ჰააფსალუ

ჰააფსალუ ყოფ. ჰაფსალი (ესტ. Haapsalu) — ქალაქი ესტონეთში. მდებარეობს ქვეყნის ჩრდილო-დასავლეთ ნაწილში, ბალტიის ზღვის სანაპიროზე, ჰააფსალუს კონცხზე, რომელიც ზღვაში ღრმად იჭრება. ლიაენემაას მაზრის ადმინისტრაციული ცენტრი. ჰააფსალუ მოსახლეობის რადენობის მიხედვით (10 165 კაცი; 2012 წ.) სიდიდით მეხუთე ქალაქია ტალინის, ტარტუს, ნარვას და პიარნუს შემდეგ.

ქალაქი
ჰააფსალუ ესტ. Haapsalu
დროშა გერბი
ქვეყანა	ესტონეთი
რეგიონი	ლიაენემაალიაენემაა
კოორდინატები	58°57′00″ ჩ. გ. 23°32′00″ ა. გ.
დაარსდა	1279
ადრეული სახელები	ჰაფსალი
ამჟამინდელი სტატუსი	1279
ფართობი	10,59 კმ²
მოსახლეობა	10 165 კაცი (2012)
სიმჭიდროვე	1121,4 კაცი/კმ²
ეროვნული შემადგენლობა	ესტონელები — 79,53 % რუსები — 15,27 %
სასაათო სარტყელი	UTC+2, ზაფხულში UTC+3
საფოსტო ინდექსი	90403, 90480, 90501-90510
საავტომობილო კოდი	S
ოფიციალური საიტი	haapsalu.ee
ჰააფსალუ ვიკისაწყობში

ისტორია

დრონით გადაღებული ვიდეო (2022)

დაარსდა XIII საუკუნეში, როგორც საეპისკოპოსოს ცენტრი. კულტურული მემკვიდრეობიდან აღსანიშნავია ეპისკოპოსის სასახლე, რომლის თანამედროვე სახე XVI საუკუნით თარიღდება. აღსანიშნავია აგრეთვე ქალაქის შუა საუკუნეების კედლების ფრაგმენტები, ქალაქის თავის საგუშაგო კოშკი და მთელ ბალტიისპირეთში ერთადერთი ნავიანი ეკლესია მისი მრგვალი საკურთხევლით (XIV საუკუნე).

1775 წელს აგებულ ხის ერთსართულიან შენობაში, რომელიც ადრე ქალაქის რატუშას წარმოადგენდა, დღეს განლაგებულია ქალაქის მუზეუმი. ქალაქი მდიდარია ხის ძველი სახლებით, რომელნიც უპირატესად ძველ უბნებშია კონცენტრირებული. ჰააფსალუს ხედები ფართოდაა ცნობილი მთელ მსოფლიოში სახელგანთქმული შვედრი მხატვრის ილონ ვიკლანდის მიერ, რომელიც ასტრიდ ლინდგრენის საბავშვო წიგნების ილუსტრატორი იყო.

ცნობილია რკინიგზის სადგურის ისტორიული შენობა. (1904. არქ. კ. ვერჰეიმი). მისი ნაწილია ე. წ. „იმპერიული პავილიონი“, სადაც თანამედროვე რკინიგზის მუზეუმია გახსნილი. სამგზავრო ბაქანთან ერთად მისი სიგრძე 216 მ-მდე იზრდება და ამდენად, სწორედ აქ მდებარეობს ევროპაში ყველაზე გრძელი სარკინიგზო ბაქანი.

დაძმობილებული ქალაქები

№	ქალაქი	ქვეყანა	წელი
1	ალმერე	ნიდერლანდები
2	ბეთლემი	პალესტინა	2010
3	ბოროვიჩი	რუსეთი
4	რენდსბურგი	გერმანია	1989
5	უმანი	უკრაინა	2003
6	ჰანინგე	შვედეთი	1998
7	ჰანკო	ფინეთი	1992

გალერეა

• 
  ჰააფსალუს სასახლე
• 
  ჰააფსალუს სასახლის ეკლესია
• 
  ჰააფსალუს სასახლე
• 
  ჰააფსალუს რკინიგზის სადგური, ამჟამად აღარ ფუნქციონირებს
• 
  მართლმადიდებლური ეკლესია
• 
  ჰააფსალუს რატუშა (მერია)
• 
  ჰააფსალუს კურზალი
• 
  რკინიგზის სადგური
• 
  წყლის კოშკი
• 
  ჰააფსალუს რკინიგზის სადგურის სამჭედლო
• 
  რკინიგზის სადგურის პოლიკლინიკა

იხილეთ აგრეთვე

• ესტონეთის ქალაქების სია

რესურსები ინტერნეტში

ვიკისაწყობში არის გვერდი თემაზე:

ჰააფსალუ

• ოფიციალური საიტი