ჭვინტა (ლათ. Carduelis cannabina სინონიმები Acanthis cannabina, Cannabina cannabina) — ფრინველი ბეღურასნაირთა რიგისა. გავრცელებულია ევროპაში, აზიის დიდ ნაწილში, ჩრდილო-დასავლეთ აფრიკაში, მწვანე კონცხის კუნძულებზე. საქართველოში გვხვდება თითქმის ყველგან როგორც მობუდარი ფრინველი. ცხოვრობს ტყეებისა და ჭალების ნაპირებზე, ბუჩქნარებში, სოფლის ეზოებში. ბუდეს იკეთებს ხეზე. იკვებება თესლით. ქვესახეობებიდან საქართველოში გვხვდება ჩვეულებრივი ჭვინტა (Carduelis cannabina cannabina) და თურქესტანული ჭვინტა (Carduelis cannabina, bella).
