Come Undone (Duran Duran-ის სიმღერა)

Come Undone — ინგლისური როკ-ჯგუფ Duran Duran-ის სიმღერა და სინგლი ალბომიდან Duran Duran (The Wedding Album). გამოვიდა 1993 წელს.

„Come Undone“
სინგლი — Duran Duran
ალბომიდან Duran Duran (The Wedding Album)
B-მხარე	Time for Temptation, Stop Dead, Falling Angel
გამოსვლის თარიღი	29 მარტი 1993
ჩაიწერა	Privacy Studio, ლონდონი, 1993
ჟანრი	ალტერნატიული როკი
ხანგრძლივობა	4:38
ხმისჩამწერი ლეიბლი	EMI - DD 17
ავტორ(ებ)ი	Duran Duran
პროდიუსერი	Duran Duran
Duran Duran — სინგლების ქრონოლოგია
„Ordinary World“ (1992) „Come Undone“ (1993) „Too Much Information“ (1993)

სიმღერა მოხვდა აშშ-ის საუკეთესო ათეულში და წარმატება იქონია ბრიტანეთისა და სხვა ქვეყნების ტერიტორიებზე.

ისტორია

ჯგუფის გიტარისტი უორენ კუკურულო მითითებულია, როგორც სიმღერის ინსტრუმენტული ნაწილის თანაავტორი, განსაკუთრებით, გიტარის მელოდიის გამო, რომელიც მან მოიგონა ალბომში Liberty შეტანილი სიმღერის „First Impression“ ახალი ინტერპრეტაციის ძიებისას. 2005 წელს კუკუროლომ ავტორ სტივ მელინსთან საუბრისას აღნიშნა, რომ იგი და ნიკ როუდზი თავდაპირველად აპირებდნენ სიმღერის სხვა სახით, Duran Duran-ის გარეშე, —გევინ როსდეილთან ერთად გამოყენებას, მაგრამ გადაწყვეტილება შეცვალეს, როდესაც საიმონ ლე ბონს მოეწონა მელოდია და გადაწყვიტა ტექსტის შექმნა. სიმღერა ალბომში შეიტანეს უკანასკნელ წამს, როდესაც ჩამოყალიბებული იყო სიმღერების ძირითადი სია. ტექსტი ლე ბონმა საჩუქრად, მეუღლეს, იასმინს მიუძღვნა.

ჯგუფის ბასისტი ჯონ ტეილორი ამ სიმღერაში ბას-გიტარაზე არ უკრავს, თუმცა მის ოფიციალურ კლიპში ჩნდება. ნიკ როუდზმა და ჯონ ჯონსმა დაუკრეს სინთეზატორებზე. ტესა ნაილზი ასრულებს ბეკ-ვოკალს. სიმღერაში ასევე ჟღერს ჯგუფის The Soul Searchers „Ashley's Roachclip“-ის ნაწყვეტი.

პროდიუსერ ჯონ ჯონსის კომენტარი: „იმ პერიოდში უკვე დავასრულეთ Wedding Album და მისი მასტერინგი და დავიწყეთ ქავერ-ალბომი Thank You. ერთ დღეს ავიღეთ დრამების და ბასის ნაწყვეტი დემო-ჩანაწერიდან „Face to Face“ და დავუმატეთ გიტარის რიგი, რომელიც უორენმა მოიგონა „First Impression“-ის „ქავერ-ვერსიის“ შემუშავებისას. რამდენიმე საათის შეემდეგ ეს სიმღერა ლოს-ანჯელესში Capitol-ის ხალხს ტელეფონით მოვასმენინეთ და გვითხრეს, რომ ახალ ალბომზე მისი მოსმენა სურდათ. დღისით ნიკი მოვიდა სტუდიაში და ეს შესავალი გადაკეთდა სიმღერა, რომელიც საღამოს საიმონს მოვასმენინეთ. მეორე დღეს დაბრუნდა ტექსტებით და მელოდიით და ვფიქრობ, ვოკალი შემდეგ დღეს ჩავწერეთ. მეოთხე დღეს დავასრულეთ სიმღერის დეტალები და მიქსისათვის შვეიცარიაში დევიდ რიჩარდსს გადავუგზავნეთ.“

მუსიკალური ვიდეო

სიმღერის ოფიციალური კლიპის რეჟისორი ჯულიენ ტემპლია. ჯგუფის კადრები გადაიღეს ლონდონის აკვარიუმის ტერიტორიაზე. ეს კადრები შეურიეს სხვადასხვა ადამიანის კადრებს. გადაღებულ ადამიანებს შორის არის გოგონა, რომელიც ხედავს მშობლებს; მოხუცი წყვილი, რომელიც გადაურჩა დატბორვას; ალკოჰოლიკი და ადამიანი, რომელიც როგორც კაცის, ასევე ქალის სამოსებს ატარებს. კლიპში ასევე ჩნდება ქალი, რომელიც წყალში იძირება და ცდილობს ბორკილებისგან გათავისუფლებას. ლე ბონი და ტეილორი ჩაცმულები არიან ვივიენ ვესტვუდის სტილის კოსტუმებში, რაც ითვლება ჯგუფის ადრეული, ახალი რომანტიკის პერიოდისადმი მიძღვნად.

კლიპის ნაწილი ჩანს ეპიზოდში „No Laughing“, სერიალიდან „ბივისი და ბატ-ჰედი“

B-გვერდები, ბონუს-სიმღერები და რემიქსები

სინგლი ბრიტანეთში გამოიცა 1993 წლის 29 მარტს, b-გვერდით Ordinary World (აკუსტიკური ვერსიის სახით). ეს იყო სინგლის ოფიციალური ბრიტანული b-გვერდი, გარდა „Come Undone“-ის ორი ოფიციალური რემიქსისა.

აშშ-ში სინგლში b-გვერდების სახით შევიდა სამი სიმღერა, დაწერილი ალბომზე მუშაობისას - „Time for Temptation“, „Stop Dead“ და „Falling Angel“. კოლექციონერებისათვის აშშ გამოცემებში წარმოდგენილი იქნა „To the Shore“-ის ალტერნატიული მიქსი, CD ფორმატში კი პირველად გამოიცა „The Chauffeur (Blue Silver)“.

რემიქსები

• Mix 1 Master (იგივე 12" Mix - Comin' Together)
• Mix 2 Master
• Churban Mix (იგივე US Remix)
• La Fin de Siècle
• FGI Phumpin' 12
• Come Undub
• TV Synth Strings

ქავერ-ვერსიები, სემპლირება და აღნიშვნა მედიაში

სიმღერის ქავერ-ვერსიები სხვადასხვა დროს შესრულდა მრავალი მუსიკოსისადა და ჯგუფის მიერ. მათ შორის არიან: Mad at Gravity, Sonnet to Sleep, Bachelor Girl, Home Grown, Cavo, It Dies Today, My Darkest Days და Adrenaline Mob.

ადგილები ჩარტებში

Come Undone ბრიტანეთში 13-ე (10 აპრილი), ბილბორდის (აშშ) ჩარტში 7-ე (19 ივნისი), კანადაში 2-ე (17 ივნისი), ავსტრალიაში 19-ე, საფრანგეთში 26-ე და შვედეთში 21-ე პოზიციამდე მივიდა.

რესურსები ინტერნეტში

• Duran Duran Wiki