ჯინა დეივისი
ვირჯინია ელიზაბეთ „ჯინა“ დეივისი (ინგლ. Geena Davis; ნამდვილი სახელი და გვარი ვირჯინია ელიზაბეტ დეივისი; დ. 21 იანვარი 1956, უორჰემი, მასაჩუსეტსი)[1] — ამერიკელი კინომსახიობი, პროდიუსერი, მწერალი; ოსკარისა და ოქროს გლობუსის პრემიის ლაურეატი, წარსულში ფოტომოდელი.
| ჯინა დეივისი | |
|---|---|
.jpg) ჯინა დეივისი 2013 წელს | |
| დაბადების სახელი | ვირჯინია ელიზაბეთ დეივისი |
| დაბადების თარიღი |
21 იანვარი 1956 უორჰემი, მასაჩუსეტსი |
| საქმიანობა | მსახიობი, პროდიუსერი |
| აქტიური | 1982-დღემდე |
| მეუღლე(ები) |
|
| ოსკარი |
საუკეთესო მსახიობი ქალი მეორეხარისხოვან როლში |
ბიოგრაფია
რედაქტირებაჯინა დეივისი დაიბადა მასაჩუსეტსის შტატის ქალაქ უორჰემში 1956 წლის 21 იანვარს, დედამისის ლუსილისა და მამამისის უილიამ დეივისის ოჯახში. ჯინას ჰყავს ძმა — დენი.[2] ჯინა დეივისი ბავშვობაში მუსიკით იყო გატაცებული. თუმცა პატარა ასაკშივე მსახიობობაზე ოცნებობდა. სკოლის დამთავრების შემდეგ სწავლა დაიწყო კოლეჯში, რის შემდეგაც სწავლა ბოსტონის უნივერსიტეტში გააგრძელა. 1978 წელს დაამთავრა ბოსტონის უნივერსიტეტი, საიდანაც ნიუ-იორკში გადავიდა საცხოვრებლად.
კარიერა დაიწყო 23 წლის ასაკში. ნიუ-იორკში კონტრაქტი გააფორმა სამოდელო სააგენტოსთან „Zoli“ და მოდელად დაიწყო მუშაობა. ჯინა დეივისი პირველად შეამჩნია რეჟისორმა სიდნი პოლაკმა, რომელმაც იგი მიიწვია ფილმში „ტუტსი“. თავდაპირველად ტელესერიალებში იღებდნენ, ხოლო 1986 წელს მიიღო როლი ფანტასტიკურ კინოფილმში „ბუზი“. შემდეგ იყო ასევე წარმატებული კომედიური ჟანრის ფილმი „ბითლჯუისი“. 1988 წელს ითამაშა ფილმში „შემთხვევითი ტურისტი“. სწორედ ამ ფილმმა მოუპოვა ჯინას ოსკარის პრემია. შემდეგი წლების კინონამუშევრებიდან აღსანიშნავია „თელმა და ლუიზა“, „ხანგრძლივის კოცნა ძილის წინ“, „სტიუარტ ლიტლი“ და სხვა.
2009 წელს ითამაშა კომედიურ დრამაში „უსიამოვნებები“, ხოლო 2013 წელს კომედიურ ფილმში „სამყაროში...“.
ფილმოგრაფია
რედაქტირება| წელი | ქართულად | მშობლიური სახელწოდება | როლი | |
|---|---|---|---|---|
| 1982 | ფ | ტუტსი | Tootsie | ეიპრილ პეიჯი |
| 1983 | ს | გზების რაინდი | Knight Rider | გრეის ფალონი |
| 1985 | ფ | ფლეტჩი | Fletch | ლარი |
| 1986 | ფ | ბუზი | The Fly | ვერონიკა კვაიფი |
| 1988 | ფ | ბითლჯუისი | Beetlejuice | ბარბარა მეიტლენდი |
| 1988 | ფ | დედამიწელი გოგონები ადვილად ხელმისაწვდომები არიან | Earth Girls Are Easy | ვალერი გეილი ბნსი |
| 1988 | ფ | შემთხვევითი ტურისტი | The Accidental Tourist | მურიელ პრიტჩეტი |
| 1990 | ფ | სწრაფი ცვლილებები | Quick Change | ფილის პოტერი |
| 1991 | ფ | თელმა და ლუიზა | Thelma & Louise | თელმა დიკინსონი |
| 1992 | ფ | მათი საკუთარი ლიგა | A League of Their Own | დოტი ჰინსონი |
| 1992 | ფ | გმირი | Hero | გეილ კეილი |
| 1994 | ფ | Angie | Angie | ენჯი სკაჩიაპენსიერი |
| 1994 | ფ | უსიტყვოდ | Speechless | ჯულია მანი |
| 1995 | ფ | თავზეხელაღებულთა კუნძული | Cutthroat Island | მორგან ადამსი |
| 1996 | ფ | ხანგრძლივის კოცნა ძილის წინ | The Long Kiss Goodnight | სამანთა კეინი |
| 1999 | ფ | სტიუარტ ლიტლი | Stuart Little | მისის ელეანორ ლიტლი |
| 2002 | ფ | სტიუარტ ლიტლი 2 | Stuart Little 2 | მისის ელეანორ ლიტლი |
| 2005 | ფ | სტიუარტ ლიტლი 3 | Stuart Little 3 | მისის ელეანორ ლიტლი |
| 2005–2006 | ს | Commander in Chief | Commander in Chief | პრეზიდენტი მაკენზი ალენი |
| 2009 | ფ | უსიამოვნებები | Accidents Happen | გლორია კონვეი |
| 2013 | ფ | სამყაროში... | In a World... | კეთრინ ჰალინგი |
რესურსები ინტერნეტში
რედაქტირება
- ჯინა დეივისი კინოფილმების ინტერნეტ-მონაცემთა ბაზაში
- ჯინა დეივისი ბიბლიოთეკის WorldCat კატალოგში
- ჯინა დეივისის ინსტიტუტი
სქოლიო
რედაქტირება- ↑ Hollywood Baby Boom - Babies, Kids & Family Life, Gwyneth Paltrow Cover, Cate Blanchett, Courteney Cox, Debra Messing, Geena Davis, Gwyneth Paltrow, Kate Hudson : People.com. დაარქივებულია ორიგინალიდან — 2016-03-03. ციტირების თარიღი: 2011-07-22.
- ↑ Geena Davis biography. Film Reference.com