ლურჯი ძირწითელა
ლურჯი ძირწითელა (ლათ. Echium vulgare) — ორწლოვანი ბალახოვანი მცენარე ლაშქარასებრთა ოჯახისა. აქვს 30-60 სმ სიმაღლის, მარტივი ან მოკლედ დატოტვილი და სწორი ღერო. მთელი მცენარე გაფარჩხული, რბილი ჯაგრისებური ბეწვითაა დაფარული. ფოთლები ვიწრო ლანცეტა ფორმისაა, მჯდომარე, შებუსული. ყვავილედი ვიწრო საგველასებური ფორმისაა და ნაკლებ დატოტვილი. გვირგვინი ძაბრისებურია, ყვავილობის პირველ პერიოდში წითელი ფერისაა, შემდეგ კი ლურჯი ხდება. ყვავილობს მაისში, ნაყოფმსხმოიარობს სექტემბერში.[1]
| ლურჯი ძირწითელა | |||||||||||||||
|---|---|---|---|---|---|---|---|---|---|---|---|---|---|---|---|
 საერთო ხედი | |||||||||||||||
| მეცნიერული კლასიფიკაცია | |||||||||||||||
| |||||||||||||||
| ლათინური სახელი | |||||||||||||||
| Echium vulgare L., 1753 | |||||||||||||||
| სინონიმები | |||||||||||||||
| |||||||||||||||
| |||||||||||||||
გავრცელებულია კავკასიას, ჩრდილოეთ, ცენტრალურ და სამხრეთ ევროპას, მცირე და შუა აზიაში, ჩრდილოეთ ამერიკაში, ჩრდილოეთ აფრიკას. გვხვდება თითქმის მთელ საქართველოში. იზრდება მთის შუა სარტყლამდე ველებზე, რუდერალურ ადგილებში, ნათესებში.[1]
მცენარის ყველა ნაწილი შხამიანია. ფოთლებსა და ღეროებში აღმოჩენილოია საპონინი, ქოლინი და ასკორბინის მჟავა. კარგი თაფლოვანი მცენარეა.
გალერეა
რედაქტირება-
ფოთოლი -
ღერო -
ყვავილედი -
ბოტანიკური ილუსტრაცია
_leaves.JPG)
რესურსები ინტერნეტში
რედაქტირება- ლურჯი ძირწითელა დაარქივებული 2015-09-24 საიტზე Wayback Machine. (ინგლისური)
- ლურჯი ძირწითელა (ინგლისური)
სქოლიო
რედაქტირება- ↑ 1.0 1.1 სუხიტაშვილი კახაბერ, საქართველოს ყვავილოვანი მცენარეები, თბ.: კავკასიის გარემოსდაცვითი არასამთავრობო ორგანიზაციების ქსელი, 2018. — გვ. 100.