ფორსაჟი 3: ტოკიო დრიფტი

ფორსაჟი 3: ტოკიო დრიფტი (ინგლ. The Fast and the Furious: Tokyo Drift) — 2006 წლის მძაფრ-სიუჟეტიანი ფილმი, რომლის რეჟისორია ჯასტინ ლინი, ხოლი სცენარის ავტორი კრის კორგანი. ეს არის ფორსაჟისფრანჩაიზის მესამე ნაწილი, სადაც მთავარ როლებს ასრულებენ ლუკას ბლეკი, სუნგ კანგი, ბოუ ვაუ და ბრაიან ტი. ფორსაჟი 3:ტოკიო დრიფტი-ის მთავარი პერსონაჟი საშუალო სკოლის მოსწავლე მანქანებზე შეყვარებული შონ ბოსველია (ბლეკი), რომელიც მამასთან ერთად გაგზავნეს ტოკიოში საცხოვრებლად.

„ფორსაჟი 3: ტოკიო დრიფტი“
ინგლ. The Fast and the Furious: Tokyo Drift
ჟანრი მძაფრს-სიუჟეტიანი
რეჟისორი ჯასტინ ლინი
პროდიუსერი ნილ მორიცი
როლებში
  • ლუკას ბლეკი
  • ბოუ ვაუ
კომპოზიტორი ბრაიან ტაილერი
მწარმოებელი კომპანია

Universal Pictures

Relativity Media
დისტრიბუტორი Universal Pictures
გამოსვლის თარიღი 16 ივნისი, 2006 წელი
ხანგრძლივობა 104 წუთი
ქვეყანა

გერმანიის დროშა გერმანია

აშშ-ის დროშა ამერიკის შეერთებული შტატები
ენა ინგლისური
ბიუჯეტი 85 მილიონი აშშ დოლარი
შემოსავალი 159 მილიონი აშშ დოლარი

ლინი დირექტორად აიყვანეს ხვალ იქნება იღბალი-ში (2002) მუშაობის გამო.[1] ფილმში ძველი მსახიობების ნაცვლად ახალი მსახიობები მონაწილეობენ. [2] მოგვიანებით, ფრენჩაიზის ქრონოლოგიურობა შეიცვალა, პირველი ნაწილი გახდა ფორსაჟი 7 (2015), შემდეგ ორმაგი ფორსაჟი (2003) და ტოკიო დრიფტი.

ფილმი პირველია ფრანჩაიზიდან, სადაც მონაწილეობა მიიღო ლინმა და მორგანმა, ასევე კომპოზიტორმა ბრაიან ტაილერმა; ლინი რეჟისორი იყო ფილმის მომდევნო სამ ნაწილშიც, ხოლო მორგანმა დაწერა მომდევნო სამი ფილმის სცენარი. ტაილერი კომპოზიტორი იყო მომდევნო 4 ნაწილშიც. კასტინგი დაიწყო 2005 წლის აპრილში, ხოლო ძირითადი გადაღებები დაიწყო ლოს-ანჯელესში 2005 წლის აგვისტოში, ფილმის უმეტესობა გადაღებულია ტოკიოში.

ფორსაჟი 3: ტოკიო დრიფტი გამოვიდა აშშ-ში 2006 წლის 16 ივნისს. ფილმმა არაერთგვაროვანი შეფასება დაიმსახურა და 159 მილიონი აშშ დოლარი გამოიმუშავა მთელი მსოფლიოს მასშტაბით, რაც ფრენჩაიზის ფილმებიდან ყველაზე დაბალი მაჩვენებელია.

სამსახიობო ჯგუფი რედაქტირება

  • ლუკას ბლეკი, როგორც შონ ბოსველი, ახალგაზრდა მამაკაცი, რომელიც დაინტერესებულია ქუჩის რბოლებით.
  • სუნგ კანგი, როგორც ჰან ლუე, DK– ის ბიზნეს პარტნიორი და დომინიკ თორეტოს ძველი მეგობარი. ის მეგობრობს შონთან და ასწავლის დრიფტის წესს.
  • ბოუ ვოუ როგორც ტვინკი, შონის პირველი მეგობარი, რომელსაც ის ხვდება ტოკიოში და ყიდის სხვადასხვა სამომხმარებლო საქონელს.
  • ბრაიან ტი, როგორც ტაკაში, შონის მტერი, რომელიც აღიარებულია როგორც საუკეთესო დრიფტის მრბოლელი, მას ჰქონდა ტიტული „დრიფტის მეფე" ან უბრალოდ „DK" .
  • ნატალი კელი ნეელას როლში, ტაკაშის შეყვარებული.
  • სონი ჩიბა, როგორც კამატა, თაკაშის ბიძა, რომელიც იაკუზას ხელმძღვანელია.
  • ლეონარდო ნამი, როგორც მორიმოტო, ტაკაშის ახლო მეგობარი და მარჯვენა კაცი.
  • ბრაიან გუდმანი, მაიორ ბოსველი, შონის მამა.
  • ზაკერი ტაი ბრაიანი, როგორც კლეი.
  • ლინდა ბოიდი, როგორც ქალბატონი ბოსველი, შონის დედა, რომელიც შონს აგზავნის ტოკიოში, იაპონიაში, მამასთან ერთად საცხოვრებლად.
  • ჯეისონ ტობინი, ერლ ჰუ, ჰანის ერთ-ერთი მეგობარი.
  • კეიკო კიტაგავა, როგორც რეიკო, ერლის მეგობარი.
  • ნიკი გრიფინი, სინდი, კლეის მეგობარი გოგონა.
  • ვინ დიზელი, როგორც დომინიკ ტორეტო

წარმოება რედაქტირება

განვითარება რედაქტირება

მწერალი კრის მორგანი ფრანჩაიზის თაყვანისმცემელი იყო და მესამე ფილმისთვის პროდიუსერება ძალიან სურდა.

ნილ მორიცმა, რომელმაც ფრანჩაიზის ორ წინა ნაწილში პროდიუსერად მიიღო მონაწილეობა, ფილმზე მუშაობა 2005 წელს დაიწყო. 2005 წლის 8 ივნისს მორიცმა დაიქირავა ჯასტინ ლინი, ფორსაჟი 3: ტოკიო დრიფტი-ში რეჟისორად. პროდიუსერებმა მას საშუალება მისცეს შეემუშავებინა ფილმის სცენარი ისე როგორც სურდა, თუმცა ეს მუდმივი გამოწვევა იყო და ის ყოველთვის ებრძოდა სტუდიას, რომ ფილმი უკეთესი ყოფილიყო.[3]

ფორსაჟი 3: ტოკიო დრიფტი-ში მონაწილეობის მიღებას ვინ დიზელი დათანხმდა. ის ამ პერიოდში Universal-თან თანამშრომლობდა ფილმების სერია რიდიკი-სთვის.[2]

ფილმის გამოსვლა რედაქტირება

შემოსავალი რედაქტირება

ტოკიო დრიფტი-ის გამოსვლისას მან შაბათ-კვირას 23 მილიონი აშშ დოლარი გამოიმუშავა და ჩარტებში მესამე ადგილი დაიკავა მანქანები-ისა (33,7 მილიონი დოლარი) და თავისუფლებისთვის მებრძოლი-ის (28,3 მილიონი დოლარი) შემდეგ.[4] ამერიკის შეერთებულ შტატებში ფილმის შემოსავალმა 62 514 415 აშშ დოლარი შეადგინა, საერთაშორისო მასშტაბით კი 96 450 195 აშშ დოლარი, რამაც საერთო ჯამში 158 964 610 აშშ დოლარია.

კრიტიკოსთა გამოხმაურება რედაქტირება

ფორსაჟი 3: ტოკიო დრიფტი-მ Rotten Tomatoes– ზე 37% –იანი მოწონება დაიმსახურა 137 კრიტიკოსის შეფასების საფუძველზე; საიტზე ფილმის საშუალო რეიტინგია 4,91 / 10.[5] Metacritic– ზე, რომელიც ფილმს 100 ბალიანი მასშტაბით აფასებს 46 ქულა მოიპოვა 31 კრიტიკოსის მიმოხილვების საფუძველზე, რაც „საშუალო შეფასებას" ნიშნავს.[6] CinemaScore-ზე მაყურებელმა ფილმს A- შეფასება მისცა.[7]

რობ კოენი, რომელმაც სერიალის პირველი ფილმი გადაიღო, ტოკიო დრიფტი ძალიან კრიტიკულად შეაფასა, მან აღნიშნა: „თუკი ტოკიო დრიფტს უყურებდი, იტყოდი: აღარ მსურს ფორსაჟი-სთან დაკავშირებული რაიმეს ნახვა."[8] [9]

რესურსები ინტერნეტში რედაქტირება

სქოლიო რედაქტირება

  1. "The Fast and the Furious: Tokyo Drift". Writing studio. April 21, 2008. Archived from the original on October 29, 2007. Retrieved February 9, 2013.
  2. 2.0 2.1 Vin Diesel's Shrewd Move: Trading 'Fast & Furious' Cameo to Own 'Riddick' Rights. The Hollywood Reporter (September 4, 2013). ციტირების თარიღი: September 24, 2013
  3. ASIAN POP / Switching Gears.
  4. Domestic 2006 Weekend 24: June 16-18, 2006. Box Office Mojo
  5. The Fast and the Furious: Tokyo Drift reviews.
  6. The Fast and the Furious: Tokyo Drift reviews. დაარქივებულია ორიგინალიდან — 2009-04-08. ციტირების თარიღი: 2020-12-18.
  7. FAST AND THE FURIOUS: TOKYO DRIFT, THE (2006) A-. დაარქივებულია ორიგინალიდან — 2018-12-20. ციტირების თარიღი: 2020-12-18.
  8. Kevin Jagernauth. (October 8, 2012) Rob Cohen Hated The First Two 'Fast & Furious' Sequels Because They Were Just Done For The Money. IndieWire.[მკვდარი ბმული]
  9. Matt Joseph. (October 7, 2012) Rob Cohen Offers xXx Update, Wants To Direct Fast And Furious Again. We Got This Covered.