შმიდტის რიცხვი

შმიდტის რიცხვი — ერთ-ერთი მსგავსების კრიტერიუმი სითხეების ან აირების მოძრაობისა, რომლებშიც არსებითია შიგა ხახუნისა და დიფუზიის პროცესები.

შმიდტის რიცხვი – პრანდტლის რიცხვის დიფუზიური ანალოგი – არის სითხის ან აირის $\nu$ კინემატიკური სიბლანტის კოეფიციენტის ფარდობა D დიფუზიის კოეფიციენტთან. $\mathrm {Sc} ={\frac {\nu }{D}}$ საიდანაც, $\mathrm {\nu } ={\frac {\eta }{\rho }}$ სადაც :

• η – სიბლანტის დინამიკური კოეფიციენტი;
• ρ – სიმკვრივე.

შმიდტის რიცხვი ახასიათებს მოლეკლულური პროცესებით მოძრაობის რაოდენობის გადატანის ფარდობით როლს. სრულყოფილ აირებში Sc=1, რადგან ν=D, რეალურ აირებში იგი შეიძლება განსხვავდებოდეს 1-გან. სახელწოდება მიიღო ავსტრიელი გეოფიზიკოს ვ. შმიდტის (1883–1936) პატივსაცემად. შმიდტის რიცხვს შირად უწოდებენ პრანდტლის დიფუზურ რიცხვს, რომელსაც $\mathrm {Pr} _{\mathrm {D} }$ აღნიშნავენ.

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 14.