BRICS-ის XIII სამიტი
BRICS-ის XIII სამიტი COVID-19-ის პანდემიის გამო ინდოეთის რესპუბლიკის დედაქალაქ ნიუ-დელიში შეხვედრის მაგივრად ვიდეოკონფერენციის სახით შედგა 2021 წლის 9 სექტემბერს[1].
BRICS-ის 2021 წლის შემადგენლობა:
ბრაზილია — პრეზიდენტი ჟაირ ბოლსონარუ,
რუსეთი — პრეზიდენტი ვლადიმერ პუტინი,
ინდოეთი — პრემიერ-მინისტრი ნარენდრა მოდი,
ჩინეთი — თავმჯდომარე სი ძინპინი,
სარ — პრეზიდენტი სირილ რამაფოსა.
BRICS-ის წევრი ქვეყნების სახელმწიფოთა და მთავრობების მეთაურებმა გაცვალეს მოსაზრებები ხუთმხრივი თანამშრომლობის მდგომარეობისა და პერსპექტივების შესახებ, შეაჯამეს წელს ინდოეთის BRICS-ის თავმჯდომარეობის შედეგები. ლიდერებმა საერთაშორისო დღის წესრიგის აქტუალური საკითხები განიხილეს.
სამიტის შედეგად მიღებულ იქნა დელის დეკლარაცია, რომელიც ასახავს ხუთი სახელმწიფოს კონსოლიდირებულ მიდგომებს ასოციაციის შემდგომი განვითარების მიმართ, ასევე BRICS-ის ანტიტერორისტული სტრატეგია.