ტენესი (მდინარე)
ტენესი (ინგლ. Tennessee) — მდინარე აშშ-ის აღმოსავლეთ ნაწილში, მდინარე ოჰაიოს (მისისიპის აუზი) ყველაზე გრძელი და წყალუხვი მარცხენა შენაკადი. წარმოიქმნება ქალაქ ნოქსვილთან მდინარეების ჰოლსტონისა და ფრენჩ-ბროდის შეერთების შედეგად. ისინი სათავეს იღებენ აპალაჩების დასავლეთ კალთებზე. სიგრძე შემდგენელი მდინარეების შეერთების ადგილიდან — 1050 კმ, მდ. ჰოლსტონის სათავიდან — 1470 კმ. აუზის ფართობი 104 ათ. კმ². წყალდიდობა იცის ზამთრის ბოლოს და გაზაფხულზე, წყალმცირობა — ზაფხულში. წყლის საშუალო ხარჯი შესართავთან 1800 მ³/წმ შეადგენს. ჩამონადენი თითქმის მთლიანადაა დარეგულირებული მრავალმხრივი დანიშნულების წყალსაცავთა სისტემით, მათგან 10 საკუთრივ ტენესიზე მდებარეობს (მ.შ. ყველაზე დიდი — კენტუკი, ფართობი 1100 კმ²), ხოლო 22 — შენაკადებზე. შემოვლითი არხებისა (ქალაქ ჩატანუგასა და ფლორენსთან არსებულ ჭორომებთან) და რაბების წყალობით, სანაოსნოა შემდგენელი მდინარეების შეერთების ადგილიდან მთელ სიგრძეზე. ტენესიზე მდებარეობს ქალაქები: ნოქსვილი, ჩატანუგა, ფლორენსი.[1]
| ტენესი ინგლ. Tennessee | |
|---|---|
 მდინარე ტენესი ქალაქ ჩატანუგაში | |
| ქვეყანა |
 აშშ |
| ტერიტორიული ერთეულები | ტენესი, ალაბამა, მისისიპი, კენტუკი |
| სათავე |
მდინარეების ჰოლსტონისა და ფრენჩ-ბროდის შეერთება 35°57′33″ ჩ. გ. 83°51′01″ დ. გ. / 35.95917° ჩ. გ. 83.85028° დ. გ. |
| სათავის მდებარეობა | ქალაქ ნოქსვილთან |
| სათავის სიმაღლე | 248 მ |
| შესართავი |
მდ. ოჰაიო 37°04′02″ ჩ. გ. 88°33′53″ დ. გ. / 37.06722° ჩ. გ. 88.56472° დ. გ. |
| შესართავის სიმაღლე | 92 მ |
| სიგრძე | 1050 კმ |
| აუზის ფართობი | 104 ათ. კმ² |
| მდინარის სისტემა | ოჰაიო → მისისიპი → მექსიკის ყურე |
| წყლის ხარჯი (საშ.) | 1800 მ³/წმ |
     — სათავე,  — შესართავი | |
 ტენესი ვიკისაწყობში | |
სქოლიო
რედაქტირება- ↑ Теннесси // Большая российская энциклопедия. т. 32. — М., 2016. — стр. 34–35.