ჯაიავიჯაია
ჯაიავიჯაია ან ორანჟის ქედი (ინდონ. Pegunungan Jayawijaya) — ქედი ინდონეზიაში, პაპუის პროვინციაში. წარმოადგენს მაოკეს ქედის აღმოსავლეთ ნაწილს. ჩრდილო-დასავლეთიდან სამხრეთ-აღმოსავლეთისაკენ გადაჭიმულია 370 კმ-ზე.[1] მაქსიმალური სიმაღლე 4760 მ (მთა პუნჩაკ-მანდალა). ქედის უმაღლესი წერტილი პუნჩაკ-მანდალა წარსულში ინარჩუნებდა მყინვარულ საფარს, თუმცა 2003 წელს მთაზე მყინვარი მთლიანად გადნა.[2] ჯაიავიჯაიის ქედზე სათავეს იღებენ მდინარეები დიგული, პულაუ და სხვა. გეოლოგიური თვალსაზრისით ქედი მიეკუთვნება ალპურ დანაოჭებას. აღსანიშნავია, რომ 1997 წელს აქაურ მთებში შენიშნეს ცხოველები, რომლებიც შეესაბამებოდნენ გადაშენებულ ძუძუმწოვარ თილაცინს.[3]
| ჯაიავიჯაია | |
|---|---|
 პუნჩაკ-მანდალა | |
| კოორდინატები: 4°21′ ს. გ. 139°25′ ა. გ. / 4.350° ს. გ. 139.417° ა. გ. | |
| ქვეყანა |  ინდონეზია
|
| უმაღლესი წერტილი | პუნჩაკ-მანდალა |
| სიმაღლე | 4760 მ |
| სიგრძე | 370 კმ |
  | |
სქოლიო
რედაქტირება- ↑ ჯაიავიჯაია — ენციკლოპედია ბრიტანიკა
- ↑ Puncak Mandala, Indonesia
- ↑ Walters, Patrick (1997): Irian Jayans spy 'Tassie Tiger'. დაარქივებულია ორიგინალიდან — 2016-03-03. ციტირების თარიღი: 2018-03-23.