Electronic Entertainment Expo
Electronic Entertainment Expo (ქართ. ელექტრონული გასართობების გამოფენა, აგრეთვე ცნობილი როგორც E3) — ვიდეო თამაშების ინდუსტრიის ყოველწლიური სამრეწველო გამოფენა, რომელიც ტარდება Entertainment Software Association-ის (ESA) ორგანიზატორობით, სადაც ვიდეო თამაშების, პროგრამული და აპარატული უზრუნველყოფის მწარმოებელი კომპანიები წარადგენენ თავიანთ პროდუქტებს: ვიდეო თამაშებს, ვიდეო თამაშების კონსოლებს, კომპიუტერულ აქსესუარებსა და ა.შ.
| Electronic Entertainment Expo | |
|---|---|
 | |
| სტატუსი | აქტიური |
| ადგილმდებარეობა | Los Angeles Convention Center |
| ლოკაცია | ლოს-ანჯელესი, კალიფორნია, აშშ |
| ქვეყანა | აშშ |
| ინაუგურაცია | 11 მაისი, 1995 |
| უახლესი | 14 ივნისი, 2016 |
| დასწრება | 50,300 (2016)[1] |
| ორგანიზატორი/ები | Entertainment Software Association |
| საიტი | e3expo.com e3insider.com |
განსხვავებით Gamescom-ისა და სხვა სამრეწველო გამოფენებისგან, რომლებიც ასევე ღია არის საზოგადოებისთვის, E3 არის ექსკლუზიური მოვლენა სამრეწველო გამოფენებს შორის ვიდეო თამაშების ინდუსტრიაში.[2] ყოველი ცერემონიის დასრულების შემდგომ, წარმოდგენილი პროდუქტი ფასდება დამოუკიდებელი კომისიის მიერ და გამარჯვებულებს გადასცემენ Game Critics Awards-ის ჯილდოს. ჯილდოვდებიან საუკეთესო იდეებისთვის, პრეზენტაციებისთვისა და ელექტრონიკისთვის, ასევე ასახელებენ ყველაზე იმედგამაცრუებელ პრეზენტაციებსა და პროდუქტებს.
E3, როგორც წესი ტარდება ყოველი წლის მაისის ბოლოს ან ივნისის დასაწყისში Los Angeles Convention Center-ში,[3] (LACC) ქალაქ ლოს-ანჯელესში, თუმცა ყოფილა გამონაკლისი შემთხვევები, როდესაც ცერემონია ჩატარდა აშშ-ს სხვა ქალაქში.
2015 წლიდან მოყოლებული Electronic Entertainment Expo პირდაპირი ეთერის ფორმატით გადაიცემა საიტების, YouTube-ისა და Twitch.tv-ის მეშვეობით.
ისტორია
რედაქტირება
მთავარი სტატია: Electronic Entertainment Expo-ს ისტორია.
E3-ის დაარსებამდე, თამაშების დეველოპერებს თავიანთი პროდუქცია გაჰქონდათ სხვადასხვა გამოფენებზე, მათ შორის Consumer Electronics Show-სა და European Computer Trade Show-ზე.
1990-ია წლებში სათამაშო ბიზნესის ზრდასთან ერთად, აუცილებელი გახდა სამრეწველო გამოფენების გაფართოება, გამომდინარე იქიდან, რომ მოძველებული სამრეწველო გამოფენები ვერ აკმაყოფილებდნენ სათამაშო ინდუსტრიის მოთხოვნებს. 1994 წელს კომპანია Sega-მ დატოვა ძველი გამოფენები და მოგვიანებით მას სხვა კომპანიებმაც მიბაძეს.
პირველი E3-ის ცერემონია დაიგეგმა IDG-სა და Digital Software Association-ის მიერ (დღეს ცნობილი, როგორც Entartainment Software Asociation). ეს მოვლენა დაემთხვა ახალი კონსოლის, Sega Saturn-ის გამოსვლასა და PlayStation-ის, Virtual Boy და Neo Geo CD-ის ანონსს. ასევე გაცხადდა Nintendo Ultra 64-ის ტექნიკური მახასიათებლები (მოგვიანებით გადაერქვა სახელი Nintendo 64-ით), თუმცა თავად კონსოლის დემონსტრირება არ მომხდარა.
პირველი ცერემონია ჩატარდა 1995 წლის 11-13 მაისს, ლოს-ანჯელესში. 2006 წელს გადაწყდა შეეცვალათ E3-ის გამოფენის ფორმატი და მასშტაბური შოუ, რომელსაც ესწრებოდა ათასობით ადამიანი, გადაექციათ დახურულ კონფერენციად პრესის განსაკუთრებული წარმომადგენლთათვის.[4] თუმცა 2009 წელს გამოფენა დაუბრუნდა უწინდელ ფორმატს. 2010 წელს გამოფენა კვლავ ჩატარდა Los Angeles Convention Center-ში.[5]
E3/Tokyo '96
რედაქტირება1996 წელს გადაწყვიტეს შეექმნათ E3-ის იაპონური ვერსია ტოკიოში, სატელევიზიო არხ TV Asahi-სთან თანამშრომლობით. თავდაპირველად სპონსორად მოიზარდებოდა Sony Computer Intertainment, (რომელმაც საბოლოოდ მხარი დაუჭირა საკუთარ გამოფენას, PlayStation Expo-ს) და Nintendo, (ამ უკანასკნელმაც უარი განაცხადა სპონსორობაზე). გამოფენა მიმდინარეობდა 1996 წლის 1 ნოემბრიდან ამავე თვის 4 რიცხვამდე. თუმცა საბოლოოდ სპონსორთა და იპანური მწარმოებლების ნაკლებობამ განაპირობა შოუს დახურვა.[6].
გამოფენის ჩატარების თარიღები
რედაქტირება- E3 1995, 11—13 მაისი
- E3 1996, 16—18 მაისი
- E3 1997, 19—21 ივნისი (ატლანდა)
- E3 1998, 28—30 მაისი (ატლანტა)
- E3 1999, 13—15 მაისი
- E3 2000, 11—13 მაისი
- E3 2001, 16—18 მაისი
- E3 2002, 22—24 მაისი
- E3 2003, 14—16 მაისი (ლოს-ანჯელესი)
- E3 2004, 12—14 მაისი
- E3 2005, 18—20 მაისი
- E3 2006, 10—12 მაისი
- E3 2007, 11—13 მაისი
- E3 2008, 15—17 ივლისი
- E3 2009, 2—4 ივნისი(მაიამი)
- E3 2010, 15—17 ივნისი (ლოს-ანჯელესი)
- E3 2011, 7—9 ივნისი (ლოს-ანჯელესი)
- E3 2012, 5—7 ივნისი (ლოს-ანჯელესი)
- E3 2013, 10—13 ივნისი (ლოს-ანჯელესი)
- E3 2014, 9—12 ივნისი (ლოს-ანჯელესი)
- E3 2015, 14—18 ივნისი (ლოს-ანჯელესი) [7]
- E3 2016, 12—14 ივნისი (ლოს-ანჯელესი)
რესურსები ინტერნეტში
რედაქტირება
სქოლიო
რედაქტირება- ↑ Sarkar, Samit. (16 ივნისი, 2016) E3 2016 attendance down slightly, E3 2017 dated. Polygon. ციტირების თარიღი: 16 ივნისი, 2016.
- ↑ Dave Thier.. (2012-06-08) E3 is Obsolete, But It Doesn't Matter. Forbes. დაარქივებულია ორიგინალიდან — 2013-01-23. ციტირების თარიღი: 2014-04-03.
- ↑ E3 2014. IGN. დაარქივებულია ორიგინალიდან — 2014-03-20. ციტირების თარიღი: 2014-03-20.
- ↑ E3 переименована в E3 Media Festival დაარქივებული 2014-03-22 საიტზე Wayback Machine. , 02
- ↑ E3 2011 — дата и компании участники, 11
- ↑ 右高 千尋.. (1996-11-05) 任天堂もSEGAもSONYもいないE3/Tokyo'96. PC Watch. დაარქივებულია ორიგინალიდან — 2003-06-05. ციტირების თარიღი: 2014-03-21.
- ↑ E3 is scheduled to take place June 16-18, 2015, at the Los Angeles Convention Center. დაარქივებულია ორიგინალიდან — 2015-01-08.