შირბახტი

შირბახტი (ლათ. Sesamum) — ერთ და მრავალწლოვან ბალახოვან მცენარეთა გვარი შირბახტისებრთა ოჯახისა.

შირბახტი
მეცნიერული კლასიფიკაცია
სამეფო:  მცენარეები ოჯახი:  შირბახტისებრნი გვარი:  შირბახტი
ლათინური სახელი
Sesamun
სახეობები
იხ. ტექსტი
სისტემატიკა ვიკისახეობებში სურათები ვიკისაწყობში ITIS   34430 NCBI   4181 EOL   61194 IPNI   30077849-2

გვარში 35 სახეობაა. უმთავრესად გავრცელებულია ტროპიკულ და სუბტროპიკულ აფრიკაში. კულტურაშია ინდური შირბახტი, რომლის სიმაღლე 1-2 მეტრს აღწევს. აქვს დატოტვილი, სწორმდგომი ღერო, ლანცეტა ფოთოლი, დიდი ვარდისფერი, იისფერი ან თეთრი ყვავილი; ნაყოფი კოლოფია, 1000 თესლის მასა 2-5 გრამი.

შირბახტი სითბოს, სინათლისა და ტენის მოყვარულია. ვეგეტაციის პერიოდი 80-150 დღე გრძელდება. თესლი შეიცავს 50-65% ზეთს, რომელსაც იყენებენ უშუალოდ საკვებად, ასევე საკონდიტრო, საკონსერვო, მარგარინის მრეწველობაში, მედიცინაში და ტექნიკური მიზნებისათვის. კოპტონს იყენებენ საქონლის საკვებად.

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 7.