ფილტვიანები

ფილტვიანები (ლათ. Pulmonata) — რბილტანიანი ცხოველები მუცელფეხიანების ქვეკლასისა. უმეტესობა ბინადრობს ხმელეთზე, მცირე რაოდენობა — მტკნარ წყალსა და ზღვებში. საქართველოში გვხვდება 30-მდე მტკნარი წყლის და 225-ზე მეტი ხმელეთის სახეობა. უკანასკნელთა უმეტესობა ტენის მოყვარულია, ამიტომ ხმელეთის ფილტვიანები განსაკუთრებით მრავლადაა დასავლეთ საქართველოს შავიზღვისპირეთში. ფილტვიანების ქვეკლასი წარმოდგენილია ორი რიგით: მჯდომთვალიანები (Basommatophora) და ღეროთვალიანები (Stylommatophora). საქართველოს ფილტვიანების მრავალი სახეობა მავნებელია — მსხვილ რქოსანი და წვრილი რქოსანი საქონლის პარაზიტული ჭიების შუალედური მასპინძლებია, ზოგი — სასოფლო-სამეურნეო კულტურების მავნებელია, ზოგი კი საკვებად გამოიყენება.

ფილტვიანები
მეცნიერული კლასიფიკაცია
სამეფო:  ცხოველები ტიპი:  მოლუსკები კლასი:  მუცელფეხიანები
ლათინური სახელი
Pulmonata
სისტემატიკა ვიკისახეობებში სურათები ვიკისაწყობში NCBI   6519 EOL   53393503 FW   62009

ლიტერატურა

• ლეჟავა გ., ქართული საბჭოთა ენციკლოპედია, ტ. 10, თბ., 1986. — გვ. 315.