ფაშიზმი (იტალ. fascismo) — პოლიტიკური მიმდინარეობა. წარმოიშვა იტალიაში. ფაშიზმის ფუძემდებელი იყო ბენიტო მუსოლინი. მოგვიანებით მისმა იდეებმა პოპულარობა ჰპოვა მთელ მსოფლიოში, მაგრამ მეორე მსოფლიო ომის შემდეგ ბევრ სახელმწიფოში ფაშისტური რეჟიმი დემოკრატიული მმართველობით შეიცვალა.

იტალიელი ფაშისტების დროშა
ბრაზილიელი ინტეგრალისტების დროშა

ფაშისტური სახელმწიფოს ქვაკუთხედებია მკაცრი იერარქიული წყობა, კლასობრივი სოლიდარიზმი (მარქსისტული კლასობრივი ბრძოლის თეორიის საპირწონედ), ტოტალიტარული ერთპარტიული მმართველობა, ნაციონალისტური საშინაო და იმპერიალისტური საგარეო პოლიტიკა (იხ. დიდი იტალია). ფაშისტური იდეოლოგია განსაკუთრებით პოპულარული გახდა მე-20 საუკუნის დასაწყისში, როგორც რევოლუციური მოძრაობა და მემარცხენე იდეოლოგიების საპირწონე პოლიტიკური ძალა.

დღეს ფაშისტური მოძრაობები არსებობს ბევრ ქვეყანაში, თუმცა საზოგადოებაში ისინი ნაკლებად პოპულარულია. არსებობს მოსაზრება, რომ ლიბერალური დემოკრატიის გლობალური მასშტაბით გაკოტრების შემთხვევაში ფაშიზმის იდეები ახალ გამოძახილს ჰპოვებენ თანამედროვე სამყაროში.

რესურსები ინტერნეტშირედაქტირება