Reckoner

„Reckoner“ — ბრიტანული ალტერნატიული როკ-ჯგუფ Radiohead-ის სიმღერა ალბომიდან In Rainbows. იგი ალბომის მესამე და უკანასკნელი სინგლის სახით გამოიცა 2008 წლის 23 სექტემბერს. Radiohead-ის ოფიციალურ საიტზე ასევე განთავსებული იყო მისი ცალკეული პარტიები (ვოკალი, ფორტეპიანო, გიტარა), რათა ჯგუფის მსმენელებს თავად შეეძლოთ მისი რემიქსის შექმნა.

„Reckoner“
სინგლის ყდა
სინგლი — Radiohead
ალბომიდან In Rainbows
გამოსვლის თარიღი	23 სექტემბერი 2008
ჟანრი	ალტერნატიული როკი, არტ-როკი
ხანგრძლივობა	4:50
ხმისჩამწერი ლეიბლი	XL Recordings
ავტორ(ებ)ი	Radiohead
პროდიუსერი	ნაიჯელ გოდრიჩი, Radiohead
Radiohead — სინგლების ქრონოლოგია
„House of Cards“ / „Bodysnatchers“ (2008) „Reckoner“ (2008) „All I Need“ (2009)
In Rainbows — სიმღერების სია
10 სიმღერა 15 Step Bodysnatchers Nude Weird Fishes/Arpeggi All I Need Faust Arp Reckoner House of Cards Jigsaw Falling into Place Videotape

ისტორია

2001 წელს პირველად შესრულდა სიმღერა Reckoner. ეს სიმღერა, აგრეთვე ცნობილი როგორც 'Feeling Pulled Apart by Horses', გადამუშავებული იქნა. 2005 წელს ტომ იორკის მიერ აკუსტიკურ გიტარაზე პირველად შესრულდა Nude და მასთან - Reckoner-ის ერთ-ერთი პირველი ვარიანტი. მოგვიანებით იორკს ჰკითხეს, რას უპირებდა Reckoner-ს. მისივე თქმით, ეს მკვდარი და დამარხული მასალაა. 2006 წლის ტურნეზე Radiohead მას არ ასრულებდა სხვა სიმღერებთან, რომლებიც მოგვიანებით მოხვდა დისკში In Rainbows. თუმცა, როდესაც ცნობილი გახდა, თუ რა სიმღერები შევა ახალ დისკში, მისმა სახელწოდებამ ასევე გაიჟღერა.

სტუდიური დისკის ვერსია, თავის მხრივ, უფრო ახლოს არის პირველ ვარიანტებთან. როდესაც 2007 წლის ოქტომბერში ალბომი გამოჩნდა გაყიდვაში, კრიტიკოსებმაც და მსმენელებმაც აღნიშნეს, რომ სტუდიური ვარიანტი უფრო მშვიდია, ვოკალი სრულდება ფალცეტოს სტილში, დომინირებს პერკუსია და გიტარის უფრო მშვიდი რიფები, ასევე ჟღერს განსხვავებული ტექსტი. ჩანაწერზე ასევე ჟღერს სიმებიანი ორკესტრი, რომლის არანჟირებაც ჯონი გრინვუდს ეკუთვნის.

2007 წლის ბოლოს ბიბისის რადიოსთან ერთ-ერთ ინტერვიუში ჯგუფმა აღნიშნა, რომ ახალი Reckoner იწერებოდა ნულიდან და მათ სურდათ სრულიად სხვა სიმღერის მიღება, იგივე სახელწოდებით.

მუსიკალური ვიდეო

სიმღერის ოფიციალური ვიდეო კონკურსი გაიმართა საიტზე Aniboom. ვიდეო არჩეული იქნა 2008 წლის 1 ოქტომბერს.