ვიკიპედია

ქუვეითის კულტურა

ამ გვერდს არა აქვს შემოწმებული ვერსია, სავარაუდოდ მისი ხარისხი არ შეესაბამებოდა პროექტის სტანდარტებს.

ქუვეითის კულტურა — ქუვეითის მასობრივი კულტურა, რომელიც მოიცავ დიალექტურ პოეზიას, კინოს, თეატრს, რადიოსა და სატელევიზიო სერიალებს. ქუვეითის კულტურა ყვავის და ექსპორტირდება მეზობელ სახელმწიფოებშიც კი. [1] [2] სპარსეთის ყურის არაბულ სახელმწიფოებში ქუვეითის კულტურა ყველაზე ახლოსაა ბაჰრეინის კულტურასთან. [3]

ქუვეითის ოპერის თეატრი

ხელოვნება

რედაქტირება

ქუვეითს აქვს ყველაზე ძველი თანამედროვე ხელოვნების მოძრაობა არაბეთის ნახევარკუნძულზე. [4] [5] [6] 1936 წლიდან ქუვეითი იყო ყურის პირველი ქვეყანა, რომელსაც სტიპენდია მიენიჭა ხელოვნების დარგში. ქუვეითელი მხატვარი მოჯებ ალ-დუსარი იყო ყველაზე ადრე აღიარებული ვიზუალური მხატვარი ყურის რეგიონში. [7] იგი ითვლება პორტრეტული ხელოვნების ფუძემდებლად რეგიონში. [8] სულთნის გალერეა იყო პირველი პროფესიონალი არაბული სამხატვრო გალერეა ყურეში. [9] [10]

ქუვეითში 30-ზე მეტი სამხატვრო გალერეა არსებობს. [11] [12] ბოლო წლების განმავლობაში, ქუვეითში თანამედროვე ხელოვნების ბუმია. [13] [14] [15] ხალიფა ალ-კატანი იყო პირველი მხატვარი, რომელმაც სოლო გამოფენა მოაწყო ქუვეითში. მან 1960-იანი წლების დასაწყისში დააარსა ხელოვნების ახალი თეორია, რომელსაც „ცირკულიზმი“ უწოდეს. [16] ქუვეითის სხვა ცნობილ მხატვრებს შორისაა სამი მოჰამმადი, თუარია ალ-ბაქსამი და სუზან ბუშნაქი.

მთავრობა აწყობს სხვადასხვა სახის ხელოვნების ფესტივალებს, მათ შორის, ალ ქურაინის კულტურულ ფესტივალს და განვითარებადი ხელოვნების ფესტივალს. [17] [18] [19] ქუვეითის საერთაშორისო ბიენალე გაიხსნა 1967 წელს, [20] ბიენალეში 20-ზე მეტმა არაბულმა და უცხოურმა ქვეყანამ მიიღო მონაწილეობა. ცნობილი მონაწილე არის ლეილა ალ-ატარი. 2004 წელს გაიხსნა ალ ხარაფის სახელობის თანამედროვე არაბული ხელოვნების ბიენალე.

1958 წელს ჟურნალი ალ არაბი პირველად გამოიცა და იგი გახდა ყველაზე პოპულარული ჟურნალი არაბულ სამყაროში. [21] ისმაილ ფაჰდ ისმაილი იყო ერთ–ერთი პირველი ქუვეითელი მწერალი, რომელმაც წარმატებას მიაღწია არაბულ სამყაროში. ტალებ ალ-რეფაი, ლაილა ალ-ოსმანი, აჰ ალმაასი, ტაიბა ალ-იბრაჰიმი, ნაჯმა იდრესები და ფატიმაჰ იუსიფ ალ-ალი ასევე პიონერ მწერლებს შორის არიან.

მუსიკა

რედაქტირება
 
ტაბლაზე უკრავს უსტად მუნავარ ხანი, ქუვეითის მე -8 საერთაშორისო მუსიკალური ფესტივალი

ქუვეითი არის სხვადასხვა პოპულარული მუსიკალური ჟანრის, მაგალითად, სოუთის სამშობლო. [22] ქუვეითის მუსიკამ მნიშვნელოვანი გავლენა მოახდინა ყურის ქვეყნების მუსიკალურ კულტურაზე. [23] ქუვეითის ტრადიციული მუსიკა არის ქვეყნის მეზღვაურთა მემკვიდრეობის ანარეკლი, [24] რომელიც ცნობილია ისეთი ჟანრით, როგორიცაა ფიჯირი. [25] [26] [27] ქუვეითში პიონერი იყო თანამედროვე მუსიკა ხალიჯი. [28] [29] ქუვეითელები იყვნენ არტისტების პირველი კომერციული ჩამწერი ყურის რეგიონში. ქუვეითის პირველი ცნობილი ჩანაწერები გაკეთდა 1912-1915 წლებში. [30]

ლიტერატურა

რედაქტირება

ბოლო წლებში ქუვეითმა გამოაქვეყნა რამდენიმე გამოჩენილი თანამედროვე მწერლის ნაშრომი, მათ შორისაა ისმაილ ფაჰდ ისმაილი, ოცზე მეტი რომანის და მრავალი მოთხრობის კრებულის ავტორი. [31] ასევე არსებობს მტკიცებულებები, რომ ქუვეითის ლიტერატურა დიდი ხნის განმავლობაში ინტერაქტიული იყო ინგლისურ და ფრანგულ ლიტერატურებთან. [32]

სამზარეულო

რედაქტირება

საუკუნეების განმავლობაში ქუვეითის სამზარეულოს საყრდენი იყო ზღვის პროდუქტები.

დევანია

რედაქტირება

დევანია ქუვეითში უხსოვარი დროიდან არსებობს. ქუვეითის ძველ ქალაქში ეს იყო მისაღები ადგილი, სადაც მამაკაცმა შეიძლება მიიღოს თავისი ბიზნესკოლეგები და მამაკაცი სტუმრები. დღეს ეს ტერმინი აღნიშნავს როგორც მისაღებ დარბაზს, ასევე მასში ჩატარებულ შეკრებას, ხოლო დევანიას მონახულება ან მასპინძლობა ქუვეითელი კაცის სოციალური ცხოვრების განუყოფელი ნაწილია. დევანია ქუვეითის ცხოვრების ფუნდამენტური ნაწილი გახდა. ამრიგად, ეს მათი ყოველდღიური ცხოვრების დამახასიათებელ ნიშნად იქცა.

სპორტი

რედაქტირება

ფეხბურთი სპორტის ყველაზე პოპულარული სახეობააა ქუვეითში. ქუვეითის ფეხბურთის ასოციაცია (KFA) არის ფეხბურთის მმართველი ორგანო ქუვეითში. ქუვეითის ფეხბურთის ასოციაცია აწყობს მამაკაცთა, ქალთა და ფუტსალის ნაკრებთა შეჯიბრებს. ქუვეითის პრემიერ ლიგა არის ქუვეითის ფეხბურთის უმაღლესი ლიგა, რომელშიც მონაწილეობს თხუთმეტი გუნდი. ყველაზე დიდი საფეხბურთო დაპირისპირება ქუვეითში არის ალ-არაბსა და ალ კადსიას შორის .

კალათბურთი ქვეყნის ერთ-ერთი ყველაზე პოპულარული სპორტია. [33] ქუვეითის კალათბურთის ეროვნულ გუნდს მართავს ქუვეითის კალათბურთის ასოციაცია (KBA). ქუვეითის საერთაშორისო დებიუტი შედგა 1959 წელს. სპორტის სხვა მზარდი სახეობაა რაგბის კავშირი .

სქოლიო

რედაქტირება
  1. ↑ Clive Holes. Modern Arabic: Structures, Functions, and Varieties. 
  2. ↑ Ali Alawi. Ali's roadtrip from Bahrain to Kuwait (PHOTOS). დაარქივებულია ორიგინალიდან — 2016-04-17. ციტატა: „The trip to Kuwait – a country that has built a deep connection with people in the Arabian Gulf thanks to its significant drama productions in theater, television, and even music – started with 25 kilometers of spectacular sea view“ ციტირების თარიღი: 2020-11-06.
  3. ↑ The Sustainable City VIII (2 Volume Set): Urban Regeneration and Sustainability. 
  4. ↑ Grove Encyclopedia of Islamic Art & Architecture: Three-Volume Set. Oxford University Press.
  5. ↑ Colors of Enchantment: Theater, Dance, Music, and the Visual Arts of the Middle East. American University in Cairo Press.
  6. ↑ Bjørn T. Asheim. An Innovation driven Economic Diversification Strategy for Kuwait გვ. 49–50. Kuwait Foundation for the Advancement of Sciences. დაარქივებულია ორიგინალიდან — 2017-07-10. ციტირების თარიღი: 2020-11-06.
  7. ↑ Al Qassemi. „Correcting misconceptions of the Gulf's modern art movement“.
  8. ↑ Kuwait. დაარქივებულია ორიგინალიდან — 2014-11-29. ციტირების თარიღი: 2020-11-06.
  9. ↑ Kristine Khouri. Mapping Arab Art through the Sultan Gallery. ArteEast.
  10. ↑ The Sultan Gallery – Kristine Khouri.
  11. ↑ Culture of Kuwait. Kuwait Embassy in Austria. დაარქივებულია ორიგინალიდან — 2016-10-25. ციტირების თარიღი: 2020-11-06.
  12. ↑ Art Galleries and Art Museums in Kuwait. Art Kuwait. დაარქივებულია ორიგინალიდან — 2019-04-13. ციტირების თარიღი: 2020-11-06.
  13. ↑ Egyptian Artist Fatma, talks about the gateway to human faces and equality for all. Reconnecting Arts. დაარქივებულია ორიგინალიდან — 2017-02-03. ციტირების თარიღი: 2020-11-06.
  14. ↑ Kuwaiti Artist Rua AlShaheen tells us about recycling existing elements to tell a new narrative. Reconnecting Arts. დაარქივებულია ორიგინალიდან — 2017-04-04. ციტირების თარიღი: 2020-11-06.
  15. ↑ Farah Behbehani & the Story of the letter Haa '. Al Ostoura Magazine. დაარქივებულია ორიგინალიდან — 2017-08-22. ციტირების თარიღი: 2020-11-06.
  16. ↑ Khalifa Qattan, Founder of Circulism.
  17. ↑ Interview with Ali Al-Youha - Secretary General of Kuwait National Council for Culture, Arts and Letters (NCCAL). oxgaps.org. დაარქივებულია ორიგინალიდან — 2017-08-03. ციტირების თარიღი: 2020-11-06.
  18. ↑ Kuwait celebrates formative arts festival. Kuwait News Agency (KUNA).
  19. ↑ KAA honors winners of His Highness Amir formative arts award. Kuwait News Agency (KUNA).
  20. ↑ 12th Kuwait International Biennial. დაარქივებულია ორიგინალიდან — 2017-03-31. ციტირების თარიღი: 2020-11-06.
  21. ↑ Sajjad, Valiya S. „Kuwait Literary Scene A Little Complex“. დაარქივებულია ორიგინალიდან — 29 November 2014. ციტატა: „A magazine, Al Arabi, was published in 1958 in Kuwait. It was the most popular magazine in the Arab world. It came out it in all the Arabic countries, and about a quarter million copies were published every month.“
  22. ↑ Rolf Killius. The Cradle of Arabic Sawt Music: The Early Musician Generations in Kuwait. Qatar Digital Library.
  23. ↑ Opportunity report for Dutch businesses in Gulf region – Creative Industries.
  24. ↑ Kuwait's musical heritage: The heartbeat of a nation. დაარქივებულია ორიგინალიდან — 2018-12-07. ციტირების თარიღი: 2020-11-06.
  25. ↑ Sophie Chamas. Ya Bahr. Brownbook. დაარქივებულია ორიგინალიდან — 2017-10-10. ციტირების თარიღი: 2020-11-06.
  26. ↑ The Innerworkings of Kuwaiti Pearl Diving: Ghazi AlMulaifi.
  27. ↑ Rolf Killius. Hidden Treasures: Reflections on Traditional Music in Kuwait. Qatar Digital Library.
  28. ↑ Mustafa Said. History of Recording in the Gulf area, Part 1.
  29. ↑ Mustafa Said. History of Recording in the Gulf area, Part 2.
  30. ↑ A Gulfie record collector writes.
  31. ↑ Kuwait Literature. Fanack Chronicle. დაარქივებულია ორიგინალიდან — 2015-05-18. ციტირების თარიღი: 2020-11-06.
  32. ↑ Kuwaiti literature interacts with foreign literatures -- study. KUNA.
  33. ↑ Kuwait Sports at Amazing Kuwait Facts. Retrieved 5 March 2016
მოძიებულია „https://ka.wikipedia.org/wiki/ქუვეითის_კულტურა“-დან