გერმანიის წლის ფეხბურთელი
გერმანიის წლის ფეხბურთელის (გერმ. Fußballer des Jahres) ჯილდო 1960 წლიდან გაიცემა. 1996 წლიდან საუკეთესო ქალი ფეხბურთელი ჯილდოც გაიცემა. საუკეთესო ფეხბურთელის გამოვლენაში გერმანიის სპორტული ჟურნალისტების ასოციაცია (Verband der Deutschen Sportjournalisten) და სპორტული გამოცემა kicker მონაწილეობენ.[1] „გერმანიის წლის ფეხბურთელი“ შესაძლებელია გახდეს როგორც გერმანელი, ასევე უცხოელი მოთამაშე.
2004 წელს ბრაზილიელი აილტონი გახდა პირველი უცხოელი ფეხბურთელი, რომელმაც ეს ჯილდო მიიღო.
ამ დროისთვის „გერმანიის წლის ფეხბურთელად“ მიუნხენის ბაიერნის გერმანელი ფეხბურთელი ბასტიან შვაინშტაიგერი და ვოლფსბურგის ქალთა საფეხბურთო კლუბის ფეხბურთელი მარტინა მიულერია დასახელებული.
