ფიტრის ტბა
ფიტრის ტბა (ფრანგ. Lac Fitri) — ცენტრალურ აფრიკაში, ჩადის ტერიტორიაზე, დედაქალაქ ნჯამენიდან 278 კმ-ით აღმოსავლეთით მდებარე გაუდინარი რელიქტური ტბა. ჩვეულებრივ ტბას აქვს დაახლოებით 50 000 ჰა ფართობი, მაგრამ წვიმიან სეზონებში იგი შეიძლება გასამმაგდეს. ამ მტკნარწყლიანი ტბის სიღრმე მცირეა, იგი იკვებება სეზონური ნალექების და საკუთარი აუზის მდინარეული ჩამონადენის ხარჯზე, რომლის ფართობი დაახლოებით 70 000 კმ²-ია. წვიმებიან სეზონზე ტბა ასევე იკვებება მდინარე ბათის ჩამონადენით, რომელსაც თავისი წყალი მოაქვს უადაის პლატოს მასივიდან აღმოსავლეთისკენ.
ფიტრის ტბა | |
---|---|
ფრანგ. Lac Fitri | |
კოორდინატები: 12°48′33″ ჩ. გ. 17°30′09″ ა. გ. / 12.80917° ჩ. გ. 17.50250° ა. გ. | |
მდებარეობა | ჩადი |
სიმაღლე ზღვის დონიდან | 285 მ |
ფართობი | 500 კმ² |
აუზის ფართობი | 70 000 კმ² |
ჩამდინარე მდინარეები | ბათა |
ძველად ფიტრის ტბის ფართობი, ისევე როგორც ქვეყნის მეორე უდიდესი ჩადის ტბის ფართობი, იყო გაცილებით დიდი, ვიდრე დღეს. რამსარის კონვენციის თანახმად, ტბა ვეთლენდის მხრივ მიჩნეულია საერთაშორისო მნიშვნელობის მქონედ. საკმაოდ ძლიერი გვალვების დროს ტბა შესაძლებელია დაშრეს, როგორც ეს მოხდა XX საუკუნის დასაწყისში და კიდევ 1984–1985 წლებში.
რესურსები ინტერნეტში რედაქტირება
- http://www.uibk.ac.at/downloads/oegg/Band_51_19_65.pdf დაარქივებული 2016-05-20 საიტზე Wayback Machine.