უორენ ბაფეტი
უორენ ედვარდ ბაფეტი (ინგლ. Warren Buffett; დ. 30 აგვისტო, 1930) — ამერიკელი ინვესტორი, ბიზნესმენი და ქველმოქმედი. არის ერთ-ერთი ყველაზე წარმატებული ინვესტორი მსოფლიოში, უდიდესი აქციების მფლობელი და Berkshire Hathaway-ის თავმჯდომარე.
| უორენ ბაფეტი | |
|---|---|
 უორენ ბაფეტი | |
| დაბადების სახელი | უორენ ედვარდ ბაფეტი |
| დაბადების თარიღი |
30 აგვისტო, 1930 ომაჰა, აშშ |
| ეროვნება | ამერიკელი |
| პროფესია |
ინვესტორი ბიზნესმენი ქველმოქმედი |
| რელიგია | აგნოსტიკოსი |
ბაფეტი არის ცნობილი მეტსახელით „ომაჰას ორაკული“ ან „ომაჰას უხუცესი“. ბაფეტი ასევე ცნობილია, როგორც უდიდესი ქველმოქმედი. მან თავისი ქონების 85% გადასცა ბილ და მელინდა გეიტსების ფონდს 2006 წელს, რომელიც შერაცხეს ამერიკის ისტორიის უდიდეს ქველოქმედებად. დღესდღეობით უორენ ბაფეტი მიხედვით მსოფლიოში მეოთხე უმდიდრესი ადამიანია. ბაფეტის ქონება 2020 წლის მონაცემებით 70.5($) მილიარდი დოლარია.
ადრეული წლები
რედაქტირებაბაფეტი დაიბადა 1930 წელს ომაჰაში, ნებრასკა. ის იყო მეორე, ლეილა და ჰოვარდ ბაფეტების სამი შვილიდან და იყო ერთადერთი ვაჟი.
ბაფეტმა სწავლა დაიწყო ომაჰას როუზ ჰილის სკოლაში. 1942 წელს უორენის მამა არჩეულ იქნა კონგრესის წევრად და მთელი ოჯახი სასწავლებლად გადავიდა ვაშინგტონში, სადაც მან დაამთავრა ვუდრო უილსონის უმაღლესი სკოლა. ბაფეტმა დაამთავრა ნებრასკა-ლინკოლნის უნივერსიტეტი 1950 წელს ეკონომისტის საბაკალავრო ხარისხით.
მან ბავშვობიდან გამოავლინა ინტერესი ფულის შოვნასა და დაგროვების მიმართ. პატარა უორენი კარდაკარ დადიოდა და ყიდდა საღეჭ რეზინებს, კოკა-კოლასა და ყოველკვირეულ ჟურნალებს, ამავე დროს ის მუშაობდა საკუთარი ბაბუის საბაყლოში. ჯერ კიდევ სკოლაში სწავლის პერიოდში მან განახორციელა რამდენიმე მომგებიანი იდეა: გაზეთების მიწოდება, გოლფის ბურთებისა და მარკების გაყიდვა.
პატარა უორენმა ბირჟის ცხოვრება რომ იხილა, თამაში მოინდომა. მან ჩიტუეს Servise Prefeeered-ის სამი აქცია, თითო 38 დოლარად იყიდა, დაელოდა, სანამ მათი ფასი 40 დოლარამდე გაიზრდებოდა და გაყიდა. ასე მიიღო მან 6 დოლარის ოდენობის მოგება და პირველი გაკვეთილი. ბიჭს გული საშინლად დასწყდა, როცა ერთი კვირის შემდეგ ამ აქციათა ფასი 200 დოლარამდე გაიზარდა. ამის შემდეგ ბაფეტმა გადაწყვიტა ფული მხოლოდ გრძელვადიან პროექტებში ჩაედო.
უმაღლესი განათლების მიღების შემდეგ მან კოლუმბიის უნივერსიტეტს მიაშურა, რომ თავისი კერპის ბენჯამინ გრემის ხელმძღვანელობით ემუშავა. მან სურვილი აისრულა და ბრძენი გურუსაგან ბევრი რამ ისწავლა. ამ ცოდნასთან ერთად, ადრე მიღებულმა პრაქტიკულმა გამოცდილებამ, განათლებამ და ბუნებრივმა ტალანტმა ჩამოაყალიბა საიმედო, წარმატებული და ძლიერი ბიზნესმენის ქარიზმატული ტიპი, რომელიც წარმატებით ახორციელებს საქმიანობას.
კარიერა
რედაქტირება1951-54 წლებში იყო კომპანია Buffett-Falk-ის ინვესტიციების გამყიდველი, 1954-1956 წლებში Graham-Newman კორპორაციის უსაფრთხოების ანალიტიკოსი, 1957-1969 წლებში შპს. Buffett Partnership-ის უმთავრესი პარტნიორი, 1970 წლიდან დღემდე კი ბაფეტი არის Berkshire Hathaway-ის თავმჯდომარე.
1957 წელს ბაფეტმა მშობლიურ ომაჰაში პირველი საინვესტიო ამხანაგობა ჩამოაყალიბა. 1962 წელს მისი ყურადღება სართავმა ქარხანა Berkshire Hafrtway-მ მიიქცია, რომელიც საცოდავ დღეში იყო, როგორც საერთოდ იმ პერიოდის ამერიკის ტრიკოტაჟული მრეწველობა. ინვესტორი გუმანმა არ მოატყუა, გათვლამ გაუმართლა და ეს წარმოება მომავალი ფინანსური იმპერიის საფუძვლად იქცა.
1967 წელს აშშ-ში მიიღეს ახალი კანონი სოციალური დახმარების შესახებ, რომლის მიხედვითაც სადაზღვევო კომპანიებს დიდძალი შეღავათები ეძლეოდათ, რაც ინვესტორისათვის ნამდვილი ოქროს საბადო იყო. დაგროვებული შენატანების რაოდენობა საწესდებო კაპიტალს ბევრად აჭარბებდა. ბაფეტის ამ საქმიანობის შემოსავლიანობა სწრაფად გაიაზრა და 70-იან წლებში რამდენიმე მსხვილი სადაზღვევო კომპანია შეიძინა, რომელთა საშუალებით თავისი ქონება 28 მილიარდ დოლარამდე გაზარდა და ჟურნალ „ფორტუნას“ გამოთქმით, „ღმერთზე მდიდარი გახდა“.
ბაფეტმა ჩამოაყალიბა ერთი შეხედვით მარტივი, მაგრამ საოცრად ბრძნული ინვესტირების თეზისები. „ომაჰელი ორაკული“, როგორც მას პრესა უწოდებს, აცხადებს, რომ ფული უნდა ჩაიდოს: მარტივ და გასაგებ საქმეში (მაგალითად, კვების პროდუქტების წარმოება და საბანკო საქმე), საიმედო, პერსპექტიულ კომპანიებში („ჟილეტი“, „კოკა კოლა“), საერთაშორისო ქსელის მქონე, ზრდის გარანტირებული პერსპექტივის მქონე ფირმებში („მაკდონალდსი“, „კოკა კოლა“), ძლიერი გუნდის მქონე, თავის სექტორზე მყარად ფეხმოკიდებულ კომპანიებში („უოლტ დისნეი“).
შენაძენები
რედაქტირება1973 წელს „ბერქშირ ჰეთევეიმ“ დაიწყო გაზეთ „ვაშინგტონ პოსტის“ აქციების შეძენა. ბაფეტი გახდა კომპანიის მფლობელის კეტრინ გრეჰემის ახლო მეგობარი და მალე ის გახდა ამ კომპანიის დირექტორთა საბჭოს წევრი.
1977 წელს ბერქშირმა შეიძინა Buffalo Evening News 32 მილიონ დოლარად.
1979 წელს ბერქშირმა დაიწყო ABC-ის აქციების შეძენა. მან ამავე დროს შეიძინა კომპანია Capital City და შექმნა Capital Cities/ABC
1988 წელს ბაფეტმა დაიწყო კოკა-კოლას აქციების შეძენა და საბოლოოდ მან შეიძინა აქციების 7%-მდე 1.02 მილიარდად. ეს გახდა მისი ერთ-ერთი ყველაზე სარფიანი ინვესტიცია და უდიდესი აქცია, რომელსაც დღესაც ფლობს.
1998 წელს მან შეიძინა General Reinsurance Corporation, რომელიც ცნობილია უბრალოდ Gen Re. იგი მსოფლიოს უდიდესი გადამზღვევი კომპანია გახდა, რომელიც სადაზღვევო კომპანიების დაზღვევას ახდენს.+
2002 წელს ბაფეტმა დახარჯა 11 მილიარდი ფორვარდულ გარიგებაში, დოლარის გასამყარებლად სხვა ვალუტების მიმართ. ამ ოპერაციიდან მან მიიღო 2 მილიარდზე მეტი მოგება, 2006 წლის აპრილის მონაცემებით.
პირადი ცხოვრება
რედაქტირებაუორენ ბაფეტმა 1952 წელს ცოლად შეირთო სუზან ტომპსონ ბაფეტი. მათ ჰყავთ სამი შვილი. სუზი, ჰოვარდი და პიტერი.წყვილმა 1977 წლიდან დაიწყო ცალკე ცხოვრება, მიუხედავად ამისა ისინი ქორწინებაში იყვნენ სუზანის გარდაცვალებამდე, ის გარდაიცვალა 2004 წელს. მათი ქალიშვილი სუზი ცხოვრობს ომაჰაში და ეწევა საქველმოქმედო საქმიანობას სუზან ბაფეტის ფონდის სახელით და არის Girls, Inc-ის ეროვნული საბჭოს წევრი, რომელიც ქალთა უფლებების დამცველი ორგანიზაციაა.
რესურსები ინტერნეტში
რედაქტირება- მსოფლიოს მილიარდელები
- BBC News: ბაფეტი მსოფლიოში უმდიდრესი გახდა
- ბაფეტი ფორბსის სიაში დაარქივებული 2011-09-02 საიტზე Wayback Machine.
- ბერკშირ ჰეზევეის ოფიციალური საიტი
- ბერკშირ ჰეზევეის მფლობელობაში არსებული კომპანიების აქციები
- ბერკშირ ჰეზევეის მფლობელობაში არსებული კომპანიების აქციები(Google Finance-ის ფასების მიხედვით) დაარქივებული 2012-10-22 საიტზე Wayback Machine.