმანის საწოლის გასწორებისას ნორმა შემთხვევით იპოვის ბლერ უოტსონის მძივებიან ყელსაბამს და გაზეთიდან ამოჭრილ სტატიას მისი მკვლელობის შესახებ, თუმცა მათ ლეიბის ქვეშ დააბრუნებს. მოგვიანებით, ის და ნორმანი თეატრში მოსმენაზე წავლენ, სადაც შეხვდებიან ორგანიზატორს, კრისტინ ჰელდენსს.
დროის გასვლასთან ერთად, ნორმანი უფრო და უფრო იძაბება, რადგან ბრედლი რვა საათისთვის ავტობუსის გაჩერებასთან უნდა მიიყვანოს. იგი გარეთ გადის და განრისხებული ნორმა მას უკან გაჰყვება. ნორმანი მას ეკამათება, რომ ყოველთვის ისეთი რამეების გაკეთებას აიძულებს, რაც არ უნდა. ამისდა მიუხედავად, ის მოსმენაზე დასწრებას გადაწყვეტს, რადგან ნორმას ხასიათი არ გაუფუჭოს და გაამხიარულოს. თეატრში შესვლამდე ნორმანი დილანს ურეკავს და ეუბნება, რომ ბრედლი სარდაფში იმალება და სთხოვს, რომ ის ავტობუსის გაჩერებასთან მიიყვანოს. ნორმა სიმღერას შეასრულებს და აპლოდისმენტებს დაიმსახურებს.
დილანი ბრედლის სავახშმოდ წაიყვანს, რა დროსაც ისინი ავტობუსს ელოდებიან. იგი ბრედლის თვითმკვლელობის წერილს დააწერინებს, რათა გილის მოკვლის გამო პრობლემებს აარიდოს. ბრედლის წასვლის შემდეგ დილანი ნორმანს წერილს მიუტანს, რომელშიც ბრედლი ამბობს, რომ ნორმანი ყველაზე კარგი ადამიანია, ვისაც კი ოდესმე შეხვედრია. მოგვიანებით, ბენზინგასამართ სადგურზე მამაკაცი მანქანას აჩერებს, სადაც ხელოსანს ბეიტსის მოტელის შესახებ ეკითხება და ამბობს, რომ ის ნორმა ბეიტსის ძმაა.
მსახიობები
რედაქტირებამთავარი
რედაქტირება- ვერა ფარმიგა — ნორმა ბეიტსი
- ფრედი ჰაიმორი — ნორმან ბეიტსი
- მაქს ტირიოტი — დილან მასეტი
- ოლივია კუკი — ემა დეკოდი
- ნიკოლა პელცი — ბრედლი მარტინი
- ნესტორ კარბონელი — ალექს რომერო
მოწვევით
რედაქტირება- რებეკა კრესკოფი — კრისტინ ჰელდენსი
- მაიკლ ეკლუნდი — ზეინ მორგანი
- ბრენდან ფლეტჩერი — კაილ მილერი
- კენი ჯონსონი — კელებ კალჰუნი
- პალომა კვიატკოვსკი — კოდი ბრენენი
- მაიკლ ო'ნეილი — ნიკ ფორდი
- იენ ტრეისი — რემო უოლესი
ასევე მონაწილეობენ
რედაქტირება- მეთიუ მანძი — მოადგილე ჯეფკოატი
- ვინა სუდი — ექიმი ელიზაბეთ ჯ. შეფერი
- ჩედ რუკი — ჯონი ბი
- ლარი ჰოუ — ხელოსანი
- კეტი უოტსი — მიკადოს მომღერალი ქალი
შენიშვნები
რედაქტირება- ამ ეპიზოდს 2,22 მლნ-მა ადამიანმა უყურა.[1]
- ეპიზოდის სახელი ჰიჩკოკის 1943 წლის ფილმ „ეჭვის ჩრდილიდან“ (ინგლ. Shadow of a Doubt) მომდინარეობს. ფილმში მთავარი პერსონაჟი ქალი უახლოვდება მამაკაცს, რომელიც მისი ბიძა აღმოჩნდება, რაც პარალელს ავლებს დილანისა და კელების ურთიერთობასთან.
- ერთ-ერთი წიგნის სახელწოდება, რომელსაც ნორმა ყიდულობს, არის „Call Me Crazy“, რომელიც დაწერა მსახიობმა ენ ჰეჩმა. მან ფსიქოს 1998 წლის ვერსიაში მარიონ კრეინის როლი შეასრულა.
მუსიკა
რედაქტირება| მუსიკის სახელწოდება | შემსრულებელი |
|---|---|
| Mr. Sandman | ფრედი ჰაიმორი და ვერა ფარმიგა |
| The Mikado: 10. Three Little Maids From School Are We | ბეიტსის მოტელის მსახიობები |
| The Strangest Thing | The Amazing |
| Maybe This Time | ვერა ფარმიგა |
რესურსები ინტერნეტში
რედაქტირებასქოლიო
რედაქტირება- ↑ ამანდა კონდოლოი. (11 მარტი, 2014) Monday Cable Ratings: 'Monday Night RAW' Leads Night + 'Swamp People', 'Bates Motel', 'Real Housewives of Beverly Hills' & More. დაარქივებულია ორიგინალიდან — 2016-06-15. ციტირების თარიღი: 11 მარტი, 2014.