Garbage

Garbage (ქართ. ნაგავი) — შოტლანდიურ-ამერიკული ჯგუფი, რომელიც უისკონსინის შტატის ქალაქ მედისონში ჩამოყალობდა 1994 წელს. მისი წევრები არიან დიუკ ერიქსონი, შირლი მენსონი, სტივ მარკერი და ბუტჩ ვიგი.

Garbage
Garbage სცენაზე 2022 წელს
ბიოგრაფია
წარმოშობა	უისკონსინი, აშშ
ჟანრ(ებ)ი	ალტერნატიული როკი ელექტრონიკა
აქტიური	1994-2003, 2005, 2007-დღემდე
ლეიბლ(ებ)ი	A&E, Warner Bros., Geffen, Mushroom, Almo Sounds
წევრები	შირლი მენსონი დიუკ ერიქსონი სტივ მარკერი ბუტჩ ვიგი
საიტი	garbage.com
Garbage ვიკისაწყობში

Garbage-მა 1995-1996 წლებში ზრდადი წარმატების მქონე სინგლების სერია გამოუშვა, რამაც კულმინაციას ჰიტზე Stupid Girl მიაღწია. სადებიუტო ალბომი, Garbage, მოულოდნელი გარღვევა იყო, 5 მილიონი გაყიდული ასლით და ორმაგი პლატინის სტატუსით დიდ ბრიტანეთში, აშშ-ში და ავსტრალიაში. Garbage-მა მომდევნო ალბომზე, Version 2.0, მუშაობას ორი წელი მოანდომა, რომელიც ბრიტანეთში ჩარტების სათავეებში მოექცა და აშშ-ში #13-ზე დაფიქსირდა პიკის დროს. ალბომი ნომინირებული იყო ორ, წლის ალბომის და საუკეთესო როკ ალბომის წოდებაზე გრემის ცერემონიაზე, და მისმა გაყიდვებმა 5 მილიონს გადააჭარბა. 1999 წელს, ჯგუფმა ჯეიმზ ბონდის ფილმისთვის „მსოფლიოც არ არის საკმარისი“ თემა შეასრულა. იმავე წელს, მათ ასევე დაწერეს სიმღერა When I Grow Up ადამ სენდლერის ფილმისთვის „დიდი მამიკო“.

ჯგუფი იბრძოდა საწყისი წარმატების შესანარჩუნებლად, მაგრამ 2001 წელს გამოშვებულმა მათმა მესამე ალბომმა, Beautiful Garbage, წინამორბედების კომერციული წარმატება ვერ გაიზიარა. 2003 წელს კი ჯგუფი ლამის დაიშალა, თუმცა 2005 წლეს ის ალბომით, Bleed Like Me, დაბრუნდა. ის მათი არსებობის განმავლობაში რეკორდულ #4 ადგილზე მოხვდა ამერიკის ჩარტებში.

დისკოგრაფია

სტუდიური ალბომები

• Garbage (1995)
• Version 2.0 (1998)
• Beautiful Garbage (2001)
• Bleed Like Me (2005)
• Not Your Kind Of People (2012)
• Strange Little Birds (2016)
• No Gods No Masters (2021)

სხვა ალბომები

• Special Collection – EP (2002)
• Absolute Garbage – კრებული (2007)

ვიდეო

• Garbage Video – VHS (1996)
• Absolute Garbage – DVD (2007)

რესურსები ინტერნეტში

• ოფიციალური საიტი
• Garbage საიტზე MySpace