ქალთა მსოფლიო ჩემპიონატი ჭადრაკში 2008

V ტურნირი ნოკაუტ-სისტემით.

28 აგვისტო - 17 სექტემბერი 2008 ნალჩიკი

მეხუთე ტურნირი ნალჩიკში ჩატარდა. ტურნირს წინ უძღოდა საქართველოში მომხდარი აგვისტოს მოვლენები. ამიტომ საქართველოს ჭადრაკის ფედერაციამ ფიდეს თხოვნით მიმართა გადაეტანა ჩემპიონატი რომელიმე სხვა ქვეყანაში. ფიდემ ეს თხოვნა უყურადღებოდ დატოვა და ქართველმა მოჭადრაკეებმა ჩემპიონატს ბოიკოტი გამოუცხადეს. მათ მხარი ზოგიერთი სხვა ქვეყნის მოჭადრაკემაც დაუჭირა. საბოლოოდ ნალჩიკში 64 მოჭადრაკის ნაცვლად 55 მოჭადრაკე ჩავიდა.

გამარჯვების ძირითად პრეტენდენტებად რუსი და ჩინელი მოჭადრაკეები ითვლებოდნენ. მათთვის კონკურენციის გაწევა შვედ პია კრამლინგს, ბულგარელ ანტუანეტა სტეფანოვას და ინდოელ ჰუმრუ კონერუს შეეძლოთ. საბოლოოდ ასეც მოხდა. მეოთხედფინალში ორ ჩინელ მოჭადრაკესთან ერთდ ა. კოსტენიუკი, ჰ. კონერუ, ა. სტეფანოვა, პ. კრამლინგი ლ. მკრტიჩიანი და ა. უშენინა გავიდნენ.

ნახევარფინალებშიც ფავორიტები მოხვდნენ, ხოლო ფინალში კოსტენიუკმა ერთი ქულის უპირატესობით შეძლო ჩინელთა ამომავალი ვარსკვლავის ხოუ იფანის დამარცხება.

ქართველთაგან თამაშობდა გერმანიის სახელით მოასპარეზე ქეთევან კახიანი, რომელმაც პირველივე წრეში წააგო შენ იანთან 0,5-1,5.

ტექნიკური შედეგები (მეოთხედფინალიდან)

მეოთხედფინალი

ა	მოჭადრაკე	ქვეყანა	მოჭადრაკე	ქვეყანა	ანგარიში
1	ჰამპი კონერუ	ინდოეთი	შენ იანი	ჩინეთი	2 - 0
2	ხოუ იფანი	ჩინეთი	ლილიტ მკრტიჩიანი	სომხეთი	1,5 - 0,5
3	ალექსანდრა კოსტენიუკი	რუსეთი	ანა უშენინა	უკრაინა	2 - 0
4	პია კრამლინგი	შვედეთი	ანტუანეტა სტეფანოვა	ბულგარეთი	1,5 - 0,5

ნახევარფინალი

ა	მოჭადრაკე	ქვეყანა	მოჭადრაკე	ქვეყანა	ანგარიში
1	ხოუ იფანი	ჩინეთი	ჰამპი კონერუ	ინდოეთი	4 - 3
2	ალექსანდრა კოსტენიუკი	რუსეთი	პია კრამლინგი	შვედეთი	1,5 - 0,5

ფინალი

ა	მოჭადრაკე	ქვეყანა	მოჭადრაკე	ქვეყანა	ანგარიში
1	ალექსანდრა კოსტენიუკი	რუსეთი	ხოუ იფანი	ჩინეთი	2,5 - 1,5