ჰედვიგ დანიელი
ჰედვიგ დანიელი (დან. Hedvig af Danmark; დ. 5 აგვისტო, 1581 — გ. 26 ნოემბერი, 1641) — ოლდენბურგების დინასტიის წარმომადგენელი. დანიის მეფე ფრედერიკ II-ისა და დედოფალ სოფია მეკლენბურგ-გიუსტროველის ასული. საქსონიის კურფიურსტი 1602-11 წლებში როგორც კრისტიან II-ის მეუღლე.
| ჰედვიგ დანიელი | |
|---|---|
 | |
| საქსონიის კურფიურსტი | |
| მმართ. დასაწყისი: | 12 სექტემბერი, 1602 |
| მმართ. დასასრული: | 23 ივნისი, 1611 |
| წინამორბედი: | სოფია ბრანდენბურგელი |
| მემკვიდრე: | მაგდალენა სიბილა პრუსიელი |
| პირადი ცხოვრება | |
| დაბ. თარიღი: | 5 აგვისტო, 1581 |
| გარდ. თარიღი: | 26 ნოემბერი, 1641, (60 წლის) |
| მეუღლე: | კრისტიან II, საქსონიის კურფიურსტი |
| დინასტია: | ოლდენბურგები |
| მამა: | ფრედერიკ II, დანიის მეფე |
| დედა: | სოფია მეკლენბურგ-გიუსტროველი |
| რელიგია: | ლუთერანიზმი |
ბიოგრაფია რედაქტირება
ჰედვიგი დაიბადა 1581 წლის 5 აგვისტოს. იგი იყო დანიისა და ნორვეგიის მეფე ფრედერიკ II-ისა და მისი მეუღლის, დედოფალ სოფია მეკლენბურგ-გიუსტროველის უმცროსი ქალიშვილი. მისი უფროსი და, ელიზაბეთი ბრაუნშვაიგის ჰერცოგინია გახდა, ხოლო მეორე და, ანა ინგლისის დედოფალი, მათი ძმა, კრისტიან IV კი დანიისა და ნორვეგიის მეფე იყო. მისი და-ძმების მსგავსად, თავისი ბავშვობა დანიიდან შორს, დედის მეკლენბურგელ ნათესავებთან ერთად გაატარა.
1602 წლის 12 სექტემბერს, იგი ცოლად გაჰყვა საქსონიის კურფიურსტ კრისტიან II-ს. მათი ქორწინება ცხრაწლიანი და უნაყოფო იყო. კრისტიანი 1611 წელს გარდაიცვალა.
ახალი კურფიურსტი მისი მაზლი გახდა, რომელთანაც ჰედვიგს ყოველთვის თბილი ურთიერთობა ჰქონდა. ამის გამო, იგი სიცოცხლის ბოლომდე ფუფუნებაში ცხოვრობდა. ამასთან, ჰედვიგი აარსებდა ეკლესიებს, ღარიბების, დაავადებულებისა და ობლების თავშესაფრებს და ა.შ. როგორც დანიის მეფის და და ინგლისის მეფის ცოლის და, იგი საქსონიაში ყოველთვის დიდი პატივითა და ავტორიტეტით სარგებლობდა. ცნობილია, რომ მისმა მაზლმა თავისი ქალიშვილების აღზრდა სწორედ მას მიანდო.
დაქვრივების შემდეგ იგი ლიხტენბერგის სასახლეში გადავიდა, დრეზდენთან ახლოს. 1631 წელს იგი დანიაში ჩავიდა და დედამისის დაკრძალვას დაესწრო. 1634 წელს დანიაში კვლავ ჩავიდა, რათა დასწრებოდა თავისი ძმისწულის, კრისტიანისა და თავისი მაზლიშვილის, მაგდალენა სიბილა საქსონიელის ქორწინებას. იგი გარდაიცვალა 1631 წლის 26 ნოემბერს, 60 წლის ასაკში.
ლიტერატურა რედაქტირება
- Carl Frederik Bricka. "Hedevig, Kurfyrstinde af Sachsen, 1581-1641". Dansk biografisk Lexikon. Retrieved June 1, 2018.
- Carl Frederik Bricka. "Christian, 1603-47, udvalgt Prins". Dansk biografisk Lexikon. Retrieved June 1, 2018.