R-Zone
R-Zone — მეხუთე თაობის პორტატიული ვიდეო თამაშების კონსოლი, (თავდაპირველად თავზესადგამი, მოგვიანებით პორტატიული კონსოლი) წარმოებული და გამოცემული კომპანია Tiger Electronics-ის მიერ. კონსოლი წარადგინეს ამერიკის სათამაშოების საერთაშორისო გამოფენაზე 1995 წლის თებერვალში,[1] ხოლო გამოვიდა იმავე წლის ბოლოს.[2]
| R-Zone | |
|---|---|
 | |
 | |
| მწარმოებელი | Tiger Electronics |
| ტიპი | პორტატიული კონსოლი |
| თაობა | მეხუთე თაობა |
| გამოშვების თარიღი | 1995 |
| შეწყდა | 1997 |
| მედია | სათამაშო კარტრიჯი |
| წინა | Quiz Wiz |
| შემდეგი | Game.com |
ორიგინალი R-Zone შეიცავდა თავზე გასაკეთებელ მოწყობილობას და ბატარეებზე მომუშავე განცალკევებულ სათამაშო კონტროლერს[3][4] თითოეულ სათამაშო კარტრიჯს გააჩნდა საკუთარი გამჭირვალე LCD ეკრანი, რომელიც მაგრდებოდა ზემოთ აღნიშნულ მოწყობილობაზე, ისე, რომ ეკრანი პირდაპირ მოთამაშის თვალს უსწორდებოდა.[5] კონსოლის თავდაპირველი ფასი შეადგენდა 29,99 აშშ დოლარს.
1996 წლის ბოლოს გამოვიდა კონსოლის პირველი ვარიანტი — R-Zone Super Screen, რომლის ფასი წინამორბედის მსგავსად, 29,99 აშშ დოლარი ღირდა.[6] მას გააჩნდა ნაწილობრივ ფერადი ეკრანი, რაც ნიშნავდა იმას, რომ თამაშის დროს უკანა ფონი ფერადი იყო, ხოლო მასში ასახული ანიმაცია შავ-თეთრი. ეკრანის ზომა შესამჩნევად გაზრდილი იყო სხვა მოდელებთან შედარებით.[6]
1997 წელს გამოვიდა კონსოლის სრულიად პორტატიული ვერსია — X.P.G. Xtreme Pocket Game,[3] რომელიც აგრეთვე იყენებდა AAA-ბატარეებს. მალე ამას მოჰყვა მორიგი პორტატიული ვერსიის The R-Zone DataZone გამოცემა.
მიუხედავად დაბალი ფასისა, R-Zone მეტად წარუმატებელი პროდუქტი აღმოჩნდა და მისი წარმოება შეწყდა 1997 წელს. ის, აგრეთვე უარყოფითად დაახასიათეს კრიტიკოსებმა. „Chicago Tribune“-ის ჟურნალისტმა დეივიდ ჯოუნსმა „ფულისა და დროის უაზრო ხარჯვა“ უწოდა.[2] 2008 წელს GamesRadar+-ის ჟურნალისტმა მიკელ რეპარაზმა R-Zone შეიყვანა სიაში „იმ დროში გამოსული 10 ყველაზე ცუდი კონსოლი“.[7]
გალერეა
რედაქტირება-
ორგინალი R-Zone -
ორიგინალი R-Zone-ის კონტროლერი -
R-Zone-ის კარტრიჯი -
X.P.G. Xtreme Pocket -
RZone-Super Screen
რესურსები ინტერნეტში
რედაქტირება
- R-Zone — Giant Bomb
- R-Zone — Video Game Kraken
- R-Zone — Sega Retro
- X.P.G. Xtreme Pocket-ის ვიდეო მიმოხილვა Youtube-ზე
სქოლიო
რედაქტირება- ↑ Hanrahan, Brendan. (28 თებერვალი, 1995) The Noise on Toys. დაარქივებულია ორიგინალიდან — 2018-09-02. ციტირების თარიღი: 2016.
- ↑ 2.0 2.1 Jones, David. (28 ნოემბერი, 1995) Save For X-mas, Skip The R-zone. დაარქივებულია ორიგინალიდან — 2018-09-02. ციტირების თარიღი: 29 აპრილი, 2016
- ↑ 3.0 3.1 Edwards, Benj. (2006-09-11) Retro Scan of the Week: Tiger's R-Zone — the Ultimate Eye Strain Device.
- ↑ The Strange (and Rare) Videogame Pics Page. tripod.com.
- ↑ „In the Zone: A Miniature Virtual-Reality System for $30“ (PDF). Electronic Gaming Monthly. Sendai Publishing (77): 26. December 1995.
- ↑ 6.0 6.1 „Tidbits...“ (PDF). Electronic Gaming Monthly. Ziff Davis (89): 24. December 1996.
- ↑ Reparaz, Mikel (23 თებერვალი 2008). „The 10 worst consoles ever“. GamesRadar+. ციტირების თარიღი: 25 ნოემბერი, 2017. შეამოწმეთ თარიღის პარამეტრი
|accessdate=-ში (დახმარება)