ქვემო რაინის დაბლობი

ქვემო რაინის დაბლობი — შუა ევროპის ვაკის სამხრეთ-დასავლეთ ნაწილი, მდინარე რაინის აუზის ქვემოთში, გერმანიაში. სამხრეთით იჭრება რაინის ფიქლოვანი მთების მთისწინეტში, ჩრდილოეთით თანდათანობით გადადის გერმანიის ჩრდილოეთ ნაწილის ძველ მყინვარულ ვაკეებში. უკავია რაინის და მისი შენაკადების ფხვიერი ნალექებით ამოვსებული ტექტონური ქვაბული. ზედაპირი ბრტყელია. სიმაღლე 50-180 მ. არის სასოფლო-სამეურნეო ნათესები. ქვემო რაინის დაბლობზეა დიდი ქალაქები კელნი, ბონი, დიუსელდორფი.

ლიტერატურა

• ქართული საბჭოთა ენციკლოპედია, ტ. 10, თბ., 1986. — გვ. 515.