ცხრაწყარო (ხარულის ქედი)
მთა საქართველოში, შიდა ქართლისა და მცხეთა-მთიანეთის მხარეების ადმინისტრაციულ საზღვარზე
ცხრაწყარო — მთა საქართველოში, შიდა ქართლის მხარის გორის მუნიციპალიტეტისა და მცხეთა-მთიანეთის მხარის ახალგორის მუნიციპალიტეტის ადმინისტრაციულ საზღვარზე. მდებარეობს ხარულის ქედზე, მდინარე ლეხურის სათავეში. სიმაღლე ზღვის დონიდან 2345 მ. აგებულია ცარცული ასაკის თიხაფიქლებით, ქვიშაქვებით და კირქვებით. სამხრეთ და დასავლეთ კალთები ციცაბოა, ჩრდილოეთ და აღმოსავლეთი შედარებით დამრეცი. ცხრაწყარო შემოსილია სუბალპური ბალახეულით.
| ცხრაწყარო | |
|---|---|
| კოორდინატები: 42°16′18″ ჩ. გ. 44°22′30″ ა. გ. / 42.27167° ჩ. გ. 44.37500° ა. გ. | |
| ქვეყანა |  საქართველო
|
| ტერიტორიული ერთეული | შიდა ქართლის მხარე მცხეთა-მთიანეთის მხარე |
| სიმაღლე | 2345 მ |
| ქედი | ხარულის ქედი |
| ამგებელი ქანები | თიხაფიქალი, ქვიშაქვა და კირქვა |
  | |
 | |
ლიტერატურა რედაქტირება
- უკლება დ., ქართული საბჭოთა ენციკლოპედია, ტ. 11, თბ., 1987. — გვ. 258-259.