მამონტი
მამონტი (ლათ. Mammuthus) — ძუძუმწოვრების ამომწყდარი გვარი სპილოსებრთა ოჯახისა, რომლებიც ცხოვრობდნენ მეოთხეულ პერიოდში. მათი სიმაღლე 5,5 მ აღწევდა, ხოლო წონა 14–15 ტ-ს. ამრიგად, მამონტი აფრიკულ სპილოებთან შედარებით, ორჯერ უფრო მძიმე იყო. გვარის უძველესი სახეობები Mammuthus subplanifrons და Mammuthus africanavus გაჩნდნენ 3–4 მლნ. წლის წინ აფრიკაში,[1] მამონტის გვიანდელი სახეობები ამოწყდნენ დაახლოებით 11 ათასი წლის წინ. ბეწვიანი მამონტის რელიქტური პოპულაციები ცხოვრობდნენ ადამიანებისათვის მიუწვდომელ არქტიკის კუნძულებზე ჯერ კიდევ 4 ათასი წლის წინ. მამონტები შესანიშნავად იყვნენ შეგუებულნი ცივი კლიმატის მკაცრ პირობებს; ბინადრობდნენ ევროპაში, აზიაში, აფრიკასა და ჩრდილოეთ ამერიკაში.[2] მათი დამახასიათებელი ნიშან-თვისება იყო ხშირი ბეწვიანი საფარველის არსებობა.[3] ცხოვრობდნენ ჯგუფებად, ისევე როგორც თანამედროვე სპილოები.
| მამონტი | |||||||||||||
|---|---|---|---|---|---|---|---|---|---|---|---|---|---|
_-_Mauricio_Ant%C3%B3n.jpg) | |||||||||||||
| მეცნიერული კლასიფიკაცია | |||||||||||||
| |||||||||||||
| ლათინური სახელი | |||||||||||||
| Mammuthus | |||||||||||||
| |||||||||||||
