ჯეინ ედნა ჰანტერი
ჯეინ ედნა ჰანტერი (დ. 13 დეკემბერი, 1882 – 13 იანვარი, 1971) — აფრო-ამერიკელი სოციალური მუშაკი, რომელიც დაიბადა პენდლტონთან, სამხრეთ კაროლინაში. 1911 წელს მან დააარსა მშრომელი გოგონების ასოციაცია კლივლენდში, ოჰაიოში, რომელიც მოგვიანებით გახდა კლივლენდის ფილის უიტლის ასოციაცია.[1][2][3]
| ჯეინ ედნა ჰანტერი | |
|---|---|
| მშობლიური სახელი | ჯეინ ედნა ჰარისი |
| დაბადების თარიღი |
13 დეკემბერი, 1882 პენდლტონი, სამხრეთი კაროლინა |
| გარდაცვალების თარიღი |
19 იანვარი, 1971 (88 წლის) კლივლენდი, ოჰაიო |
| მოქალაქეობა | ამერიკელი |
| ალმა-მატერი |
ბოლდვინ-უოლესის კოლეჯი კლივლენდ-მარშალის სამართლის სკოლა |
| საქმიანობა | სოციალური მუშაობა |
| დამსაქმებელი | ფილის უიტლის ასოციაცია |
| ცნობილია როგორც | სოციალური მუშაკი აფრიკელი-ამერიკელი ბავშვებისა და ოჯახებისთვის |
| მეუღლე(ები) | ედუარდ ჰანტერი |
| მშობლები |
მამა: ედუარდ ჰარისი დედა: ჰარიეტ მილნერი |
ცხოვრება
რედაქტირებამისი მშობლები ვუდბერნის პლანტაციის ფერმაში მინიმალურ ხელფასზე მუშაობდნენ. 1892 წელს მამის გარდაცვალების შემდეგ, მან შემოსავლის სანაცვლოდ ადგილობრივი ოჯახებისთვის საშინაო საქმეების კეთება დაიწყო. იგი სკოლაში სწავლას მხოლოდ 14 წლის ასაკში შეუდგა. სწავლობდა ფერგიუსონისა და უილიამსის აკადემიაში აბევილში, სამხრეთ კაროლინაში. 1900 წელს დაამთავრა მერვე კლასი. შემდეგ იგი სახლში დაბრუნდა სამუშაოდ.[1][3][4][5][6]
ჯეინ ედნა ჰანტერი მცირე ხნით იყო დაქორწინებული ედვარდ ჰანტერზე, რომელიც მასზე 40 წლით უფროსი იყო. იგი გადავიდა ჩარლსტონში, სამხრეთ კაროლინაში, სადაც დაიწყო საექთნო ტრენინგი ქენონ სტრიტის ჰოსპიტალსა და ექთნების სასწავლო სკოლაში. 1904 წელს მან დაასრულა ერთწლიანი ტრენინგი ვირჯინიის ჰემპტონის ინსტიტუტში.[1][5] იგი გადავიდა კლივლენდში, ოჰაიოში, 1905 წელს. 1911 წელს მან დააარსა მშრომელი გოგონების ასოციაცია ქალებისთვის თავშესაფრის, დახმარებისა და განათლების შეთავაზების მიზნით. ფილის უიტლის სახლი გაიხსნა 1911 წელს და მას ჯამში 23 ოთახი ჰქონდა; ჰანტერი მუშაობდა თეთრკანიან ლიდერებთან, რათა გაეფართოებინა ობიექტის ზომები და მომსახურება.[7] 1912 წელს, ფილის უიტლის სახლმა სახელი შეიცვალა და გახდა კლივლენდის ფილის უიტლის ასოციაცია, რომელსაც ასე ეწოდა აფროამერიკელი პოეტის, ფილის უიტლის პატივსაცემად.[1][2][5]
1925 წელს ჰანტერმა დაამთავრა კლივლენდის იურიდიული სკოლა,[8] რომელსაც შემდეგ მოჰყვა ბოლდუინ-უოლესის კოლეჯი.[9][10][5] ჰანტერი მეთვალყურეობდა 1927 წელს დასრულებულ შავკანიანი ქალების თერთმეტსართულიანი რეზიდენციის მშენებლობას, რომელსაც ჰქონდა სილამაზის სკოლა, სასადილო ობიექტები, საბავშვო ბაღები და ბუკერ ტ. ვაშინგტონის სახელობის სათამაშო მოედანი.[7]
მან ინვესტიცია მოახდინა კლივლენდის უძრავ ქონებაში და აქტიურად მონაწილეობდა ფერადკანიანი ქალების ეროვნული ასოციაციის მუშაობაში. იგი ასევე მუშაობდა ოჰაიოს ცენტრალური სახელმწიფო უნივერსიტეტის რწმუნებულის პოზიციაზე. 1937 წელს ჯეინ ჰანტერს მიენიჭა ფერადკანიანთა წინსვლის ეროვნული ასოციაციის სპინგარნის მედალი.[7]
იგი მუშაობდა კლივლენდის ფილის უიტლის ასოციაციის აღმასრულებელი დირექტორის პოსტზე 1947 წელს, 65 წლის ასაკში პენსიაზე გასვლამდე[2] მან დაწერა ავტობიოგრაფიული წიგნი სახელწოდებით „ნიკელი და ლოცვა“, რომელიც გამოიცა 1940 წელს.[11]
მას საპატიო წოდებები ჰქონდა ალენის უნივერსიტეტში, ფისკის უნივერსიტეტში, ცენტრალურ სახელმწიფო უნივერსიტეტში და ტუსკეგის ინსტიტუტში.[2] ის იყო ფერადკანიანთა წინსვლის ეროვნული ასოციაციის ვიცე-პრეზიდენტი და დირექტორთა საბჭოს წევრი.
მისი ჯანმრთელობა 1950-იანი წლების შუა ხანებში გაურესდა. იგი ცხოვრობდა მოხუცთა თავშესაფარში 1960-იანი წლების დასაწყისიდან სიკვდილამდე, 1971 წლის 13 იანვარს, კლივლენდში.
მემკვიდრეობა
რედაქტირებაკუიაჰოგას ოლქის ბავშვთა და საოჯახო სერვისების სააგენტომ თავის მთავარ შენობას დაარქვა ჯეინ ედნა ჰანტერის სოციალური მომსახურების ცენტრი, რათა პატივი მიეგო მისი მუშაობისთვის ბავშვებთან და ოჯახებთან.[12] ჯეინ ედნა ჰანტერის მუზეუმი მდებარეობს კლივლენდში, ფილის უიტლის ცენტრში.[3]
ჯეინ ედნა ჰანტერი: შავკანიანი ლიდერობის შემთხვევის შესწავლა არის წიგნი მისი ცხოვრების შესახებ.[13] მისი დაბადების სახელი იყო ჯეინ ჰარისი.[7] მამამისი იყო მონის და თეთრკანიანი ზედამხედველის შვილი, შესაბამისად მას შედარებით ღია ფერის კანი ჰქონდა.[7] მხოლოდ თინეიჯერობის წლებში ჰანტერმა დაიწყო იმის გაგება, თუ ვინ იყო ის, როგორც შავკანიანი ქალი. რამდენიმე საექთნო სკოლაში მედდად ტრენინგის გავლის შემდეგ, ჰანტერი გადავიდა ოჰაიოში, სადაც მოუხდა რასიზმის შემთხვევებთან გამკლავება. იგი ვერ პოულობდა სამსახურს მედდად, ან საცხოვრებელ ფართს ადგილობრივი ახალგაზრდა ქალების ქრისტიანულ ასოციაციაში.[14] ახალგაზრდა ქალების ქრისტიანი ასოციაცია, ისევე როგორც მრავალი სხვა ფონდი, უარს ამბობდა სამხრეთიდან მიგრირებული შავკანიანი ქალების სახლებში განთავსებაზე.[14] ჯეინ ედნა ჰანტერმა გადაწყვიტა დაერწმუნებინა თეთრკანიანი ქალი, რომელიც მართავდა ასოციაციას, დაეარსებინა ცალკე ფონდი შავკანიანი ქალებისთვის.[7] თუმცა, ბევრი ხანდაზმული შავკანიანი ქალი ეწინააღმდეგებოდა, გრძნობდნენ, რომ ჰანტერი იწყებდა თვითგამოყოფას,[14] რამაც შემდეგ აიძულა ჯეინ ედნა ჰანტერი „ნიკელითა და ლოცვით“ დაეარსებინა ფილის უიტლის ასოციაცია.[14] ეს ფუნქციონირებდა როგორც დასაქმების სააგენტო და საზაფხულო ბანაკი, რომელიც დაეხმარებოდა აფრო-ამერიკელი ქალებისა და ბავშვების ცხოვრების გაუმჯობესებას.[7]
იხილეთ ასევე
რედაქტირებალიტერატურა
რედაქტირება- ჰანტერი, ჯეინ ედნა. „ნიკელი და ლოცვა დაარქივებული 2016-03-08 საიტზე Wayback Machine. “ (1941, 2011). რედ. რონდა რ. თომასი. რეგენერაციების სერია. მორგანთაუნი: დასავლეთ ვირჯინიის უნივერსიტეტის გამოცემა.
- ჯეინ ედნა ჰანტერის პროექტი . (2012). კლემსონის უნივერსიტეტი.
- Thomas, Rhondda R. & Ashton, Susanna, eds. (2014). აფრო-ამერიკული აზროვნების სამხრეთ კაროლინას ფესვები. კოლუმბია: სამხრეთ კაროლინას უნივერსიტეტის პრესა. „ჯეინ ედნა ჰარის ჰანტერი (1882–1971),“ გვ.195–199.
სქოლიო
რედაქტირება- ↑ 1.0 1.1 1.2 1.3 South Carolina Encyclopedia.
- ↑ 2.0 2.1 2.2 2.3 Builders of Ohio.
- ↑ 3.0 3.1 3.2 Jane Edna Hunter. Women in History. დაარქივებულია ორიგინალიდან — 11 მაისი 2009. ციტირების თარიღი: 3 May 2009
- ↑ Remembering South Carolina's Old Pendleton District. [მკვდარი ბმული]
- ↑ 5.0 5.1 5.2 5.3 African American Women in Education. LP-MAJC-1. დაარქივებულია ორიგინალიდან — 26 ივლისი 2011. ციტირების თარიღი: 6 May 2009
- ↑ Jane Edna Hunter. Honorees. დაარქივებულია ორიგინალიდან — 2011-07-16. ციტირების თარიღი: 2023-02-28.
- ↑ 7.0 7.1 7.2 7.3 7.4 7.5 7.6 Hine, Darlene Clark, William C. Hine, and Stanley Harrold. "Chapter 16", The African-American Odyssey Combined Edition. 5th ed. Upper Saddle River, NJ: Pearson Education, 2010. 425. Web.
- ↑ Mearns, Geoffrey (February 2006). „Equal access to educational opportunities: Our proud past and future challenges“ (PDF). The Gavel. Cleveland, Ohio: Cleveland Marshall College of Law. 54 (4): 2. დაარქივებულია ორიგინალიდან (PDF) — 1 June 2010. ციტირების თარიღი: 3 May 2009.
- ↑ Baldwin-Wallace College Celebrates the Accomplishments of Our Alumni. News and Information. Baldwin Wallace College. ციტირების თარიღი: 3 May 2009
- ↑ „Hunter, Jane Edna (Harris)“. Encyclopedia of Cleveland History. Case Western Reserve University and the Western Reserve Historical Society. ციტირების თარიღი: 2 May 2009.
- ↑ Hunter, Jane Edgar (1940). A Nickel and a Prayer. Cleveland, Ohio: Elli Kani Publishing Company.
- ↑ Cuyahoga County Department of Children and Family Services Agency History. Cuyahoga County Department of Human Services. ციტირების თარიღი: 3 May 2009
- ↑ Jane Edna Hunter: a case study of Black leadership, 1910–1950. Carlson Publishing.
- ↑ 14.0 14.1 14.2 14.3 Reviewer, Woodson, C. G (1941). [A nickel and a prayer, by J. E. Hunter], The Journal of Negro History, 26(1), 118–120.