ჰიდეო კოჯიმა
ჰიდეო კოჯიმა (იაპონ. 小島 秀夫; დ. 24 აგვისტო, 1963, სეტაგაია, ტოკიო[2]) — იაპონელი ვიდეო თამაშების დიზაინერი, რეჟისორი, პროდიუსერი და სცენარისტი.
| ჰიდეკ კოჯიმა | |
|---|---|
_(cropped).jpg) კოჯიმა 2011 წელს Tokyo Game Show-ზე | |
| მშობლიური სახელი | 小島 秀夫 |
| დაბადების თარიღი |
24 აგვისტო, 1963[1] სეტაგაია, ტოკიო, იაპონია |
| ეროვნება | იაპონელი |
| მოქალაქეობა |
 იაპონია |
| საქმიანობა | ვიდეო თამაშების დიზაინერი, რეჟისორი, პროდიუსერი, სცენარისტი |
| აქტიური | 1986-დღემდე |
| ცნობილი ნაშრომები | „Metal Gear“, „Snatcher“, „Policenauts“, „Zone of the Enders“, „Death Stranding“ |
| საიტი | ოფიციალური |
| ხელმოწერა |
 |
კოჯიმა ცნობილია ვიდეო თამაშების შექმნის თავისებური საავტორო მიდგომით. თამაშების შექმნამდე იგი გატაცებული იყო ლიტერატურითა და კინემატოგრაფიით. 1986-2015 წლებში იყო კომპანია Konami-ის ერთ-ერთი წამყვანი თანამშრომელი, ამასთანავე ხელმძღვანელობდა მის მიერ 2005 წელს დაარსებულ[3] შიდა სტუდიას Kojima Productions. აგრეთვე, გარკვეული ხნით იკავებდა კომპანია Konami Digital Entertainment-ის ვიცე-პრეზიდენტის თანამდებობას.[4] 2015 წელს Kojima Productions გამოეყო Konami-ის და იქცა დამოუკიდებელ კომპანიად, რომელსაც სათავეში ჩაუდგა ჰედეო კოჯიმა.
კოჯიმა ყველაზე მეტად ცნობილია „Metal Gear“-ის ვიდეო თამაშების სერიის შექმნით, რომელმაც დიდი გავლენა მოახდინა როგორც სტელს-ექშენის ჟანრის, ასევე ზოგადად ვიდეო თამაშების ინდუსტრიის განვითარებაზე. მისი ხელმძღვანელობით სერია გამოდიოდა ოთხი ათწლეულის განმავლობაში. „Metal Gear“-ის გარდა შექმნილი აქვს სათავგადასავლო თაშები — „Snatcher“ და „Policenauts“, იგი აგრეთვე არის რამდენიმე თამაშის პროდიუსერი, ისეთების როგორებიცაა „Zone of the Enders“, „Boktai“ და „Castlevania: Lords of Shadow“. 2019 წელს გამოსული „Death Stranding“ არის კოჯიმას პირველი ვიდეო თამაში, რომელიც Konami-ს გარეთ შეიქმნა.[5]
2019 წელს კოჯიმა შევყვანილი იქნა გინესის რეკორდების წიგნში, როგორც ყველაზე მეტი გამომწერების მქონე ვიდეო თამაშების დიზაინერი Twitter-სა და Instagram-ზე.[6] 2020 წელს ვიდეო თამაშების განვითარებაში შეტანილი გამორჩეული წვლილისთვის BAFTA Fellowship-ის ჯილდო გადაეცა.[7]
რესურსები ინტერნეტში რედაქტირება
შეგიძლიათ იხილოთ მედიაფაილები თემაზე „ჰიდეო კოჯიმა“ ვიკისაწყობში.- ოფიციალური საიტი
- ჰიდეო კოჯიმა კინოფილმების ინტერნეტ-მონაცემთა ბაზაში
- ჰიდეო ჯოჯიმა — Videogames Chronicle
სქოლიო რედაქტირება
- ↑ IGN: Hideo Kojima Biography. დაარქივებულია ორიგინალიდან — 16 ნოემბერი, 2007. ციტირების თარიღი: 12 მარტი, 2008.
- ↑ Parkin, Simon (2012-05-23). „Hideo Kojima: video game drop-out – interview part 1“. The Guardian. დაარქივებულია ორიგინალიდან — 3 თებერვალი, 2014. ციტირების თარიღი: 31 იანვარი, 2014. შეამოწმეთ თარიღის პარამეტრი
|accessdate=და|archivedate=-ში (დახმარება) - ↑ Announcement of Personnel Changes (March 17, 2009). Konami (March 17, 2009). დაარქივებულია ორიგინალიდან — May 6, 2009. ციტირების თარიღი: August 11, 2009.
- ↑ Hideo Kojima becomes VP of Konami Digital Entertainment (2011-03-30). დაარქივებულია ორიგინალიდან — 2011-04-01. ციტირების თარიღი: 2011-03-30.
- ↑ Death Stranding Release Date For PS4 Revealed In New Gameplay Trailer en-US. ციტირების თარიღი: 2019-11-05.
- ↑ Hideo Kojima Has Been Awarded Two Guinness World Records, But Not For What You Might Expect en-US. ციტირების თარიღი: 2019-11-12
- ↑ Hideo Kojima to receive BAFTA Fellowship. ციტირების თარიღი: 27 თებერვალი, 2020.