შავი
შავი — ფერი, რომელიც გამოწვეულია ხილული სინათლის არარსებობით ან სრული შთანთქმით. ეს არის აქრომატული ფერი, შეფერილობის გარეშე, როგორც თეთრი და ნაცრისფერი.[3] მას ხშირად სიმბოლურად ან ფიგურალურად იყენებენ სიბნელის წარმოსაჩენად.[4] თეთრი და შავი ხშირად გამოიყენებოდა ისეთი დაპირისპირების აღსაწერად, როგორიცაა სიკეთე და ბოროტება, ბნელი საუკუნეები განმანათლებლობის ხანის წინააღმდეგ და ღამე დღის წინააღმდეგ. შუა საუკუნეებიდან შავი იყო საზეიმო და ავტორიტეტის სიმბოლური ფერი და ამ მიზეზით მას ჯერ კიდევ ხშირად ატარებენ მოსამართლეები და მაგისტრატები.[4]
| შავი | |
|---|---|
 | |
| ფერის კოორდინატები | |
| Hex triplet | #000000 |
| sRGB¹ (r, g, b) | (0, 0, 0) |
| HSV (h, s, v) | (0°, 0%, 0%) |
| CIELChuv (L, C, h) | (0, 0, 0°) |
| წყარო | X11 |
| 1. ნორმალიზაცია [0–255]-თვის (ბაიტი) | |
| 2. ნორმალიზაცია [0–100]-თვის (ასი) | |
 სურათები ვიკისაწყობში | |
შავი იყო ერთ-ერთი პირველი ფერი, რომელსაც მხატვრები იყენებდნენ ნეოლითის გამოქვაბულის მხატვრობაში.[5] მას იყენებდნენ ძველ ეგვიპტეში და საბერძნეთში, როგორც ქვესკნელის ფერს.[6] რომის იმპერიაში იგი გლოვის ფერად იქცა და საუკუნეების განმავლობაში ხშირად ასოცირდებოდა სიკვდილთან, ბოროტებასთან, ჯადოქრებთან და მაგიასთან.[7] XIV საუკუნეში მას ატარებდნენ სამეფო ოჯახის წევრები, სასულიერო პირები, მოსამართლეები და ხელისუფლების წარმომადგენლები ევროპის უმეტეს ნაწილში. იგი გახდა ფერი, რომელსაც ატარებდნენ ინგლისელი რომანტიული პოეტები, ბიზნესმენები და სახელმწიფო მოღვაწეები XIX საუკუნეში, ხოლო მაღალი მოდის ფერი XX საუკუნეში.[4] ევროპასა და ჩრდილოეთ ამერიკაში ჩატარებული გამოკითხვების თანახმად, ეს არის ფერი, რომელიც ყველაზე ხშირად ასოცირდება გლოვასთან, დასასრულთან, საიდუმლოებთან, მაგიასთან, ძალასთან, ძალადობასთან, შიშთან, ბოროტებასთან და ელეგანტურობასთან.
შავი არის ყველაზე გავრცელებული მელნის ფერი, რომელიც გამოიყენება წიგნების, გაზეთების და დოკუმენტების დასაბეჭდად, რადგან ის უზრუნველყოფს უმაღლეს კონტრასტს თეთრ ქაღალდთან და, შესაბამისად, არის ყველაზე მარტივი წასაკითხი ფერი. ანალოგიურად, შავი ტექსტი თეთრ ეკრანზე არის ყველაზე გავრცელებული ფორმატი, რომელიც გამოიყენება კომპიუტერის ეკრანებზე.[8] ყველაზე ბნელი მასალა დამზადებულია MIT-ის ინჟინრების მიერ ვერტიკალურად გასწორებული ნახშირბადის ნანომილებიდან.[2]
იხილეთ აგრეთვე
რედაქტირებასქოლიო
რედაქტირება- ↑ Vantablack, the world's darkest material, is unveiled by UK firm (15 July 2014). ციტირების თარიღი: 19 July 2014
- ↑ 2.0 2.1 Jennifer, Chu (12 September 2019). „MIT engineers develop "blackest black" material to date“. MIT News Office. დაარქივებულია ორიგინალიდან — 4 August 2020. ციტირების თარიღი: 10 August 2020.
- ↑ Definition of achromatic. Free Dictionary. ციტირების თარიღი: 30 August 2015
- ↑ 4.0 4.1 4.2 Eva Heller, Psychologie de la couleur – effets et symboliques, pp. 105–26.
- ↑ St. Clair 2016, p. 262.
- ↑ Wilkinson, Richard H. (2003). The Complete Gods and Goddesses of Ancient Egypt. London: Thames & Hudson. ISBN 978-0-500-05120-7.
- ↑ St. Clair 2016, p. 261.
- ↑ Eva Heller, Psychologie de la couleur – effets et symboliques, p. 126.