ტივერები
ტივერები — აღმოსავლეთსლავურ ტომთა გაერთიანება. სახლობდნენ მდინარე დნესტრის გაყოლებაზე შავ ზღვამდე და მდინარე დუნაის შესართავთან. ტივერები მონაწილეობდნენ ცარგრადზე ოლეგისა (907) და იგორის (944) ლაშქრობაში. X საუკუნის შუა წლებში ტივერები შევიდნენ კიევის რუსეთის შემადგენლობაში. XII საუკუნეში პაჭანიკებისა და ყივჩაყების შემოსევის გამო ტივერებმა ჩრდილოეთით გადაინაცვლეს და თანდათან შეერივნენ მეზობელ სლავ ტომებს.
ლიტერატურა რედაქტირება
- ქართული საბჭოთა ენციკლოპედია, ტ. 9, თბ., 1985. — გვ. 716.