ცვილის სურო

მცენარე ქენდირისებრთა ოჯახისა

ცვილის სურო (ლათ. Hoya carnosa) — ხვიარა მარადმწვანე ბუჩქი ქენდირისებრთა ოჯახისა. ზოგჯერ უწოდებენ ცვილის ხესაც (შდრ. ცვილის ხე).[1] აქვს ხორცოვანი და მბრწყინავი ფოთლები, ვარდისფერი და სურნელოვანი ყვავილები, რომლებიც ცვილისგან გაკეთებულს გავს (აქედან სახელწოდება) და შეკრებილია ქოლგებში.[2] იზრდება სამხრეთ-აღმოსავლეთ აზიისა და აღმოსავლეთ ავსტრალიის ტენიან სუბტროპიკულ ტყეებში.[1] როგორც ოთახის მცენარეს, ძველი დროიდან ზრდიან მეორე სახეობასთან — Hoya bella-სთან ერთად, რომელიც მიანმარის ტყეებში გვხვდება.[2]

ცვილის სურო
Hoya carnosa (1).jpg
ყვავილედი
მეცნიერული კლასიფიკაცია
სამეფო:  მცენარეები
კლასი:  ორლებნიანნი
რიგი:  ნაღველასნაირნი
ოჯახი:  ქენდირისებრნი
გვარი:  ჰოია
სახეობა:  ცვილის სურო
ლათინური სახელი
Hoya carnosa (L.f.) R.Br., 1810

სქოლიორედაქტირება

  1. 1.0 1.1 ცვილის სურო // ქართული საბჭოთა ენციკლოპედია, ტ. 11, თბ., 1987. — გვ. 208.
  2. 2.0 2.1 Восковое дерево // Большая советская энциклопедия. — 3-е изд., т. 5 — М., 1971.