სრედნა-გორა
სრედნა-გორა, ანტიბალკანები (ბულგ. Средна гора) — ქედი ცენტრალურ ბულგარეთში, იმიერბალკანების ქვაბულებსა და ზემო თრაკიის დაბლობს შორის. გადაჭიმულია 285 კმ-ზე, მაქსიმალური სიგანე 50 კმ. უმაღლესი წერტილია გოლიამ-ბოგდანი (1604 მ). ქედი იყოფა სამ: დასავლეთ, ცენტრალურ და აღმოსავლეთ ნაწილად. აგებულია კრისტალური ქანებით, ქვიშაქვებით და კირქვებით. აქვს ბრტყელი მწვერვალები. სამხრეთი კალთები შედარებით დამრეცია, ჩრდილოეთი კალთები ციცაბო. არის სპილენძის მადანი, მინერალური წყლები, კურორტები. ბალნეოლოგიური კურორტებიდან აღსანიშნავია: ჰისარია, პაველ-ბანია, სტარა-ზაგორა. კალთები შემოსილია მუხნარითა და წიფლნარით.
| სრედნა-გორა | |
|---|---|
 მწვერვალი გოლიამ-ბოგდანი | |
| კოორდინატები: 42°30′ ჩ. გ. 25°00′ ა. გ. / 42.500° ჩ. გ. 25.000° ა. გ. | |
| ქვეყანა |  ბულგარეთი
|
| უმაღლესი წერტილი | გოლიამ-ბოგდანი |
| სიმაღლე | 1604 მ |
| სიგრძე | 285 კმ |
| სიგანე | 50 კმ |
  | |
რესურსები ინტერნეტში
რედაქტირება- სრედნა-გორა — სტატია დიდი რუსული ენციკლოპედიიდან (რუსული)