ტროინატი
ტროინატი იგივე ტრენიოტა (ლიეტ. Treniota, ბელარ. Транята, პოლ. Treniota; დ. 1210 — გ. 1264) — ლიტვის დიდი მთავარი 1263-1264 წლებში. იგი იყო ლიტვის პირვველი მეფის, მინდაუგასის ძმის შვილი. როდესაც მინდაუგასმა მიიღო ქრისტიანობა, რათა ტევტონთა ორდენსა და ლივონიის ორდენის რაინდებს შეეჩერებინათ ლიტვაზე თავდასხმები, ტროინატი სანიმუშო წარმართად რჩებოდა. ვარაუდობენ, რომ მას სამართავად ჩაბარებული ჰქონდა ჟემაიტია. მინდაუგასის ნაბიჯის მიუხედავად ტევტონთა რეგულარული თავდასხმები ლიტვის ტერიტორიაზე გრძელდებოდა. 1260 წელს დურბესთან ბრძოლის შემდეგ ტროინატმა დაარწმუნა მინდაუგასი, რომ უარეყო ქრისტიანობა და კვლავ წარმართობას დაბრუნებოდა. ამის შემდეგ, მათ შეუტიეს ტევტონებს, თუმცა თავდასხმა წარუმატებელი აღმოჩნდა, ტევტონებს მცირე დანაკლისი მოუტანა. მინდაუგასს როგორც ჩანს აღარ იტაცებდა ტროინატთან მოკავშირეობა. სანამ მინდაუგასი რამეს მოიმოქმედებდა თავისი წარმართი ძმის შვილის წინააღმდეგ, დაასწრო ტროინატმა და დაუმანტასთან ერთად მოკლა თავის ორ შვილთან ერთად. 1263 წელს, მან მიითვისა სამეფო გვირგვინი და ლიტვა წარმართობისკენ მიაქცია. თუმცა ტროინატს დიდხანს არ დასცალდა, ერთ წელიწადში მინდაუგასის შვილმა ვაიშვილკასმა ტახტიდან ჩამოაგდო.
ლიტერატურა
რედაქტირება- Gudavičius, Edvardas (2004). „Treniota“. In Vytautas Spečiūnas (ed.). Lietuvos valdovai (XIII-XVIII a.): enciklopedinis žinynas (ლიეტუვური). Vilnius: Mokslo ir enciklopedijų leidybos institutas. p. 23. ISBN 5-420-01535-8.
რესურსები ინტერნეტში
რედაქტირება
შეგიძლიათ იხილოთ მედიაფაილები თემაზე „ტროინატი“ ვიკისაწყობში.
| წინამორბედი: მინდაუგასი |
ლიტვის დიდი მთავარი 1263 – 1264 |
შემდეგი: ვაიშვილკასი |